Juan 7:4 - Biblia Dc en Mixe de Quetzaltepec

⁴ Ka'ap pën tii ayu'utsy tuny pën tsyojkpy ets ja ja'ay nijawëty. Tä mijts ya'atë jëtu'unpë xytyunyën, yajnikëxë'ëk ma ja'ayëtyën.

Biblia Mixe de Quetzaltepec

⁴ Ka'ap pën tii ayu'utsy tuny pën tsyojkpy ets ja ja'ay nijawëty. Tä mijts ya'atë jëtu'unpë xytyunyën, yajnikëxë'ëk ma ja'ayëtyën.

Juan 7:4 ပူးပေါင်းရင်းမြစ်များ

Juan 18:20

Ets ja Jesús t'ëtsooy: Tëës nnikäjpxy nikëxë'ëky mayjyä'äyjoty; xëmë ijty jap tsajptëkoty nyaj'ijxpëkyës ets näjyëtu'un ma ja mëjtsajptëjkën ma ja jutiis ja'ayëty ye'eymyuktën. Ka'apës ma tii yu'utsy të nnikäjpxy.

Lucas 6:45

Ja oyjyä'äy, oy ja kyajpxën myëtyakën, jä'äkyëjxm ko twinma'any'äty ja oypyë. Ja ëxëëk ja'ay, ëxëëk ja kyajpxën myëtyakën jä'äkyëjxm ko twinma'any'äty ja ka'apë y'oyëtyën. Mëti'ipë jyootjoty wyinma'anyjyotyën, yë'ë kyajpxpëtsëëmpy.

Mateo 23:5

Yë'ëkyëjxm winë tuntë ets ja ja'ay t'ixtëty. Mëpaatëp wyimpokëjxy ets kyë'ëkëjxy tkëxjaaynyëtë mëti'ipë kuja'ay miinpën: ja wyit yenyjo'oxnë tpëjkta'aktë ets ja ja'ay y'ëna'antëty ko nëkooyë Dios t'ëwtajnëtë.

Mateo 6:5

Ko miits ja Dios xymyëkajpxtëty, ka'ap jëtu'un m'ëtë'ëtstëty ijxtëm mëti'ipë oyjyä'äy nätyijëtëp, tsyojktëp ets ja Dios tmëkajpxtëty tënääpy tsajptëkoty, në'ëjoty tu'ujoty, ets ja ja'ay y'ixëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Mateo 6:16

Ko miits m'ayuu'atëty, ka'ap ja mwiin mjëjp xypyëjkta'aktëty yaj'ëyow yaj'ama'at, ijxtëm y'ëtë'ëtstën mëti'ipë oyjyä'äy nätyijëtëp ets ja ja'ay y'ixëtëty ko y'ayuu'atë. Tëy miits n'ënëëmëtë ko yi'iyë kyuma'ayën'atantëp.

Mateo 4:6

ets y'ënëmaayë: Pën Dios mijts mU'unk'ajtëp, kupujtnax yaa, jä'ä ko jëtu'un ja Dios ja y'aaw y'ayuk kyëxja'ayëty: Dios kyäxäämpy ja y'anklëstëjk ets mkëwent'atëtëty, yë'ë mwijts'itanëp këtiipë mkunäpëty tsaakëjxm.

1 Reyes 22:13

Ja kukäjpxy mëti'ipë ënety ja Micaías të tninëjkxyën, ko jam jyä'äjty tä t'ënëmaay: Tëkokyëty yë Wintsën yë myëtuunpëtëjk, aak'oy winë të tnikäjpxy ma ja yajkutujkpën. Paaty yam n'amëtoy yë mëyajtën ets xynyikajpxëty winë oy.

Juan 7:3

ets ja Jesús ja myëkä'äxtëjk y'ënëmaayëtë: Ka'ap yaa mwë'ëmëty, nëjkx jam Judea ets näjyëtu'un t'ixtëty yë m'ijxpëjkpëtëjk mëti'ipë yaa mtuunpyën.

Juan 7:5

Jä'ä ko ni myëkä'äxtëjk ja Jesús ënety kyamëpëkyë.