Juan 3:20 - Biblia Dc en Mixe de Quetzaltepec

²⁰ Pën tyuuntëp ja ëxëëkpë, y'ëxëëk ijxtëp ja të'kxën jajën, këtiipë yajnijawëty mëti'ipë tyuuntëpën.

Biblia Mixe de Quetzaltepec

²⁰ Pën tyuuntëp ja ëxëëkpë, y'ëxëëk ijxtëp ja të'kxën jajën, këtiipë yajnijawëty mëti'ipë tyuuntëpën.

Juan 3:20 ပူးပေါင်းရင်းမြစ်များ

2 Samuel 13:9

tä ja tsajpkääky texyjoty tpëjktäky ets ja y'äy Amnón tmooy, ja Amnón ka'ap kyäyäny, ënätyë ojts tkäjxpëtsëëmta'ay ja ja'ayëty.

1 Reyes 22:8

Tä ja yajkutujkpë jampë tyunyën Israel t'ëtsooy ja Josafat: Tä tu'uk mëti'ipë jyëkyejpy njaakyajtë'ëwmëty. Jä'ä txëëwaty Micaías, yë y'u'unk yë Imlá. Je'eyëp ko ëxëëkës tääpë ja'ay n'ixy, jä'ä ko ka'ap ninu'un tii oypyë tnikäjpxy, aakyë'ë ëxëëkpë nyikäjpxyp. E ja Josafat tyaa y'ëtsoowë: Këtii jëtu'un m'ëna'any.

1 Reyes 3:20

E ko jëtu'un t'ijxy tëë ja y'u'unk tyaj'ooky, ënät ënätyë pyëti'ky kujktsyu'um, täätsës ojts ja n'u'unk xypyëjkë mëti'ipë juukyën ets ja y'u'unk ook xytyuknako'okëyës.

Salmos 50:17

Mijts ka'ap xy'oyjawë ko tii ntuk'ënëëmë, ets ka'ap xytyunyë këwentë yë n'ayukës.

Proverbios 1:29

Jä'ä ko ka'ap ja nija'awën xytsyojkën'atë ets ka'ap xymyëjpëjktaka'antë ja Wintsën.

Proverbios 15:12

Ja'ay mëti'ipë nämyëjkäjxëpën ka'ap tsojkën'aty kajpxwijën, ets ka'ap t'a'ixë yajpaatëty ma wijyjyä'äytyëjkën.

Proverbios 16:30

Je'eyë wyinme'eky ko pën wi'ix tuna'any; je'eyë nyäyä'äntsu'utyë ko tëë tyuuntëkoy.

Proverbios 2:13

Mëti'ipë myajtstutëpën në'ë aaw tu'u aaw oypyë ets ënät jä'ä tpanëjkxnëtë ja në'ë tu'u kupi'its kukootspë,

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Proverbios 5:12

ets nëjkx mja'ënanë: Wi'ixës ko ojts n'ëkjëjpmëkajpxëpë ja näkyajpxtë'ëwën, wi'ixës ko ojts nkatunyë këwentë ja näwyijtswinpitë.

Jeremias 9:6

Jëtu'un yë Wintsën y'ënä'äny: Aak win'ë'ënëtëp ja'aynyë, aak tëkatsy winë tuntë tkajpxtë. Yë nnaax nkajpnës ninu'un xykya'ixkäpyës.

Lucas 11:45

Tääts ja tsajptëkotyëtë yaj'ijxpëjkpë tu'uk y'ëtsooy: Wintsën, ko mijts jëtu'un m'ëna'any, jëtu'unës njawëtë ëjts yowë xywyinkajpxpäjtëp.

Juan 3:21

E ja mëti'ipë juuky'ajtëpën mëtëy, myëwinkoontëp ja kujaj kutë'kxën ets yaj'ix yajnijawëty tu'kë'ëyë mëti'ipë tyuuntëpën ijxtëm ja Dios tsokyën.

Juan 7:7

Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.