Juan 17:25 - Biblia Dc en Mixe de Quetzaltepec

²⁵ Dios Teety mëtëypyë, yë naaxwiinyëtë ja'ay ka'ap m'ixy'atëtë; ëjts n'ixy'äjtypyës mijts, ya'atë näjyëtu'un nyija'awëtyëp ko mijtsës të xykyexy.

Biblia Mixe de Quetzaltepec

²⁵ Tios Teety mëtëypyë, yë naaxwiinyëtë ja'ay ka'ap m'ixy'atëtë; ëjts n'ixy'äjtypyës mijts, ya'atë näjyëtu'un nyija'awëtyëp ko mijtsës të xykyexy.

Juan 17:25 ပူးပေါင်းရင်းမြစ်များ

Juan 17:11

Ka'apës n'ëkyajpaatanë naaxwiiny, je'eyëp ko yë'ëjëty naaxwiiny yë wyë'ëmtë; ëjts jamës nnëjkxy ma mijtsën ets tu'ukyë nyajpatmëty. Dios Teety Wa'atspë, ijx'it këwent'at mëët ja mxëëw ja myëk'ajtën, ja mxëëw mëti'ipës të xymye'eyën ets tu'ukmukyë yajpaatëty, ijxtëm ëëtsajtëmën.

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Juan 15:21

Ëxëëk mjata'an mkëpäta'antë mëët ëjtskyëjxm, jä'ä ko ka'ap nijawëtë pën të xykyexyës.

Juan 7:29

Ëjts n'ixy'äjtypyës yë'ë jä'ä koos jam ntsoony ets yë'ëjës të xykyexy.

Juan 16:27

jä'ä ko ja nTeetyës kë'ëm miits mtsojkëtëp. Mtsojkëtëp jä'äkyëjxm koos miits tsyoktë ets jä'ä ko tëë xymyëpëktë koos jam ntsoony ma Tiosën.

Hebreos 8:11

Ka'ap nëjkx y'ëkkopkpëky'ajnë pën ja myëku'uktëjk tuk'ixpëkëty pën ëjts, jä'ä ko tëëjës ënety ni'ëmukë ja'ay xy'ixy'atë, mëjpë mutskpë.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Dios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

Juan 8:55

E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënety ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

Lucas 10:22

Tääts ja Jesús y'ënäny: Aak ëjts ja Dios Teety të xymyooytyä'äy tu'kë'ëyë winë. Ka'ap pën tnijawë pën Dios u'unk'ajtp, Dios Teety nätyu'uk nyija'ap; ni pën tkanijawë pën ja Dios Teety, Dios U'unk nätyu'uk nyija'ap ets tyuknijawëp ja ja'ay mëti'ipë ënety tyuknijawëjäämpyën.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Dios jënaakën xynyijawëtë. Miits mtsëtyu'unpatëp koos jëtu'un n'ëna'any.

1 Corintios 1:21

Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

Romanos 3:26

jä'ä ko yë'ë mä'kxtujkp yajpaaty. Yë'ë, jëtu'un ënety tyajknikëxë'ëka'any ko pyaye'ey ijxtëm pyaat'atyën ets oy wyi'im mëët ja Dios mëti'ipë myëpëjktëpën ja Jesús.

Romanos 3:11

Ka'ap pën jyä'äkyukë, ka'ap pën maa mëti'ipë y'ixtääpyën yë Dios.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

Hechos 17:23

Koos yaa nnaxy ntëkë ma mnaax mkajpnëtyën, ënätës të n'ixy ma miits ja mtios xy'ëwtatën jam kyëxja'ayëty: Ja Dios ka'apë yaj'ixy'ätyën. E oy, ja mëti'ipë m'ëwtajtëpën ets ka'ap xy'ixy'atë, yë'ëjës ëjts nnikäjpxy nnimëtyäkpy.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Juan 17:18

Jëtu'un ijxtëmës mijts të xykyexyën ma ja ja'ayëtyën mëti'ipë ja naaxwiinyëtë winma'any yajtuuntëpën, näjyëtu'unës yë'ë yam nkäxtë ma ja ja'ayëtyën mëti'ipë yajtuuntëpën ja naaxwiinyëtë winma'any.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Juan 16:30

Tyamës nijawëtë ko mijts tu'kë'ëyë winë xynyija'awëtyä'äy ets ko ka'ap xyajmëyäty pën tii myajtëwëtëty. Yë'ëkyëjxmës tyam nmëpëktë ko mijts mtsoony jam ma Tiosën.

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Dios Teety t'ixy'atë, ets ëjts nän ka'apës xy'ixy'atë.

Juan 8:19

Ets tyajtëëwtë: ¿Maaxë ja mteety? Ets ja Jesús y'ëtsoowëtë: Ka'ap miits xy'ixy'atës, nän ka'ap ja nteetyës xy'ixy'ajtëtë; ko jeexyë xy'ëk'ixy'atës, m'ixy'ajtëp jeexyë näjyëtu'un ja nTeetyës.

Juan 6:19

Ko ënety tëë mëkoxk mil ëkë tëtujk mil metrën nyëjkxnëtë nëë'itkujky ënät t'ijxpatë ja Jesús ko ja kepy nëëwinye'epyë tmëwinkony ye'epy mejy wiinkëjxm ets ojts tsyë'ëkëtë.

Juan 3:17

Jä'ä ko yë Dios ka'ap yë'ëkyëjxmëty tkejxy ja y'U'unk naaxwiiny ets tyajnitukëja'any ja naaxwiinyëtë ja'ay, yë'ëkyëjxm të tkexy ets tyaj'ëwaatsëpëtsëmëty ja ja'ay.

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Mateo 16:16

Tääts ja Simón Pedro y'ëtsooy: MKristë mijts, ja juuky Dios ja y'U'unk.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Apocalipsis 16:5

Ënet nmëtooyës ko y'ënä'äny ja tsajpjotmëtë kukäjpxy mëti'ipë kyëwent'ajtypyën ja nëë: Dios, mijts m'ijtp ets mijts m'itaanp, mëtëy winë xynyipaye'ey. Jëtu'un mijts të mtëytyuny ets të mpaye'ey ijxtëm pyaat'atyën.