Juan 19:17 - Biblia Dc en Mixe de Quetzaltepec

¹⁷ Tääts ja Jesús tsyo'ony, tam ja kruuts tpakäpy, ets nyijkx ma txëëwatyën O'kpë Këpajk mëti'ipë hebreo ayuk yajtijpën Gólgota.

Biblia Mixe de Quetzaltepec

¹⁷ Tääts ja Jesús tsyo'ony, tam ja kruuts tpakäpy, ets nyijkx ma txëëwatyën O'kpë Këpajk mëti'ipë hebreo ayuk yajtijpën Gólgota.

Juan 19:17 ပူးပေါင်းရင်းမြစ်များ

Génesis 22:6

Abraham ojts yë nyija'axy tso'owë ja wintsë'kën ets tmooy ja Isaac tääts tpatso'owëty kyejkyijxy, kyoon näjyëtu'un ja tsujkn ets ja jëën ets ojts nyëjkxtë nimäjtsk.

1 Reyes 21:13

Tä myiintë nimäjtsk ja ja'ayëty mëti'ipë win'ëënantëpën ets tpokynyitija'antë ja Nabot, tukmëtoowtë ja mayjyä'äy; ko ja Nabot ëxëëkjaty ënety ja Wintsën të tijy ets näjyëtu'un ja yajkutujkpë. Ënätyë tju'të ja Nabot jam ma ja mayjyä'äyën ets jam kajpnpë'am ojts tyajnëjkxtë, jam tkuka'tstë.

Mateo 10:38

Ka'apës xypyaat'aty n'ijxpëjkpë'atëty yë ja'ay mëti'ipë ka'ap ja wyinma'any mëk tpëjktä'äkyën ets y'ëyowëty ijxtëm tu'uk ja ja'ay jeexyë ja kyëruuts tpatsëmyën.

Mateo 16:24

Tääts ja Jesús t'ënëmaay ja y'ijxpëjkpëtëjk: Pën tsyojkpy etsës n'ijxpëjkpë'atëty, wä'än ja kyë'ëm winma'any tja'atyëkoy ets ja wyinma'any mëk tpëjkta'akëty ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, etsës xypyatsoonëty.

Mateo 27:37

Jam kyëpajkëjxm ojts tkëxja'atë tu'uk ja ayuk mëti'ipë yaj'ënantëpën: Ya'atë jëtu'un Jesús, mëti'ipë jutiiyës ja'ay yajkutujkpë'ajtëpën.

Marcos 10:21

Ënet ja Jesús wyintë'kxpäjtë mëët tu'uk ja oyjyot oywyinma'any ets y'ënëmaayë: Tu'uk mjaaktëkoy'ajtxëty. To'kta'a mëti'ipë mmëët'ajtypyën ets mo'o ja ëyoopëja'ay. Ënet ja Dios ja kuma'ayën mmo'ojëtëty tsajpjotm. Täänëm xypyaminëtyës.

Marcos 15:26

Ënet ja letrë ojts jam tpëjkta'aktë mëti'ipë ënaanpën: Jutiis yajkutujkpë.

Marcos 15:32

Wä'änts ënät tyam tjënäky tääpë Kristë kruutskëjxm, yë Israel yajkutujkpë, jëtu'unts n'ijxmëty ets nmëpëjkmëty. Yë'ëpaat mëti'ipë ënety jam mëëtën kruutskëjxm ojts nyëxi'iky tyukxi'ikyë.

Marcos 8:34

Ënet ja y'ijxpëjkpëtëjk ets ja mayjyä'äy tyaxëy, ets t'ënëmaay: Pën tsyojkpy etsës n'ijxpëjkpë'atëty, wä'än kyë'ëm winma'any tja'atyëkoy ets ja wyinma'any mëk tpëjkta'akëty, ëyowëp ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, ënätës xypyaminëty.

Lucas 14:27

Pën ka'ap ja kyëruuts tsëëmë'ëky ets ka'apës xypyaminy; jëtu'unpë ja'ay ka'ap tjëkyepy n'ijxpëjkpë'atëtyës.

Lucas 23:26

Ko ja Jesús ënety jam tyajnëjkxtë ets tyajkruutspäta'antë, ënät tmajtstë tu'uk ja Cirenë ja'ay, Simónk'ajtp, Cirenë kyukajpnëty, kamjotm ënety tsyoony ets atsip tukpatsëëmtë ja Jesús ja kyëruuts ets ix'ok ye'ey ja Jesús.

Lucas 23:33

Ko jyajtë ma ja it txëëwatyën O'kpë Këpajk, jam tyajkruutspäjtë ja Jesús mëët ja nimäjtskpë pokytyuunpë, tu'uk aka'any'äämpy ets tu'uk anajnytsyow.

Lucas 23:38

Tam ja letrë ënety të tkëxja'atë kyëpäjky, griego, latín ets hebreo ayuk mëti'ipë ënaanpën: Ya'atë ja jutiis yajkutujkpë.

Lucas 9:23

Ok ni'ëmukë y'ënëmaayëtë: Pën tsyojkpy etsës n'ijxpëjkpë'atëty, wä'än kyë'ëm winma'any tja'atyëkoy ets winjëpom ja wyinma'any mëk tpëjkta'akëty ijxtëm tu'uk ja ja'ay ja kyëruuts tpatsëmyën ko ja y'o'kën t'anëjkxë, ënätës xypyaminëty.

Juan 19:13

Ko ja Pilato jëtu'un tmëtooy ënät ojts tni'ënä'ämë ets ja Jesús tyajpëtsëmtëty ets nyaaxwe'tsy ënyääypyäjnkëjxy ma pyaye'eyën, ma txëëwatyën hebreo ayuk Gabatá, jä'ä nyiwijy Tsaa Winwääpy.

Juan 5:2

Jam ijty tu'uk ja tëjk'aaw mëti'ipë xyëëwajtypyën Kupixyny Tëjk Aaw ets jam tu'uk ja nëë apojtsë'ëky, Betesda yajtijy hebreo ayuk, mëkoxk ja nyitëjk'aaw.

Hechos 7:58

Ënet tyajpëtsëëmtë jam kajpnjotm ets tkuka'tstë; mëti'ipë ja Esteban nyi''ë'ënëtëpën yë'ë ja wyit tyukmëwë'ëmtë ja Saulo ets jam tkëwent'atëty.