Juan 7:30 - Biblia Dc en Mixe de Quetzaltepec

³⁰ Ënet ojts tjamatsa'antë, je'eyëp ko ni pën ojts tkanixajë, jä'ä ko ka'anëm ënety ja nyixëëw tpaatynyëm.

Biblia Mixe de Quetzaltepec

³⁰ Ënät ojts tjamatsa'antë, je'eyëp ko ni pën ojts tkanixajë, jä'ä ko ka'anëm ënäty ja nyixëëw tpaatynyëm.

Juan 7:30 ပူးပေါင်းရင်းမြစ်များ

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

Isaías 46:10

Tëëyëpës nikäjpxy mëti'ipë tunan jatanëpën, ojts nimëtyä'äkyës mëti'ipë ënety ka'ap jyätyënëm kyëpetynyëm; tëëjës n'ëna'any: Mëti'ipës të ntuknipëjktaakën kopkpëky ko tyuna'any jyata'anyë; ëjts ntuunta'ajäämpyës mëti'ipës nmääpy ntäjpyën.

Mateo 12:14

Ënet ja fariseë ja'ayëty tsyo'ontë ets tkäjpxy'ajtë wi'ix ja Jesús tyaj'ooka'antën.

Mateo 21:46

Ënet ja Jesús tjamatsantë. Ka'ap ojts tmatstë jä'ä ko yë'ë ja mayjyä'äy tsyë'këtëp, mëti'ipë myëpëjktëpën ko ja Jesús Dios käjpxynyajxpë jä'ä.

Marcos 11:18

Ko jëtu'un tmëtoowtë ja teety wintsëntëjk mëët ja tsajptëkotyëtë yaj'ijxpëjkpëtëjk, tääts t'ixtaaytyë ja winma'any wi'ix tyaj'ooktëtyën ja Jesús, yë'ë kë'ëm tsyë'këtëp ja Jesús, jä'ä ko ja mayjyä'äy oy tmëtowtë wi'ix ja Jesús yaj'ijxpëkyën.

Lucas 20:19

Ënätyë ja teety wintsëntëjk ets ja tsajptëkotyëtë yaj'ijxpëjkpëtëjk tjamatsantë ja Jesús, jä'äkyëjxm ko jëtu'un tja'awëtyë yë'ë yowë yajwinkajpxpäjtëp ko ënety ja Jesús ja ijxpäjtën jëtu'un të tnimëtyä'äky.

Lucas 22:53

Ko të nyajpaatyës ma ja mëjtsajptëjkën winjëpom, ka'ap ijty miits xymyatstës; tyam ënät të myëpaat'aty ets winë xytyuntëty jëtu'un ijxtëm ja akootstuuypyë yajpaatën.

Juan 10:31

Ënet ja jutiis ja'ayëty jatëkok tkoonë'ktë ja tsaa ets tjaka'atsantë ja Jesús,

Juan 10:39

Tääts ojts tjamatsa'antë jatëkok, je'eyëp ko ojts ja Jesús ye'eytyëkoy.

Juan 11:57

Ja fariseë ja'ayëty ets ja teety wintsënëty tëë ënety tni'ënä'ämëtë ko pën tnijawëty maa ja Jesús, ënätyë tnikajpxëty ets yajmatsëty.

Juan 7:19

Ojts mo'ojëtë ja Moisés ja ënä'ämën, ¿këtiijë? ets nitu'uk të xykyapatuntë. ¿Tiits koos xyaj'ooka'antë?

Juan 7:32

Ko ja fariseë ja'ayëty tmëtoy'ajtëy ko ja ja'ay ja Jesús tnikäjpxy tnimëtya'aktë, ënät yë fariseë ja'ayëty ets ja teety wintsënëty ojts tkäxtë ja mëjtsajptëjk këwent'ajtpë ets tmatstëty ja Jesús.

Juan 7:6

Ets ja Jesús y'ënëmaayëtë: Ka'apnëmës ja nxëëw tpaaty; je'eyëp ko ma miitsëtyën oyjyëna'ajëty.

Juan 7:8

Nëjkxtë miitsëty mxëëwatë; ëjts ka'apës nnëjkxa'any, jä'ä ko ka'ap ja nyixëëw tpaatynyëm.

Juan 8:20

Jëtu'un ja Jesús y'ënäny tam ënety yaj'ixpëky ma ja mëjtsajptëjkën ma ja ayajk ako'onën meeny nyipetyën. E ni pën ojts kyamatsyë, jä'ä ko ka'anëm ënety ja nyixëëw tpaatynyëm.

Juan 8:37

Nnija'apës ko Abraham xy'ap'at xy'ok'atë; je'eyëp ko xyaj'ookantëpës miitsëty, jä'ä ko ka'ap ja n'aaw n'ayukës xykyupëjkëtë.

Juan 8:59

Ënet ja tsaa tkoonë'ktë ets tjaka'atsantë ja Jesús; je'eyëp ko näyu'tsë ënätyë ets pyëtsiimy ma ja mëjtsajptëjkën.

Juan 9:4

Ma tyam jyaakxënyëmëty, kopkpëky ko ntu'unmëty ja tyuunk mëti'ipës të xykexyën. Miimp ja kootsajtën ma ka'ap t'ëkjëkyäpnëtyën ets pën tyunëty.