Juan 15:11 - Biblia Dc en Mixe de Quetzaltepec

¹¹ Paaty jëtu'un nëëmëtë ets mxoonta'aktëty mëët ëjts ets ja mxoontakën kya'pxtëty.

Biblia Mixe de Quetzaltepec

¹¹ Paaty jëtu'un nëëmëtë ets mxoonta'aktëty mëët ëjts ets ja mxoontakën kya'pxtëty.

Juan 15:11 ပူးပေါင်းရင်းမြစ်များ

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 62:4

Ka'ap nëjkx m'ëk yajtijnë Tëë yaj'ëxmatsy ets ka'ap nëjkx mnaax mkam y'ëkyajtijnë Tëë kyutëkoy, yë mxëëw jä'ä nëjkx yajtijy Ëjts Ntsojkën, ets mnaax mkajpn jä'ä nëjkx yajtijy Ëjts Nto'oxytyëjk, jä'ä ko mijts yë Wintsën ni'ik mtsojkën'ajtëp, ets yë'ë jëtu'un itaanp tä mniye'etyëjkën ma mnaax mkajpnën.

Jeremias 32:41

Ëjts oyës nëjkx nnäjyawëty ko ënety oy jyuuky'atë, winë aaw winëjot nëjkx yaa nyajtsëënëtës ma ya'atë naax kajpnën.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënety jotkujk yajpaaty

Lucas 15:23

Nëjkx ja tsajpkaa tu'uk xyajtsoontë ni'kxpë ets xyaj'ooktëty. Tsojk nka'ayëm n'ukëm ets nxëëwtu'unëmë.

Lucas 15:32

Tyam, kopkpëky ntu'unmëty yë xëëw, tsojk ntukxoontakëmë. Jä'ä ko ya'atë n'u'unkës, jëtu'un tpaaty ijxtëm jeexyë të y'o'knën; e tyam, tëë jyuukpyiky; jëtu'un tpaaty ijxtëm jeexyë të tyëkoy'ityën e tyam tëë yajpaaty.

Lucas 15:5

Ko tpaaty, akujk jotkujk nyäjyawëty, ets kyejkykyëjxm tpëjktä'äky,

Lucas 15:9

Ko tpaaty ënät ja myëku'uktëjk, myëjëën myëtëjk tuk'ëwa'anëtyä'äy ets t'ënëëmë: Mëëtxoontaktëkës, jä'ä ko tëëjës ja nmeeny npaaty mëti'ipë të tyëkoy'ityën.

Juan 16:24

Tyampaat ka'ap miits tii xy'amëtowtës ëjtskyëjxm; amëtowtë ets myajmo'otëty, jëtu'un ja mxoontakën kya'pxtëty.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Juan 17:13

Tyamtsës nnëjkxy ma mijtsën; e paatyës jëtu'un n'ëna'any jä'ä ko jaaktyaanëmës njaakyajpaaty naaxwiiny, ets ëmuumtu'ukjot xyoonta'aktëty ijxtëmës ëjts nxoontä'äkyën.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

2 Corintios 1:24

Ka'ap ëëts niwintsën'atë ja mmëpëjkënëty; yë'ëjës ntsojktëp ets nputëkëja'antë ets tu'kmukyë akujk jotkujk myajpatmëty, jä'ä ko miitsëty mëk myajpatnëtë ma ja mëpëjkënën.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Filipenses 1:25

Yë'ëkyëjxm ko jëjp'ixy nmëët'atyës koos njaakjuuky'ata'any mëët miitsëty ets njaakputëkëtëty wi'ix mtu'uye'eytyëtyën ets wi'ix xymyëët'atëtyën ja xoontakën ma mëpëktën.

1 Tesalonicenses 5:16

Xëmë akujk jotkujk mnäjyawëtëty.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

1 Juan 1:4

Paaty miits ya'atë ntuknijayëtë ets ja nxoontakën'ajtëm kya'pxëty.

2 Juan 1:12

Mayës ja winma'any nmëëtëty mëti'ipë miits ntukmëmëtya'akantëpën, je'eyëp ko ka'apës noky'am n'ëkkëxja'ajanë, kë'ëm ntimnyinëjkxa'antë ets jam nkajpxmëty nmëtyakmëty wiinxë jëjpxë ets wäänë jotkujk nnäyjya'awëmëty.