Juan 6:46 - Biblia Dc en Mixe de Quetzaltepec

⁴⁶ Ka'ap yë'ëjëty ko pën ja Dios Teety të t'ixy; yi'iyë të t'ixy mëti'ipë të tsyoonyën ma Tiosën.

Biblia Mixe de Quetzaltepec

⁴⁶ Ka'ap yë'ëjëty ko pën ja Tios Teety të t'ixy; yi'iyë të t'ixy mëti'ipë të tsyoonyën ma Tiosën.

Juan 6:46 ပူးပေါင်းရင်းမြစ်များ

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Juan 7:29

Ëjts n'ixy'äjtypyës yë'ë jä'ä koos jam ntsoony ets yë'ëjës të xykyexy.

Lucas 10:22

Tääts ja Jesús y'ënäny: Aak ëjts ja Dios Teety të xymyooytyä'äy tu'kë'ëyë winë. Ka'ap pën tnijawë pën Dios u'unk'ajtp, Dios Teety nätyu'uk nyija'ap; ni pën tkanijawë pën ja Dios Teety, Dios U'unk nätyu'uk nyija'ap ets tyuknijawëp ja ja'ay mëti'ipë ënety tyuknijawëjäämpyën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

1 Juan 4:12

Dios, ka'ap pën të y'ëk'ijxëpë. Pën nätsyojkëm ëëtsajtëm nixim niyam, yë'ë xëmë yajpaata'any ma ëëtsajtëmën ets ja tsojkën ja'awën mëtëy tyaj'awinpita'any ma ëëtsajtëmën.

Colosenses 1:15

Ko ja Kristë të yaj'ixy'äty ënät të yajnijawë wi'ix ja Dios y'ixëtyën, jä'ä ko yë Dios ka'ap yaj'ixy; yë'ë myëëtu'uk U'unk'ajtyp ka'anëm ënety tii kyojnyëm.

Juan 15:24

Ka'ap jeexyë tii poky tmëët'atë ko jeexyë ëjts tii nkatuny mëti'ipë ka'ap pën tunyënëm; e ëjts yë'ëjës të ntuny mëti'ipë tëë t'ëk'ijxtëpën, ets je'eyëm xy'ëxëëk'ixtë ets näjyëtu'un t'ëxëëk'ixtë ja nTeetyës.

Juan 8:55

E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënety ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

Juan 8:19

Ets tyajtëëwtë: ¿Maaxë ja mteety? Ets ja Jesús y'ëtsoowëtë: Ka'ap miits xy'ixy'atës, nän ka'ap ja nteetyës xy'ixy'ajtëtë; ko jeexyë xy'ëk'ixy'atës, m'ixy'ajtëp jeexyë näjyëtu'un ja nTeetyës.

Juan 5:37

E tëë näjyëtu'un ja Dios Teety, mëti'ipës të xykexyën nikäjpxy ja tëyajtën ëjtskyëjxm. Oy miits nijëna'a të xykyamëtowtë ets të xykya'ixtë,

Éxodo 24:10

Jam ojts ja Dios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Juan 14:7

Pën miitsëty xy'ixy'ajtëpës, m'ixy'atantëp näjyëtu'un ja nTeetyës; m'ixy'ajnëtëp tyamnë ets tääjën ja xy'ijxtë.