Juan 14:31 - Biblia Dc en Mixe de Quetzaltepec

³¹ kopkpëky ko jëtu'un tyunëtëty jyatëtëty, ets tëkokyë ja'ay nija'awëtya'atëty koos yë'ëjës ntsojkpy yë Dios Teety ets koos yë'ë ntuny mëti'ipës të xytyuk'ëne'emyën. Pëtë'ëktë ets ja'amtë.

Biblia Mixe de Quetzaltepec

³¹ kopkpëky ko jëtu'un tyunëtëty jyatëtëty, ets tëkokyë ja'ay nija'awëtya'atëty koos yë'ëjës ntsojkpy yë Tios Teety ets koos yë'ë ntuny mëti'ipës të xytyuk'ëne'emyën. Pëtë'ëktë ets ja'amtë.

Juan 14:31 ပူးပေါင်းရင်းမြစ်များ

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Isaías 50:5

Yë Wintsën yë'ëjës të xymyo'oy ijxkujk ja'aykyujkën, e ëjts käjpxykyupëjkpë të nnäpyëjktä'äkyës ets ka'apës ni'ikyë të nnäyu'ts të nnäkyiiyënë.

Mateo 26:39

Ënet ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Dios nja'amyejtsy, jëtu'un y'ënäny: Dios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Mateo 26:46

Pëtë'ëktë ets nja'amëty. Tää wyinkony ja ja'ay mëti'ipës xykyë'ëyakaanpën.

Lucas 12:50

Kopkpëky koos n'ëyo'onpaata'any ets njotmaypyaata'any, mëkës n'ëyoy koos njëjp'ixy jëna'a jëtu'un jyata'any.

Juan 10:18

Ka'ap pën xypyëjkës ja juukyajtën, koos nyäky nkë'ëmtsojkënës jëtu'un. Nmëët'ajtypyës ja kuttujkën etsës nyakëty etsës n'ëxajëty jatëkok. Jëtu'unës ja nTeety të xymyo'oy ja ënä'ämën.

Juan 12:27

Nëkoojës tyam nmaaynyë ntajnë. Wi'ixës n'ëna'anëty. ¿Koomës jëtää n'ëna'anëtyë, Dios Teety, këtii xyajkutuky ets n'ookëtyësë?. Yë'ëtsës të niminy ets jëtu'un tyunëtëty jyatëtëty.

Juan 12:49

Jä'ä ko ka'apës ëjts kë'ëm tii nnikäjpxy; ja Dios Teety, mëti'ipës të xykyexyën, yë'ëjës të xytyuk'ëne'emy mëti'ipës nkäjpxyp nmëtyäkpyën.

Juan 13:1

Tyimpatnëp ënety ja ëmaayxyëëw ets nyija'ap ja Jesús ko tëë ja xëëw jëmëjt tpatnë ets ja naaxwiinyëtë t'ëxmatsa'any ets wyimpita'any ma ja Dios Teetyën. Xëmë ijty tsoky ja y'ijxpëjkpëtëjk mëti'ipë yaajëtyën naaxwiiny ets jëtu'un tsojky mapaat y'o'kyën.

Juan 15:9

Jëtu'un miits ntsoktë ijxtëmës ja Dios Teety të xytsyokyën. Itë jam xëmë ma ja tsojkën ja'awënën mëti'ipë të nmo'otën.

Juan 18:11

Ënätyë ja Jesús t'ënëmaay ja Pedro: Pëjkë'ëk yë mtëypyujxn ma tyëjkën. Pën Dios Teety ënaanp etsës n'ëyowëty, ¿Tiijës ko nkakupëkëty?

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Filipenses 2:8

Ojts kë'ëm naxym nyäpyëjktä'äkyë, myëmëtoow ja o'kën, ja o'kën kruutskëjxmëpë.