Juan 14:21 - Biblia Dc en Mixe de Quetzaltepec

²¹ Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Biblia Mixe de Quetzaltepec

²¹ Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Juan 14:21 ပူးပေါင်းရင်းမြစ်များ

2 Reyes 18:6

Mëk nyäyaj'ijtë ma Wintsënën ets ka'ap ninu'un t'ëxmajtsy; ojts tkuuytyuny ja ënä'ämën tëyajtën mëti'ipë ënety ja Wintsën të tni'ënä'ämën ma Moisésën.

Salmos 35:27

E mëti'ipë tsyojktëpën ets nmëta'akëtyës, wä'än txoonta'aktë ets y'ëna'antëty xëmë: Yë Wintsën mëj yë'ë ets tsyojkpy yë tyuunpë oy tsuj yajpaatëty.

Éxodo 33:18

Tä ja Moisés ojts tmënu'kxtä'äky ja Dios ets t'ënëmaay: Tuk'ijxkës yë mmëj'ajt m'oyajtën.

Proverbios 8:17

Ëjts ntsojkpyës mëti'ipës näjyëtu'un xytsyojkpën, mëti'ipës xy'ixtääpyën xypyatpës.

Jeremias 31:31

Jëtu'un yë Wintsën y'ënä'äny: Pyätyp ja xëëw maas ntuna'anyën jempyë käjpxytyu'unën mëët yë Israel ja'ayëty ets Judá ja'ayëty.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënety jotkujk yajpaaty

Lucas 11:28

Tääts ja Jesús y'ëtsooy: Yë'ë wäänëni'ik akujk jotkujk yajpatp mëti'ipë ja Dios ja y'aaw y'ayuk myëtoow'ijtëpën ets tpatuntë.

Juan 14:15

Pën xytsyojktëpës miits, mpatuntëp ja n'ënä'ämënës.

Juan 14:18

Ka'ap miits ku'ooky u'unkën nyajwë'ëma'antë; winpitaanpës jatëkok ets miits mëët nyajpaata'anyës.

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Juan 16:14

Nëjkxëpës ja xymyëjjaw xyjyääntyjyawë, jä'ä ko yë'ë y'ëxajëjäämpy mëti'ipës ëjts njä'äj'typyën ets miits myajmo'oja'antë.

Juan 16:27

jä'ä ko ja nTeetyës kë'ëm miits mtsojkëtëp. Mtsojkëtëp jä'äkyëjxm koos miits tsyoktë ets jä'ä ko tëë xymyëpëktë koos jam ntsoony ma Tiosën.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Hechos 22:18

N'ijxyës ja Wintsën ets xynyëmaayës: Jotëkoy ets mpëtsëmëty yaa Jerusalén. Ka'ap yë ja'ay tmëpëka'antë koos mijts xyjyanikäjpxy xyjyanimëtya'akëty.

2 Corintios 12:8

Tëkëëk okës të nja''amëtoy yë Wintsën ets jeexyë tjëëpëky ya'atë pëjkën ijxën;

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Deuteronomio 11:13

Pën miitsëty mkuuytyuuntëp ja y'ënä'ämën tyiyajtën mëti'ipë tyam të nmo'otën, pën mtsojktëp mja'awëtëp ja Wintsën mëti'ipë miits mTiosajtëpën ets pën m'ëwtajtëp winë aaw winëjot.

Deuteronomio 7:13

Nëjkxëp mtsokëtë mjawëtë, mkënu'kxëtë ets myajmëj myajmayëtë; nëjkxëp tkënu'kxy ja m'u'unkëty m'ëna'këty, mpëjktä'äkyëty, mjë'kxyëty mpëkyëty, mka'ayënëty m'ukënëty, m'uukyëty mtojkxëty ets ja mjëyujk mtsajpkaajëty jam ma ja it naaxwiinyëtën ma ojts Dios ja m'ap m'ok tukwinwanën.

2 Tesalonicenses 2:16

Ja Wintsën Jesukristë ets Dios, mëti'ipë nteety'ajtëmën, yë'ë të xytsyojkëm ets jotkujk'ajtën të xymyo'oyëmë xëmëkyëjxm; tsojk nkukajpxëm nja'awëkyëtakëmë ko y'oywyinma'any të tyajkëxë'ëky,

2 Timoteo 4:22

Wä'än ja Wintsën Jesukristë tyajpaaty mëët mijts, Dios mkënu'kxëtëp ni'ëmukë.

1 Juan 2:5

E pën pyatuunëp ja y'aaw y'ayuk, kä'pxy tmëëtëty ja Dios ja tsyojkën. Jëtu'un nnija'awëm ko tu'ukyë n'ijtëm mëët ja Dios:

1 Juan 3:1

Ixtë wi'ix ja Dios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Dios tka'ixy'atë.

1 Juan 5:3

Ko ja Dios ntsojkmëty, ja y'ënä'ämën ënety npatu'unëm ets ja y'ënä'ämën ka'ap tsyiptä'äky,

2 Juan 1:6

Tsojkën ja'awën ënety yajmëët'ajtp ko yajpatuny ja ënä'ämën tëyajtën, yë'ë jëtu'un ënä'ämën'ajtp ko nätsyojk näjya'awëmëty ijxtëm të xynyijawëtën.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

Apocalipsis 3:20

Ixtë, ëjts yamp tëjk pijkxp; pën xyyo'kmëtoopës ets tyaj'ëwa'atsy ja tëjk'aaw, tëkäjaanpës jap ma tyëjkën ets mëët n'a'ux'ata'anyës.