Juan 19:6 - Biblia Dc en Mixe de Quetzaltepec

⁶ Ko t'ijxtë ja teety wintsëntëjk ets ja mëjtsajptëjk këwent'ajtpë ets yaxpë jojkpë tyëjkëtyë: Yajkruutspät. Yajkruutspät. Ets ja Pilato y'ënëmaayëtë: Mënëjkxtë ets miits xyajkruutspätëty, ëjts ka'apës tii pyoky të npatë.

Biblia Mixe de Quetzaltepec

⁶ Ko t'ijxtë ja teety wintsëntëjk ets ja mëjtsajptëjk këwent'ajtpë ets yaxpë jojkpë tyëjkëtyë: Yajkruutspät. Yajkruutspät. Ets ja Pilato y'ënëmaayëtë: Mënëjkxtë ets miits xyajkruutspätëty, ëjts ka'apës tii pyoky të npatë.

Juan 19:6 ပူးပေါင်းရင်းမြစ်များ

Juan 18:31

Ënet ja Pilato y'ënëmaayëtë: Mënëjkxtë ets paye'eytyë ijxtëm ja m'ënä'ämën myintën. Ets ja jutiis ja'ayëty y'ëtsoowtë: Ka'apës ja kuttujkën nmëët'atë etsës ja ja'ay nyaj'ooktëty.

Juan 19:4

Tääts ja Pilato jatëkok pyëtsiimy ets y'ënëmaayëtë: Ixtë, tëëjës nyajpëtsëmy ets xynyijawëtëty ko ka'apës tii pyoky npatë.

Hechos 7:52

Ja m'aptëjkëty ojts tpajëtijta'aktë ja Dios ja kyäjpxynyajxpë ets tyaj'o'ktë mëti'ipë nyikajpxtën ko myina'any mëti'ipë ka'ap pyokymyëëtëtyën. Ko të myiny, miits të xyaj'ooktë.

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Dios ënety të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

Juan 19:15

Ets mëk yujk'ënantë: Wä'än t'ooky. Wä'än t'ooky. Yajkruutspät. Ets ja Pilato yajtëëwëtë: ¿Mtsojktëp ets nyajkruuspätëtyës mëti'ipë mkutujkpë'ajtëpënë? Ets ja teety wintsëntëjk y'ëtsoowëtë: Ka'apës pën wiinkpë yajkutujkpë nmëët'atë, yi'iyë tu'uk ja yajkutujkpë kopk mëti'ipë Roma tso'onpën.

Lucas 23:4

Ënet ja Pilato t'ënëmaay ja teety wintsënëty ets ja ja'ayëty: Ka'apës tii poky npaaty ma ya'atë ye'etyëjkën.

Mateo 27:24

Ënet ja Pilato t'ijxy ko niwi'ix'äämpy ja ja'ay kyaja'akyukëtë, wäänëni'ik y'o'ktëwtë, ënät ni'ënä'ämëy ets ja nëë tyajmintëty ets ojts kyë'ëpujy ets y'ënäny: Ëjts nitii pokyës nkamëëtëty ko ya'atë ja'ay y'ookëty, miits mnija'awëtyëp tii mtuuntëp.

Mateo 27:22

Ënet ja Pilato yajtëëwëtë: ¿E wi'ixës mtunëty yë Jesús, mëti'ipë yajtijpën Kristë? Tääts ni'ëmukë y'ëtsoowtë ja mayjyä'äy: Yajkruutspät.

Mateo 26:58

Temë ja Pedro ojts ja Jesús tpatsoony, jëkäm tpaye'ey ets jëtu'un tpaja'ajty ma ja teety wintsën ja tyëjkën ets ojts tyëkë ma ja tëja'awën. Japts nyaaxwe'tsy mëët ja tsajptëjk këwent'ajtpë ets t'ixa'any pën wi'ix ja Jesús jyäty kyëpety.

Juan 18:3

Ënet ja Judas twoowja'ajty ja tsiptuunpëtëjk, mëjtsajptëkotyëtë këwent'ajtpëtëjk ets ja teety wintsëntëjk, yë'ë ja fariseë ja'ayëty käjxëtëp. Jëtu'un jyajtë mëët ja kyutë'kxnëty, pujxn ets kepy.

Juan 18:38

Ets ja Pilato y'ënëmaayë: ¿Tii tëy'ajtën'ajtp? Ko ja Pilato jëtu'un y'ënaantaay ënät pyëtsiimy jatëkok ets ojts tmëkäjpxy ja jutiis ja'ayëty: Ka'apës tii poky npaaty ma tääpë ja'ayën.