Juan 13:8 - Biblia Dc en Mixe de Quetzaltepec

⁸ Ënet ja Pedro y'ënäny: Kajëna'ajës nkakupëkëty ets mijts yë ntekyës xypyujëty. Ënet ja Jesús y'ëtsooy: Pën ka'ap yë mteky npujëm, ka'ap myajpaata'any ma ëjtsën.

Biblia Mixe de Quetzaltepec

⁸ Ënät ja Pedro y'ënäny: Kajëna'ajës nkakupëkëty ets mijts yë ntekyës xypyujëty. Ënät ja Jesús y'ëtsooy: Pën ka'ap yë mteky npujëm, ka'ap myajpaata'any ma ëjtsën.

Juan 13:8 ပူးပေါင်းရင်းမြစ်များ

Génesis 42:38

Tä yë Jacob y'ëtsooy: Yë n'u'unkës ka'ap yë mpanëjkxëtëty, ojts yë y'äjty José y'ooky, e yi'iyë tu'uk jaakwë'ëmp, ko tii jyatëtëty kyëpätëtëty ma mnëëye'eya'an ntu'uye'eya'antën, mijts ënety yë poky mëët'ajtëp ko ya'atë mëjja'ay y'ookëty mëët yë monyëtukyë.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

Salmos 51:2

Pujkës jä'tskës ja n'ëxëëk'ajtën. Tukniwijtstutkës ja nnëë npoky.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

Isaías 4:4

Ko ënety ja Wintsën tpaye'ey ja nëë poky, tyiytyunäämpy ja tuuntëkoopyë ets tyajjëwa'kta'aja'any mëti'ipë yajja'ay'o'kpën ets tnimä'kxa'any ja Sión ja'ayëty.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Mateo 16:22

Ënet ja Pedro ëpëky wyoownëjkxë ets y'ojyë tä y'ënëmaayë: Ka'ap mëpaat yë Dios jëtu'un tyajkutuky Wintsën, ka'ap mëpaat jëtu'un mjaty.

Mateo 21:29

Tääts ja y'u'unk y'ëtsoowë: Ka'apës nnëjkxa'any, ok ojts wyinmaaytyëkatsy ets ojts nyijkxy tuunpë.

Mateo 26:33

Tääts ja Pedro tnikajpxëy: Oyxyë ni'ëmukë ja'ay mpuwa'ktuta'ayë ëjts nijëna'a mijts nka'ëxmatsëty.

Mateo 26:35

Ënet ja Pedro jyaak'ënany: Oyës ntimy y'ookëty mëët mijts, kä'äpyëm n'ixtija'any. Ets aakjëtu'un y'ënantë ja ijxpëjkpëtëjkëty.

Juan 13:6

Ënet ja Simón Pedro y'ënäny ko ja Jesús ja tyeky pyuja'anxëty: Wintsën, ¿mijtsës yë nteky mpujjäämpyë?

Juan 13:9

Ënet ja Simón Pedro y'ënëmaayë: Wintsën, pën jëtu'un, pujta'a tu'kë'ëyë ni'kx nkopkës, ka'ap yi'iyëty ntekyës, näjyëtu'un yë nkë'ëës ets nkëpajkës.

Juan 3:5

Ënet ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Dios ja Myëjaaw myëk'ajtën, ka'ap tjëkyepy tyëkëty ma ja Dios ja kyutujktaknën.

Hechos 22:16

E tyam, ka'ap jeky m'ëwxitëty. Pëtë'ëk ets mnëëpätëty, ja'amyäts ja Wintsën ets myajpokywya'atsëtëty. Jëtu'unës xynyëmaay.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Deuteronomio 12:12

Nëjkxëp tu'uk yë mëj xëëw xyaj'apaatëtë ma ja Wintsën xymyëjjawëtëtyën, mëët ja m'u'unk m'ëna'këty, ja mtuunpëty ets Leví ja'ayëty. Miits wa'ats xynyijawëtë, ko yë'ëjëty ka'ap yë nyaax tmëët'atë.

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

Colosenses 2:23

Jëtu'un ya'atë ënä'ämën yajmëtoy mëtëy yowë, jä'ä ko jëtu'un tni'ënä'ämëtë ijxtëm jeexyë ja Dios yajmëjjaw yajjaantyjäwën, yujy tëtä'äky nyäpyëjkta'akëtë ko tëytyun tsaatyuntë ja nyi'kx kyopkëty, je'eyëp ko nimaa kyatuny jëtu'unpë ets yajmëmëta'akëty ja ëxëëk atsojkën mëti'ipë yajtuunpën mëët ja kë'ëmwinma'any.

Tito 3:5

ënät ojts xyajnitsokëm, ka'ap yë'ëkyëjxmëty ko oy tii ntu'unëmë, yë'ëkyëjxm ko ojts xypya'ëyo'owëmë ets të xymyo'oyëmë ja jempyë juukyajtën mëët ka kënu'kxymyëk'ajtën.

Hebreos 10:22

Tsojk nmëwinko'onëm ja Dios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.