Juan 14:17 - Biblia Dc en Mixe de Quetzaltepec

¹⁷ Mëti'ipë yi'iyë myëmaay myëtajtëpën ja naaxwiinypë ka'ap t'ëxajëja'antë, jä'ä ko ka'ap t'ixtë ets ka'ap t'ixy'atë; e miitsëty m'ixy'ajtëp, jä'ä ko yë'ë yajpaaty mëët miitsëty ets xëmë yajpaata'any ma miitsëtyën.

Biblia Mixe de Quetzaltepec

¹⁷ Mëti'ipë yi'iyë myëmaay myëtajtëpën ja naaxwiinypë ka'ap t'ëxajëja'antë, jä'ä ko ka'ap t'ixtë ets ka'ap t'ixy'atë; e miitsëty m'ixy'ajtëp, jä'ä ko yë'ë yajpaaty mëët miitsëty ets xëmë yajpaata'any ma miitsëtyën.

Juan 14:17 ပူးပေါင်းရင်းမြစ်များ

Proverbios 14:10

Yë jot winma'any nyija'ap ko ëxëëk jyäty kyëpety; ko jyotkujk'aty ka'ap tjëkyepy tpëjkwa'kxëty pën mëët.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Ezequiel 36:27

Mpëjkta'akäämpyës jap ma miitsëtyën ëjts yë njot nwinma'any ets xypyatuntëty ja n'ënä'ämënës ntëyajtënës ets ja mëti'ipës të nkäjpxyën;

Mateo 10:20

jä'ä ko ka'ap yë'ëjëty xykyajpxa'antë mëti'ipë kë'ëm mmaay mtajtëpën, ja Dios Teety ja jya'awën miits myajkajpxanëtëp.

Juan 14:16

Ets n'amëtowëpës ja Dios Teety ets tkäxëty ma miitsëtyën ja wiinkpë ja nikajpxtutpë; jä'ä jëtu'un ja Kënu'kxymyëkajtën tëyajtënpë, xëmëpë yajpaata'anyën mëët miitsëty.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

Juan 15:26

Paaty ko myinëty ja Nikajpxtutpë mëti'ipës nkäxäämpyën nTeetyës xyëëwkëjxm, ja Kënu'kxymyëkajtën mëtëypyë, mëti'ipë tso'ompën ma ja Dios Teetyën, yë'ë nëjkx xynyimëtyä'äkyës.

Juan 16:13

Ko ënety myiny ja Kënu'kxymyëkajtën, mëti'ipë ja tëyajtën yäjkpyën, yë'ë nëjkx tu'kë'ëyë mtuk'ijxpëkëtë ja tëypyë jaantypë, jä'ä ko ka'ap kyë'ëm winma'any tnikajpxa'any, yë'ë nyikajpxäämpy mëti'ipë myëtoopyën ets mtuk'ëwaanëja'anëtë mëti'ipë tunan jatanëpën.

Juan 6:40

Ja nTeetyës tsyojkpy ets tpaatëty ja juukyajtën mëti'ipë ja Dios ja y'u'unk y'ijxtëpën ets myëpëjktëpën, jëtu'un tmëët'atëty ja juukyajtën xëmëkyëjxmëpë; ets oy ënety të y'ooktë nyajjuukpyëkëpës ma ënety xëëw jëmëjt kyixyën.

1 Corintios 14:15

¿E tiis ntuunta'akëp? Yë'ë tsojkëp etsës Dios n'amëtow npëjktsowëty ets nja'akyukëtyës mëti'ipës nkäjpxypën.

1 Corintios 2:14

Pën ja Kënu'kxymyëkajtën ka'ap tmëëtëtyën, ka'ap tkupëky mëti'ipë ja Kënu'kxymyëkajtën jyä'ä'ajtypyën, jä'ä ko tsuuwinma'any tijy ets ka'ap tja'akyukë; ya'atë yë'ë mëët yajnijawë Kënu'kxymyëkajtën.

1 Corintios 3:16

¿Këtii xynyijawëtë ko miitsëty, jëtu'un yë Dios myajnaxëtë ijxtëm tu'uk yë tsajptëjkënë ets ko ja Kënu'kxymyëkajtën yë'ë jap tsënääpy ma miitsëtyënë?

1 Corintios 6:19

¿Ka'ap miits xynyijawëtë ko ja Dios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Dios të mmo'ojëtënë?

2 Corintios 13:5

Nämyëmay nämyëtajëtë miits kë'ëm ets xy'ixtëty xynyijawëtëty pën mjantymyëpëjktëp ja Jesukristë. Näwyinma'any'ixëtë miits kë'ëm. ¿Këtii xynyijawëtë ko ja Jesukristë yajpaaty mëët miitsëtyë? ¿Ëkë nëkoo miits mnanyikajpxëtë ko Kristë xymyëpëktë?

2 Corintios 6:16

Ka'ap tjëkyepy tu'ukyë yajpaatëty yë Dios yë jyëën tyëjk mëët yë awinax. Jä'ä ko jëtu'un ja Juukpyë Dios xyajwa'anëmë tsyënaaytyaknën. Jëtu'un ijxtëm ja Dios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Gálatas 4:6

Paaty ojts tkexy ja y'u'unk myääy ma ja n'aaw'ajt njot'ajtëmën ets tyaj'ijxë ko xy'u'unk'ajtëmë, jëtu'unts ja Jya'awën xyaj'ëna'anëmë: Abbá. Tatë

Efesios 2:22

Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Dios ja tsyajptëjkën mëti'ipë yajpatpën mëët ja Kyënu'kxymyëk'ajtën.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

2 Timoteo 1:14

Mëët ja Kënu'kxymyëkajtën ja pyutëjkën mëti'ipë ijtpën ma ëëtsajtëmën, këwent'at ja oypyë ijxpëjkën mëti'ipë të myajtuknipëkyën.

1 Juan 2:27

Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.

1 Juan 3:24

Pën ja y'ënä'ämën pyatuunëp, yë'ë ënety ja Dios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

1 Juan 4:4

U'unk maayëty, Dios miits m'u'unk'ajtëtëp. Tëë ja win'ë'ëmpëtëjk xymyëmëta'aktë, jä'ä ko wäänëni'ik ja mëk'ajtën tmëëtëty mëti'ipë mëët m'itën këtiinëm ja mëti'ipë naaxwiinyëtën.

1 Juan 4:6

E ëëtsajtëm, Dios xyjyä'ä''ajtëm. Pën ja Dios y'ixy'äjtypyën myëtoow'ijtyp ja n'ayuk'ajtëm, e mëti'ipë ja Dios kajä'ä'ajtëp ka'ap xymyëtoow'ijtëm. Yë'ës ëëts ntuknija'awëmëp pën ja Kënu'kxymyëkajtën myëët'ajtyp ets pën ka'ap.

1 Juan 5:7

Tëkëëkpëky nmëët'ajtëm mëti'ipë yajtëytyëjkëpën ko ja Dios t'U'unkëty ja Jesús.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.