Juan 19:24 - Biblia Dc en Mixe de Quetzaltepec

²⁴ Ënet ja tsiptuunpë nyäy'ënanëtë: Ka'ap ntukë'tsëmëty, je'eyë nni'ëyë'kmëty ets n'ijxmëty pën tuka'ajëp. Jëtu'un tyuunë jyajtë ets y'atëëy ja Dios ja y'aaw y'ayuk mëti'ipë këxja'ay miinpën: Ojts tpëjkwa'kxtë aak yë'ëjëty ja nwitës ets tëë tni'ëyë'ëktë ja nipitës. Jëtu'un ojts ja tsiptuunpë winë tuntë.

Biblia Mixe de Quetzaltepec

²⁴ Ënät ja tsiptuunpë nyäy'ënanëtë: Ka'ap ntukë'tsëmëty, je'eyë nni'ëyë'kmëty ets n'ijxmëty pën tuka'ajëp. Jëtu'un tyuunë jyajtë ets y'atëëy ja Tios ja y'aaw y'ayuk mëti'ipë këxja'ay miinpën: Ojts tpëjkwa'kxtë aak yë'ëjëty ja nwitës ets tëë tni'ëyë'ëktë ja nipitës. Jëtu'un ojts ja tsiptuunpë winë tuntë.

Juan 19:24 ပူးပေါင်းရင်းမြစ်များ

2 Reyes 15:12

Jëtu'un'äämpy ojts y'atëy ja Wintsën ja y'aaw y'ayuk, ko t'ënëmaay ja Jehú, ko ja y'u'unk y'ëna'k ja Jehú je'eyë taxk najtskä'äxë yajkutuka'antë jam Israel.

Salmos 22:18

Tëë tpëjkwa'kxtë ja nwitës ets t'ijxpëtsëmtë.

Éxodo 28:32

Yajxon xytyuknixuyëty yë nyi'aaw ma këpajk nyaxëtyën. Ma nyi'aawën jëjpnä'äkwinpity jam y'itëty jëtu'un ijxtëm y'oytyunyëtyën yë po'onijän këtiipë kyëëtsëty.

Isaías 10:7

E yë Asiria yajkutujkpë ka'ap jëtu'un myäy tyäjy ets ka'ap jyëtu'unëty tuknipëjktaakë. Yë'ë jä'ä myäy tyäjy ko tyimyajkutëkooyäämpy ja naax kajpn.

Mateo 27:35

Ko ënety të tyajkruutspätë, tääts ja tsiptuunpëtëjkëty ojts suertëjoty t'ijxpëtsëmtë ja Jesús ja wyit, pënjaty tuka'ajëp.

Marcos 15:24

Ënet tyajkruutspäjtë ets ja tsiptuunpëtëjkëty tni'ëyë'ktë ja Jesús ja wyit ets tnijawëtë tii pën tuka'ajëp.

Lucas 23:34

Tääts ja Jesús y'ënäny: Dios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Juan 10:35

Yajnija'ap ko ka'ap tjëkyepy ja Dios ja y'aaw y'ayuk këxja'aypyë yajninaxëty; ets ja Dios, nän tios ojts tijy ja ja'ayëty mëti'ipë ja y'aaw y'ayuk tyukmëtoowën.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Dios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Juan 19:28

Ko jëtu'un jyäjty kyëpejty, ets ko nän nyija'ap ënety ja Jesús ko tëë tyuunta'ay jyajta'ayë winë ets tam mëti'ipë jaaktëkoy'ajtpën paaty y'ënäny: Tëtsëpës.

Hechos 13:27

Mëti'ipë ënety jam tsënaaytyëpën Jerusalén mëët ja kyutuunkëty ka'ap tmëj'ijxtë ja Jesús ets ka'ap tja'akyujkëtyë mëti'ipë ja käjpxynyajxpëtëjk ojts tnimëtya'aktën, mëti'ipë xëmë yajnikajpxpën jap tsajptëkoty winpo'kxënxëëw.