Juan 20:15 - Biblia Dc en Mixe de Quetzaltepec

¹⁵ Ënet ja Jesús yajtëëwë: To'oxytyëjk, ¿tii ko myä'äxy, pën m'ixtääpy? Ja Maria jëtu'un myäy tyäjy ko yë'ë ja pëjykyam këwent'ajtpë kajpxp: Wintsën, pën mijts të xyajpëtsëmy, tuk'ëwa'anëkës maa të xypyëjktä'äky, etsës nëjkx jam nyajtsoony.

Biblia Mixe de Quetzaltepec

¹⁵ Ënät ja Jesús yajtëëwë: To'oxytyëjk, ¿tii ko myä'äxy, pën m'ixtääpy? Ja Maria jëtu'un myäy tyäjy ko yë'ë ja pëjykyam këwent'ajtpë kajpxp: Wintsën, pën mijts të xyajpëtsëmy, tuk'ëwa'anëkës maa të xypyëjktä'äky, etsës nëjkx jam nyajtsoony.

Juan 20:15 ပူးပေါင်းရင်းမြစ်များ

Cantares 3:2

Ënätës të mpëtë'ëky etsës të ntukjëtijtëtyä'äy yë naax kajpn nja'ixta'ayës ja mëti'ipës yë njuukyajtën tsyojkpy jya'apën, tëëjës nja'ixta'ay tu'ujoty, tëëjës nja'ixta'ay ma ja'ay y'u'unyëtë pyo'kxtën. Tëës nja'ixtaaytyä'äy ka'apës të npaaty.

Cantares 6:1

¿Ma ënät të nyijkxy ja ye'etyëjk mëti'ipë mtsojkpy mja'apën, to'oxytyëjk oypyë tsujpë? ¿Ma ënät të nyijkxy? Oy mpajamtëty ets n'ixtä'ämyëty.

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

Mateo 28:5

Ënet ja tsajpjotmëtë kukäjpxy t'ënëmaay ja to'oxytyëjktëjkëty: Këtii mtsë'ëkëtë. Nija'apës ko miitsëty Jesús m'ixtaaytyëp mëti'ipë ojts ja ja'ay yajkruutspetyën.

Marcos 16:6

e ja yä'äy ëna'k jëtu'un y'ënëmaayëtë: Këtii mtsë'ëkëtë. Miits yë'ë m'ixtaaytyëp ja Jesús, Nazaretëtë ja'ay, mëti'ipë ojts kyëruutspetyën. Tëë jatëkok jyuukpyiky, ka'ap ja yaa pën. Oy xytyim'ixtëty ma ojts yajpëjktä'äkyën.

Lucas 2:44

Jam tjëjp'ixtë ja Jesús myiny mayjyä'äy itkujky. Tu'kxëëw ojts ye'eytyë, tääts ojts t'ixtaaytya'aktë ma ja myëku'uktëjkëtyën mëti'ipë y'ixy'ajtëpën.

Lucas 24:5

Tsë'këtë ja to'oxytyëjk, ënät je'eyë nyaaxkoowtë; ets ja ye'etyëjk nimäjtsk y'ënëmaayëtë: ¿Tii ko xy'ixta'atë ma ja o'kpëjutën mëti'ipë juukyajtpën?

Juan 1:38

Tääts ja Jesús y'ijxwinpijty. Ko t'ijxy tää pyaminëtë ets tyajtëëy: ¿Tii m'ixtaaytyëp? Tääts y'ëtsoowtë: Wintsën: ¿Maa të mja'ajtä'äky?

Juan 18:4

Nyija'ap ja Jesús ënety wi'ix jyata'anyën, tääts ojts tninëjkxy ja ja'ay mëti'ipë nimiinëtëpën ets tyajtëëy: ¿Pën m'ixtaaytyëp?

Juan 18:7

Ets ja Jesús ojts jatëkok yajtëwëtë: ¿Pën m'ixtaaytyëp? Ets y'ënantë: Jesús Nazaretëtë ja'ay.

Juan 20:13

Ënet ja tsajpjotmëtë kukäjpxy tyajtëëwtë: To'oxytyëjk, ¿tii ko myä'äxy? Ets ja Maria y'ëtsooy: Yë'ëjës nmëyäxyp ko tëë ja nWintsën tmënëjkxtë ets ka'ap yajnijawë maa të tpëjkta'aktë.

1 Samuel 1:16

Ijxkëm mijts määpyë mtajpë koos yë'ë tu'uk yë to'oxytyëjk ka'apë wyintëy wyinkujkëtyën, jä'ä tëy ëjts Tiosës të nmëkäjpxy maa të xy'ixyën ëjts një'ëy nyä'äxyës, jä'ä ko mon tukës näjyawëty ets je'eyës nkumon nkutëkë.