Juan 15:24 - Biblia Dc en Mixe de Quetzaltepec

²⁴ Ka'ap jeexyë tii poky tmëët'atë ko jeexyë ëjts tii nkatuny mëti'ipë ka'ap pën tunyënëm; e ëjts yë'ëjës të ntuny mëti'ipë tëë t'ëk'ijxtëpën, ets je'eyëm xy'ëxëëk'ixtë ets näjyëtu'un t'ëxëëk'ixtë ja nTeetyës.

Biblia Mixe de Quetzaltepec

²⁴ Ka'ap jeexyë tii poky tmëët'atë ko jeexyë ëjts tii nkatuny mëti'ipë ka'ap pën tunyënëm; e ëjts yë'ëjës të ntuny mëti'ipë tëë t'ëk'ijxtëpën, ets je'eyëm xy'ëxëëk'ixtë ets näjyëtu'un t'ëxëëk'ixtë ja nTeetyës.

Juan 15:24 ပူးပေါင်းရင်းမြစ်များ

Salmos 81:15

Mëti'ipë myëtsip'ajtëpën yë Dios, tsë'ëkë mëët jeexyë të wyë'ëmta'atë, ma të yajtëytyuntën, tsa'ay jeexyë të wyë'ëmtë.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Proverbios 8:36

e koos pën xy'ëxmatsy, jëtu'un tä jeexyë atsë'ëkëtuuy nyäpyëjktä'äkyën; pënës xy'ëxëëk'ijxp, o'kën tsyojkën'ajtyp.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Mateo 21:32

Jä'ä ko të ja Juan Yajnëëpäjtpë mjaniminëtë ets mjayaj'ijxpëkëtë wi'ix ja Dios tsokyën mjuuky'atëty, ets kä'äpyëm të xymyëpëktë mëti'ipë yë yajkukëpäjtpëtëjkëty ets into'oxytyëjkëty ojts tmëpëktën. E miitsëty oy tu'kë'ëyë ya'atë të xyjya'ixtë, kä'äpyëm të xymyëpëktë.

Mateo 9:33

Ko ja Jesús t'ixkejxy ja ku'oypyë, tääts ja uum kyajpxë'ky. Janty mëj'ixy ja ja'ay t'ijxtë ets y'ënantë: Nijëna'a jëtu'unpë kyayaj'ixynyëm yaa Israel y'itjoty.

Marcos 2:12

Pëtë'k ja pa'amja'ay ets ja myaapäjn tkëëyi'ky ets tsyo'onë mayjyä'äyjotm. Paaty ja ja'ay ni'ëmukë mëj'äämpy t'ijxtë ets ja Dios tmëjja'awëtyë tjaantyjya'awëtyë ets y'ënantë: Nijëna'a ëëts ya'atë jëtu'unpë nka'ixynyëm.

Lucas 24:19

Tääts ja Jesús tyajtëëy: ¿Tiixë të tyuny të jyätyë? Ets y'ëtsoowtë: Ja Jesús Nazaretëtë ja'ay, ja Dios ja kyäjpxynyajxpë mëti'ipë mëk'ajtën mëët winë tuunyën ma Tiosën ets ma ja ja'ayëtyën.

Juan 10:32

e ja Jesús jëtu'un y'ënëmaayëtë: May ja mëj'ajtën të ntunyës ma miitsëtyën mëët ja nteetyës ja kyutujkën. ¿E tiis ko xykyuka'atsa'antë?

Juan 10:37

Pën ka'apës yë'ë ntuny mëti'ipë ja nTeetyës tyuunpyën, ka'apës xymyëpëktëty.

Juan 12:10

Ënet ja teety wintsëntëjk tkäjpxy'ajtë ets ja Lázaro näjyëtu'un tyaj'ooka'antë,

Juan 12:45

Pën ëjts xy'ijxp, y'ijxyp näjyëtu'un ja mëti'ipës të xykexyën.

Juan 14:9

Ënet ja Jesús y'ëtsoowë: Felipe, tëë miits yaa jeky nmëët'atë, ¿ets ka'anëm xy'ixy'ätyësë? Pën të xy'ijxyës, tëëjën ja t'ixy ja Dios Teety. ¿E tii ko m'ëna'any ko ntuk'ixëty ja Dios Teety?

Juan 15:21

Ëxëëk mjata'an mkëpäta'antë mëët ëjtskyëjxm, jä'ä ko ka'ap nijawëtë pën të xykyexyës.

Juan 15:22

Ka'ap jeexyë tii poky tmëët'atë ko jeexyë ëjts nkaminyës ets nkatuk'ëwaanëtë. E tyam ka'ap tjëkyepy yajnimä'kxtëty ko ëxëëk y'ëtë'ëtstë y'ëna'antë.

Juan 15:23

Pën xykya'oy'ijxpës, ja nTeetyës näjyëtu'un kya'oy'ijxyp.

Juan 16:9

Mëti'ipë pokymyëëtën yë'ëkyëjxm koos ka'ap xymyëpëky;

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Juan 5:36

Nmëët'ajtypës ja tëyajtën ni'ik këtiinëm ja Juan. Mëti'ipës ëjts ntuunpyën yë'ë mëti'ipë ja Dios Teety ëjts xymooyën ets ntunëtyës, yë'ë yajtëytyëjkëp koos ja Dios Teety të xykyexy.

Juan 6:36

Ijxtëm të nëëmëtën, miitsëty ka'apës të xymyëpëktë oyës të xyjya'ixtë.

Juan 7:31

May ja ja'ay ojts myëpëktë ets y'ënantë: Ko myinëty ja Kristë, ¿wäänë jëtää ni'ik tunëty ja mëj'ajtën këtiinëm ya'atë ye'etyëjkë?

Juan 9:32

Nimaa kyayajmëtoy'äty ja'ay y'ijxë'ëky mëti'ipë tëë myëxu'unk'atyën wiints.

Juan 9:41

Ets ja Jesús y'ëtsooy: Ko jeexyë miits mwiints'atë, ka'ap jeexyë miits myajpoky'ixtë. Yë'ë ko m'ëna'antë ko m'ixtë paaty myajpoky'ixtë.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Dios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Romanos 1:30

Nyikajpx nyimëtyaktëp ëxëëkjaty ja myëku'ukëty, myëtsip'ajtëp ja Dios, ëxëëk kajpxtëp, mëjjëtëp patëtëp, amëj akëjxm, myëwinma'anypyaat'ëtëtstëp ja ëxëëkpë, ka'ap ja tyaak tyeety tmëmëtowtë,

Deuteronomio 5:9

Ka'ap xywyinkoxtänëty ets ka'ap xymyëjjawëty, jä'ä tu'ukyës ëjts nWintsën'aty mëti'ipë mTios'ajtypyën. Ëjts Dios mëti'ipë ni'akë'ajtpën, ntëytyuunpës ja nyëë pyoky ja taak teety ma ja y'u'unk y'ëna'këtyën ets mëtëkëëk mëmajktaxk najtskä'äxëpë.

2 Timoteo 3:4

Kyë'ëyakantëp ja myëku'ukëty, tyimtuna'antëp winë ijxtëm ja jyot wyinma'anyëtyën, jëtu'un winë tuna'antë ijxtëm tsojkën'atën ets ka'ap ja Dios t'ixta'aja'antë.

Santiago 4:4

Miitsëty, mëti'ipë ja Dios të y'ëxmatstën, ¿tii këtii xynyijawëtë ko ja Dios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Dios myëtsipëjkpy.