Juan 12:50 - Biblia Dc en Mixe de Quetzaltepec

⁵⁰ Nija'apës ko ja mëti'ipë ja Dios Teety të ni'ënä'ämën, yë'ë mëti'ipë yajjuuky'ajtpën xëmëkyëjxm. Paaty mëti'ipës nkäjpxypën, jëtu'unës nkäjpxy ijxtëm ja Dios Teety të ni'ënä'ämën.

Biblia Mixe de Quetzaltepec

⁵⁰ Nija'apës ko ja mëti'ipë ja Tios Teety të ni'ënä'ämën, yë'ë mëti'ipë yajjuuky'ajtpën xëmëkyëjxm. Paaty mëti'ipës nkäjpxypën, jëtu'unës nkäjpxy ijxtëm ja Tios Teety të ni'ënä'ämën.

Juan 12:50 ပူးပေါင်းရင်းမြစ်များ

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Juan 6:68

Ënet ja Simón Pedro y'ëtsooy: Wintsën, ¿Pën n'ëkninëjkxtëpës? mijts yë'ë mnimëtyäkpy ja juukyajtën xëmëkyëjxmëpë.

Juan 6:63

Ja Dios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

1 Juan 2:25

Ets yë'ë ya'atë mëti'ipë ja Wintsën Jesukristë të xytyukwinwa'anëmën, ja juuky'ajtëm xëmëkyëjxmëpë.

1 Timoteo 1:16

Paaty ja Dios të xypya'ëyoyës ets ja Jesukristë tyaj'ixëtëty ma ëjtsën ja myä'kxtujkën. Jëtu'untsës nyajnikëxë'ëky ma ja mëpëjkpëtëjkëtyën ko yajpaata'any ja juukyajtën xëmëkyëjxmëpë.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Deuteronomio 18:18

Ëjts nyaj'itäämpy tu'uk yë käjpxynyajxpë tä mijtsën ma yë'ëjëtyën, mëti'ipë myëkunaax'ajt myëkukajpn'ajtëpën ets nëjkx tyukmëtowëtë mëti'ipës ënety ëjts të ntuk'ëne'emyën tnikajpxëty ets tkajpxnajxta'ajëty ijxtëmës të ntuk'ëne'emyën.

Juan 5:19

Ets ja Jesús y'ënëmaayëtë: Tëy miits nëëmëtë ko yë Dios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Dios Teety, tyuunpy näjyëtu'un ja y'U'unk.

Juan 8:28

Paaty ojts y'ënë'ëmxëtë: Ko ënety miits xypyëjkta'aktëty këjxm ja naaxwiinyëtë ja'ay ja y'U'unk, jäänëm xynyijawëtëty pën ëjts, ets ko ka'apës ja nkë'ëm winma'anyëty nyajtuny; yi'iyës ntuunpy mëti'ipës ja Dios Teety të xytyuk'ijxpëkyën.