Juan 7:35 - Biblia Dc en Mixe de Quetzaltepec

³⁵ Tääts ja jutiis ja'ayëty nyäyajtëëwëtë nixim niyam: ¿Ma nyëjkxa'any ya'atë ja'ay ets ka'ap n'ëkpatënëty? ¿Kajts tjëkyepy jam muum nyëjkxëty wiink kajpn ets jam muum ma jyëpyo'kxykyajpnën tyaj'ijxpëkëty yë jutiis ja'ay?

Biblia Mixe de Quetzaltepec

³⁵ Tääts ja jutiis ja'ayëty nyäyajtëëwëtë nixim niyam: ¿Ma nyëjkxa'any ya'atë ja'ay ets ka'ap n'ëkpatënëty? ¿Kajts tjëkyepy jam muum nyëjkxëty wiink kajpn ets jam muum ma jyëpyo'kxykyajpnën tyaj'ijxpëkëty yë jutiis ja'ay?

Juan 7:35 ပူးပေါင်းရင်းမြစ်များ

Santiago 1:1

Santiagë, Dios mëtuunpë ets ja Wintsën Jesukristë. Tkajpxpo'kxy ja Israel ja'ayëty, mëti'ipë yajpatëpën oymyaakajpnëty naaxwiinyëtë apëtsëmy.

1 Pedro 1:1

Yë Pedro, Wintsën Jesukristë y'ayuk kajpxnajxpë, tyam mtuknikäxëtë kajpxpo'kxën mëti'ipë kujë kääkë yajpatëpën ma Ponto y'itjotm, Galacia, Capadocia ets Bitinia y'itjotmën,

Sofonías 3:10

Jam Etiopíë winnaxy jam yë nkajpnës xynyitsoona'any etsës xytyuknimina'any ja wyaantakën mëët ja nu'kxtakën.

Isaías 11:12

Tääts tpëjkta'aka'any tu'uk yë ijxpäjtën ma ja naax kajpnën ets tyajtu'ukmujkta'aja'any ja ja'ay mëti'ipë ënety ja myëtsip të yajnëjkxyën wiink naax wiink kajpn tsumy matsy; tyajmujkta'aja'any naaxwiinyëtë apëtsëmy ja Judá ja'ay mëti'ipë xit ko'ow yajpatëpën wiink it wiink naaxwiinyëtë.

Juan 12:20

Ënet ja ja'ayëty mëti'ipë ënety të nyëjkxtën Dios ëwtajtpë xëëwjoty jam Jerusalén, tam jënaakën ja griego ja'ayëty.

2 Timoteo 1:11

Dios të xytyuknipëkyës ets ya'atë y'aaw y'ayuk nkajpxwa'kxëtyës, tëëjës xykyexy ayukkajpxwa'kxpë ets nyaj'ijxpëkëtyës ja ja'ay.

1 Timoteo 2:7

Paatyës të nyajpëjktä'äky ayuk käjpxynyajxpë etsës yë ja'ay ntuk'ijxpëkëty yë mëpëjkën ets tëyajtën mëti'ipë ka'ap jyutiis'atën. Tëyës n'ëna'any, ka'apës n'antä'äky.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Hechos 22:21

Täätsës ja Wintsën xynyëmaay: Nëjkx, jam mijts nkäxa'any jëkäm ma ja ja'ay ka'apë jyutiis'atën.

Hechos 21:21

Ets jëtu'un y'ëna'antë koojëk mijts ja jutiis ja'ay xyaj'ixpëky mëti'ipë tsënaaytyëpën wiink kajpn, ko ka'ap tpatuntëty ja Moisés ja y'ënä'ämën, ko ja pi'k ëna'k ka'ap yajnatsujk'ëwtitëty ja ye'etyëjkajtën ets ka'ap ja nmëpëjkën'ajtëm tpatuntëty.

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Juan 8:22

Tääts ja jutiis ja'ayëty y'ënantë: ¿Wä'än jëtää nyäyaj'ooka'anyë, paaty jëtu'un y'ënä'äny ko ka'ap tjëkyepy jam nëjkxmëty ma nyijkxyënë?

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Mateo 12:21

ets oymyaajëty ja ja'ay myëpëkëtëty.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Salmos 147:2

Yë Wintsën yë'ë kyoj'o'oyëp yë Jerusalén kajpn ets yë'ë yajtu'ukmujkpy yë Israel ja'ayëty oy muum xit ko'ow yajpaatë.

Isaías 56:8

Ëjts nëjkx nyajmujkta'ay ja ja'ay mëti'ipë ënety jam muum yajpatëpën wiink naax wiink kajpn tsumy matsy. Wintsën jëtu'un ënaanp, mëti'ipë të tuknipëjktaakën ets ja Israel ja'ayëty tyu'ukmujkta'atëty mëti'ipë të yajpaatën axit ako'owë.

Juan 7:1

Ko jëtu'un y'ëkjajty y'ëkkëpejty, jamtsow ja Jesús jyëtijty Galilea y'itjotm. Ka'ap ojts nyijkxy Judea y'itjotm, jä'ä ko yaj'ookanëp ënety ja jutiis ja'ayëty jam.

Hechos 11:20

E tam ja mëpëjkpëtëjkëty mëti'ipë kukajpn'ajtëp jam Chipre ets Cirenë, jä'ä ojts nyëjkxtë Antioquía ets tkajpxwa'kxtë ja oy aaw oy ayuk ma ja ja'ayëtyën mëti'ipë ka'ap jyutiis'atën.

Hechos 14:1

Ko ja Pablo ets ja Bernabé jyajtë jam Iconio, ënät tyëjkëtyë ma ja jutiis ja'ayëty ja tsyajptëjkëtyën ets nimëtyaktë ja Dios ja y'aaw y'ayuk, may ja ja'ay myëpëjktë, wä'än tjutiis tkajutiisëty.

Hechos 17:4

Ënet ja jutiis ja'ay jënaakën tmëpëjktë ets tu'ukyë yajpatë mëët ja Pablo ets ja Silas ets näjyëtu'un may myëpëjktë ja ja'ayëty ka'apë jyutiis ja'ay'atën ets may ja to'oxytyëjkëty mëj'äämpyë wintsë'ëkëpë y'itën.

Hechos 18:4

Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.