Juan 3:35 - Biblia Dc en Mixe de Quetzaltepec

³⁵ Ja Dios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Biblia Mixe de Quetzaltepec

³⁵ Ja Tios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Juan 3:35 ပူးပေါင်းရင်းမြစ်များ

Génesis 41:44

Tää ja yajkutujkpë näjyëtu'un y'ënëmaayë: Ëk'ix, oyës n'ëk'ity yaa mëj wintsën ni pën mëpaat kë'ëmwinma'any winë tkatuny ma tu'kë'ëyë Egiptë kajpn tnitänën, pën mijts ka'ap të xynyi'ënä'ämë ets pën ka'ap xy'ëwa'atsy.

Génesis 41:55

Ko ojts y'akëjxëtyääynyë yë jë'kxy pëky ma ja'ayëtyën jap Egiptë ets yuu mëk tja'awënëtë, ënät ojts nyëjkxtë ma yajkutujkpën jë'kxy'amëtoopë. Ënet yë yajkutujkpë t'ëtsooy ja Egiptë ja'ayëty: Nëjkxtë ma Joséjën ets yë'ë tuntë tii yë'ë nyi'ënä'ämëpën.

Salmos 2:8

Ëjts amëtoowk mëti'ipë kajpn mtsojkën'ajtypën ets ntukumayëty; pën mtsojktääpy mapaat yë naaxwiinyëtë y'ëwtityën, tyam nmo'ojëty ets xyjyä'ä'atëty.

Proverbios 8:30

ëjts tam'ajtpës ënety, mëtoopë käjpxykyupëjkpës ënety näpyëjktä'äkyë ma yë'ëjën. Mëët ëjtskyëjxm janty jotkujk ënety yajpaaty, janaam jatsojkës ijty nwin'ëyi'iky nwinkëyetsy.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Lucas 10:22

Tääts ja Jesús y'ënäny: Aak ëjts ja Dios Teety të xymyooytyä'äy tu'kë'ëyë winë. Ka'ap pën tnijawë pën Dios u'unk'ajtp, Dios Teety nätyu'uk nyija'ap; ni pën tkanijawë pën ja Dios Teety, Dios U'unk nätyu'uk nyija'ap ets tyuknijawëp ja ja'ay mëti'ipë ënety tyuknijawëjäämpyën.

Juan 15:9

Jëtu'un miits ntsoktë ijxtëmës ja Dios Teety të xytsyokyën. Itë jam xëmë ma ja tsojkën ja'awënën mëti'ipë të nmo'otën.

Juan 17:2

Jä'ä ko mijts të xymyo'oy ja kuttujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Juan 17:26

Tëës ntuk'ëwaanëtë mpën mijts ets njaaktuk'ëwanëjantëpës, ets ja tsojkën ja'awën tmëët'atëty mëti'ipës mijts të xymye'eyën ets nyajpaatëtyës ma yë'ëjëtyën.

Juan 5:20

Dios Teety tsyojkpy ja y'U'unk ets tyuk'ijxtääpy mëti'ipë yë'ë tyuunpyën ets jyaak timtyuk'ixäämpy ni'ikpë mëti'ipë mëj'ixy y'ixtëpën.

Juan 5:22

Ka'ap ja Dios Teety pyaye'ey; ja y'U'unk të tuknipëky ets të tmo'oy ja kuttujkën ets pyaye'eyëty,

1 Corintios 15:27

Ja Dios tëë winë tpëjktä'äky ma ja Kristë ja tyekpya'tkën. Ko y'ënä'äny ko tu'kë'ëyë winë të tpëjktä'äky ma ja Kristë ja tyekpya'tkën, ka'ap yë'ëjëty tijy ko ja Dios ka'ap ja kuttujkën t'ëkmëët'ajnë, jä'ä ko yë'ë tyuknipëjktakëtyääpy winë.

Efesios 1:22

Kristë tyukkë'ëtëjkëy ets tnitënaaytya'ajëty tu'kë'ëyë winë ets nän yë'ë ojts tukë'ëtëkë ja mëpëjkpëtëjk ets tnikëpajk'atëty.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.