Juan 14:10 - Biblia Dc en Mixe de Quetzaltepec

¹⁰ ¿Këtii xymyëpëky koos nyajpaaty mëët tu'ukyë ja Dios Teetyë ets ja Dios Teety mëët ëjtsë? ja mëti'ipë të ntukmëmëtya'aktën ka'ap kyë'ëm winma'anyëty të nnikäjpxyës. Ja Dios Teety mëti'ipë juukyajtpën ma ëjtsën, yë'ë kë'ëm winë të tuny.

Biblia Mixe de Quetzaltepec

¹⁰ ¿Këtii xymyëpëky koos nyajpaaty mëët tu'ukyë ja Tios Teetyë ets ja Tios Teety mëët ëjtsë? ja mëti'ipë të ntukmëmëtya'aktën ka'ap kyë'ëm winma'anyëty të nnikäjpxyës. Ja Tios Teety mëti'ipë juukyajtpën ma ëjtsën, yë'ë kë'ëm winë të tuny.

Juan 14:10 ပူးပေါင်းရင်းမြစ်များ

Juan 5:19

Ets ja Jesús y'ënëmaayëtë: Tëy miits nëëmëtë ko yë Dios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Dios Teety, tyuunpy näjyëtu'un ja y'U'unk.

Juan 10:38

E pën ntuunpyës mëti'ipë yë Teetyës tyuunpyën, oy ja n'ayukës xykyamëpëktëty, yë'ë mëpëktë mëti'ipës ntuunpyën ets xynyijawëtëty ko ja Dios Teety tu'ukyë y'ity mëët ëjts ets ëjts mëët yë'ë.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Juan 12:49

Jä'ä ko ka'apës ëjts kë'ëm tii nnikäjpxy; ja Dios Teety, mëti'ipës të xykyexyën, yë'ëjës të xytyuk'ëne'emy mëti'ipës nkäjpxyp nmëtyäkpyën.

Juan 10:30

Dios Teety ets ëjts, tu'ukyë ëëtsëty.

Juan 8:28

Paaty ojts y'ënë'ëmxëtë: Ko ënety miits xypyëjkta'aktëty këjxm ja naaxwiinyëtë ja'ay ja y'U'unk, jäänëm xynyijawëtëty pën ëjts, ets ko ka'apës ja nkë'ëm winma'anyëty nyajtuny; yi'iyës ntuunpy mëti'ipës ja Dios Teety të xytyuk'ijxpëkyën.

Colosenses 2:9

Ja'ayën ja Kristë ojts y'awinpity ets yaj'ixëty ja Dios ma yë'ëjën,

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Juan 5:17

E jëtu'un ja Jesús ojts nyë'ëmxëtë: Yë nteetyës xëmë të tyuny, paatyës ëjts näjyëtu'un winë ntunyës.

1 Juan 5:7

Tëkëëkpëky nmëët'ajtëm mëti'ipë yajtëytyëjkëpën ko ja Dios t'U'unkëty ja Jesús.

2 Corintios 5:19

Jëtu'un yajja'akyukë ko ja Dios të tyajnämyë'oypyikyë ja naaxwiinyëtë ja'ay, ka'ap ja tuuntëko'oy kajpxtëko'oyën të tmëjpëjktä'äky, ëëts të xytyuknipëktë etsës ntuk'ëwaanëtëty ja ja'ay ya'atë aaw ayuk.

Juan 8:38

Yë'ëjës nkäjpxyp mëti'ipës ja nteety të xytyuk'ixyën, näjyëtu'un miitsëty nän yë'ë tuntë mëti'ipë ja nteetyës të mtuk'ëwaanëtën.

Colosenses 1:19

Dios ojts kë'ëm tuknipëjktaakë ets tu'kë'ëyë ja mëj'ajtën yajpaatëty ma yë'ëjën,

Juan 14:20

Jä'ä xëëw miits xynyijawëtëty koos n'ity tu'ukyë mëët ja nTeetyës, ets miits tu'ukyë m'itë mëët ëjts, ets ëjts tu'ukyës n'ity mëët miitsëty.

Juan 7:16

Ënet ja Jesús y'ëtsoowëtë: Mëti'ipës ja'ay ntuk'ijxpëjkpyën ka'apës ëjts njä'äjëty, yë'ë jyä'ä mëti'ipës të xykyexyën.

Juan 8:40

Oy miitsëty tëë njatuk'ëwaanëtë ja mëtëypyë mëti'ipës ja Dios të xytyukmëtoyën, xyaj'ookantëpës miitsëty. Abraham kä'äp ojts jëtu'un y'ëti'itsy.

Juan 11:26

e ni'ëmukë mëti'ipë jaakjuuky'ajtëpën ets xymyëpëktës, nijëna'a kya'ooka'antë. ¿Mmëpëjkpy mijts ya'atë?

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Juan 14:11

Mëpëjktëkës koos n'ëna'any koos n'ity tu'ukyë mëët ja Dios Teety ets ja Dios Teety y'ity tu'ukyë mëët ëjts; pën ka'ap, oy yi'iyë xymyëpëktëty mëti'ipës ntuunpyën.

Juan 14:24

Pën xykyatsojkpës, ka'ap tmëjpëjktä'äky ja n'aaw n'ayukës. Ja aaw ayuk mëti'ipë miits tyam mmëtoowtëpën, ka'ap y'ëjtsëty nkë'ëm'aaw nkë'ëm'ayuk, Dios Teety yë jyä'ä, mëti'ipës të xykyexyën.