Juan 14:2 - Biblia Dc en Mixe de Quetzaltepec

² Maas ja nteetyën, may ja tsënaaytyakn jap. Ko jeexyë kyajëtu'unëty, ka'ap jeexyë nëkoo yam jëtu'un nëëmëtë koos nëjkx nipëjktaakëja'any ja tsënaaytyakn ma m'itëtyën.

Biblia Mixe de Quetzaltepec

² Maas ja nteetyën, may ja tsënaaytyakn jap. Ko jeexyë kyajëtu'unëty, ka'ap jeexyë nëkoo yam jëtu'un nëëmëtë koos nëjkx nipëjktaakëja'any ja tsënaaytyakn ma m'itëtyën.

Juan 14:2 ပူးပေါင်းရင်းမြစ်များ

Lucas 14:22

Ko ja tuunpë wyimpijty ets ja wyintsën t'ënëmaay: Wintsën, tëëjës ntuny ijxtëmës mijts të xytyuk'ëne'emyën, je'eyëp ko tapnëm ja u'unyääypyäjn ëwaatsëpë.

Juan 13:33

Miits u'unk ëna'këty, ka'ap miits mëët jeky n'ëk'itanëtë. Xy'ixta'atëpës miitsëty, näjyëtu'un miits nëëmëtë ijxtëmës ja jutiis ja'ayëty n'ënëmaaytyën: Pën maas nnëjkxy, ka'ap tjëkyepy jam mnëjkxtëty.

Juan 13:36

Ënet ja Simón Pedro tyajtëëy ja Jesús: Wintsën, ¿ma mnëjkxy? Tä ja Jesús y'ëtsoowë: Pën maas nnëjkxy, ka'ap tjëkyepy mijts jam mnëjkxëty, je'eyëp ko okës jam xypyaja'tëty.

Juan 14:28

Tëë xymyëtowtë koos n'ëna'any koos nnëjkxy ets ko jatëkok nmina'anyës ets nyajpaata'anyës mëët miitsëty. Ko jeexyë miits xytsyoktës, mxoontaktëp jeexyë ko xynyijawëtë koos nnëjkxy ma ja Dios Teetyën, jä'ä ko Dios Teety wäänë mëj yë'ë këtiinëm ëjts.

Juan 16:4

Paaty miits ya'atë ntuk'ëwaanëtë ets xyjyä'ämyätstëty ko ënety jëtu'un të nëëmëtë ko ja xëëw po'o tpaatëty. Ka'ap ënätyë të ntuk'ëwaanëtë jä'ä ko jaaktää'ajtpës ënety mëët miitsëty.

Juan 17:24

Dios Teety, mijtsës të xymyo'oy, ntsojkpyës ets jam yajpaatëty maas n'ita'anyën ets t'ixtëty ja mëj'ajt oyajtën mëti'ipës mijts të xymye'eyën, jä'ä ko mijtsës të xytsyoky naamka'anëm ënety ja naaxwiinyëtë kyojynyëm.

Hechos 9:16

Ntuk'ix ntuknijawëpës wi'ixës xykyu'ëyowëtyën.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

1 Tesalonicenses 5:9

Ka'ap ja Dios yë'ë të xytyuknipëjktakëmë ja ëyo'on, yë'ë të xytyuknipëjktakëmë ets npatmëty ja nitsokën Wintsën Jesukristë mëët.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Dios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënety yë naaxwiinyëtë tsyo'ontä'äky,

Hebreos 11:10

Jä'ä ko ja Abraham jyëjp'ijxyp ënety ets tääpë kajpn ta'tspëky yajpaatëty, ma ja Dios yë'ë yajpaatyën ijxtëm tu'uk ja tëjk kojpën.

Hebreos 13:14

Yaa naaxwiiny ka'ap yaa ja kajpn nmëët'ajtëm mëti'ipë xëmëkyëjxm itëpën, yë'ë n'ixta'ayëm ja naax kajpn mëti'ipë miimp wiinkoonpën.

Hebreos 6:20

ma ojts tyëkën tëëyëp ja Jesús ets ja në'ë tu'u tyaj'ëwatsy, jëtu'un nyäjxy xëmëkyëjxm Teety Wintsën, ijxtëm ja teety wintsën Melquisedec y'ijtyën.

Hebreos 9:8

Mëët ya'atë ja Kënu'kxymyëkajtën tyajknikëxë'ëky ko ja Dios twintsë'ëkëtë ma ja mëjëwyiimpë tëkotën, ka'anëm ënety nyikëxë'ëkynyëm wi'ix ja ja'ay tyëkëtëty ma txëëwatyën ni'ik wa'atspë ja tëkot.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Apocalipsis 3:12

Pën mëtakp, yë'ëjës npëjkta'akäämpy ijxtëm ja tëjk po'kxën maas ja nTios ja tyëjkën ets ni wintim nijëna'a jap kyajëwa'akëty. Nkëjxja'ajäämpyës ja Dios ja xyëëw ma yë'ëjën ets ja kajpn xëëw, ja jempyë Jerusalén mëti'ipë tsajpjotm yajpatpën ets nkëjxja'aja'anyës ja jempyë ja nxëëwës ma yë'ëjën.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.