Juan 6:38 - Biblia Dc en Mixe de Quetzaltepec

³⁸ Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Biblia Mixe de Quetzaltepec

³⁸ Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Juan 6:38 ပူးပေါင်းရင်းမြစ်များ

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Juan 3:13

Ni pën tsajpjotm të kya'otsy, yi'iyë mëti'ipë jam të tsyoonyën ets yaa naaxwiiny të kyëtä'äky, yë'ë jëtu'un ja naaxwiinyëtë ja'ay ja y'U'unk.

Juan 3:17

Jä'ä ko yë Dios ka'ap yë'ëkyëjxmëty tkejxy ja y'U'unk naaxwiiny ets tyajnitukëja'any ja naaxwiinyëtë ja'ay, yë'ëkyëjxm të tkexy ets tyaj'ëwaatsëpëtsëmëty ja ja'ay.

Juan 3:31

Mëti'ipë tso'onpën jam këjxm, yë'ë tu'kë'ëyë winë nyikopk'ajtääpy. Mëti'ipë naaxwiinyën, naaxwiiny je'eyë tyuny, ets yi'iyë nyimëtyäkpy yaapë naaxwiinyën. E mëti'ipë tso'onpën tsajpjotm, yë'ë tu'kë'ëyë winë nyikopk'ajtääpy,

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Juan 5:19

Ets ja Jesús y'ënëmaayëtë: Tëy miits nëëmëtë ko yë Dios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Dios Teety, tyuunpy näjyëtu'un ja y'U'unk.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Dios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Juan 6:29

Ënet ja Jesús y'ëtsoowëtë: Mëti'ipë Dios tsyojkpyën ets xytyuntëty, yë'ë ets miits xymyëpëktëty mëti'ipë të tkexyën.

Juan 6:33

Ja tsajpkääky mëti'ipë Dios yäjkpyën, jä'ä tsajpjotm tso'omp ets ja naaxwiinyëtë ja'ay ja juukyajtën tpaaty.

Juan 6:42

ets nyäy'ënanëtë: Këtii yë'ëjëty ya'atë Jesús, José myaankë. N'ixy'ajtëm yë tyaak tyeety. ¿Wi'ix jëtu'un tyam y'ënaanpë ko tsajpjotm tsyoony?

Juan 6:57

Ja nTeetyës mëti'ipës të xykexyën myëët'ajtyp ja juukyajtën ets jam njuuky'ätyës ma yë'ëjën; näjyëtu'un mëti'ipë kääpy ukp ma ëjtsën paaty jyuuky'äty jä'ä koos ëjts yaa.

Romanos 15:3

Ka'ap ojts kë'ëm ja Kristë nyätyukjotkëtä'äkyë, jëtu'un ijxtëm ja Dios ja y'aaw y'ayuk kyëxja'ayëtyën: Ko ja ja'ay mwinkajpxpätëtëty, aak'ëjts xytyukkëtakp.

Efesios 4:9

¿E wi'ix jëtu'un nyiwijy ko y'ënä'äny ko pya'tëjkëy tsajpjotm? Jä'ä jëtu'un yajwinjawë ko jëwyiin të kyëtä'äky naaxwiiny.

Hebreos 5:8

Oy ja Kristë jya'u'unk'atyë ja Dios, tyukjajt wi'ix myëtowëtyën ko y'ëyooy.