Juan 12:48 - Biblia Dc en Mixe de Quetzaltepec

⁴⁸ Pën xypyäjxpës ets ka'ap tmëjpëjktä'äky ja n'aaw n'ayukës, tam tmëët'ajnë mëti'ipë yajnitukëjanëpën: ja n'aaw n'ayukës mëti'ipës të nkäjpxyën yë'ë nëjkx yajnitukëty.

Biblia Mixe de Quetzaltepec

⁴⁸ Pën xypyäjxpës ets ka'ap tmëjpëjktä'äky ja n'aaw n'ayukës, tam tmëët'ajnë mëti'ipë yajnitukëjanëpën: ja n'aaw n'ayukës mëti'ipës të nkäjpxyën yë'ë nëjkx yajnitukëty.

Juan 12:48 ပူးပေါင်းရင်းမြစ်များ

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Mateo 10:15

Tëy miits n'ënëëmëtë, ko nëjkx tpaaty ja paye'eyën, wäänë këjää tääpë kajpn ja ëyo'on yajmo'otëty këtiinëm ja Sodomë ets Gomorra itjot.

Mateo 21:42

Ënet ja Jesús y'ëtsoowëtë: ¿Ka'anëm xykyajpxtë ja Dios ja y'aaw y'ayuk mëti'ipë ënaanpën?: Ja tsaa mëti'ipë ja pojtspëtëjk ojts t'ixka'atstën, jä'ä tyam të nyäxy potsy myëtënääpyë. Ja Wintsën jëtu'un të tuny, ets ëëtsajtëm mëj'ixy n'ijxmëty.

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Marcos 12:10

Këtii xykyajpxtënëm ja Dios ja y'aaw y'ayuk këxja'aypyë mëti'ipë ënaanpën: Ja tsaa mëti'ipë ja pojtspë ojts tpäxtën, nikë jä'ä tyam të y'awinpity mëjtsaakopk ma potsy'ëjxën.

Marcos 16:16

Pën myëpëjkpy ets nyëëpety, yë'ë nëjkx nyitso'oky; e pën kamëpëjkp, yë'ë nëjkx yajkpoky'ixy.

Marcos 8:31

Tääts ja Jesús tuk'ijxpëjktso'ony ja y'ijxpëjkpëtëjk wi'ix ënety mëk y'ëyo'onpaata'anyën. Ko ka'ap kyupëka'anyë ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk. Ojts tuk'ëwaanë ko yaj'ooka'anyë ja ja'ay je'eyëp ko kom tëkëëk xëëw jatëkok jyuukpyëka'any.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Lucas 17:25

Je'eyëp ko jëyëjp mëk y'ëyowa'any ets ka'ap yë ja'ay tsyoka'anyë tyampë jyuuky'atën.

Lucas 20:17

E ja Jesús ojts wyintë'kxëtë ets y'ënëmaayëtë: ¿Tii ja Dios ja y'aaw y'ayuk tyijpy ko y'ënä'äny?: Ja tsaa mëti'ipë ja pojtspë ojts tpäxtën, yë'ë të nyäxy tsaakopk.

Lucas 7:30

E ja fariseë ja'ayëty ets ja tsajptëkotyëtë yaj'ijxpëjkpëtëjkëty, ka'ap tkupëjktë mëti'ipë ja Dios ënety të jyatukmëtsokëtën, jä'ä ko ka'ap ënety të tkupëktë ets ja Juan yajnëëpätëtëty.

Lucas 9:22

Ets t'ënëmaay: Yë naaxwiinyëtë ja'ay y'U'unk mëk y'ëyowa'any; ka'ap yë mëjja'aytyëjk, teety wintsëntëjk ets ja tsajptëkotyëtë yaj'ijxpëjkpëtëjk kyupëka'anyë. Yaj'ookantëp, je'eyëp ko kom tëkëëk xëëw jatëkok jyuukpyëka'any.

Lucas 9:26

Pën xytyuktsëtyuumpës ets n'aaw n'ayukës tuktsëtyuunë; näjyëtu'un tyuktsëtyuna'anyë ja naaxwiinyëtë ja'ay ja y'U'unk, ko ënety myiny mëët ja Dios Teety ets ja wa'ats anklëstëjk ja myëj'ajt y'oyajtën.

Juan 11:24

Ënet ja Marta y'ënëmaayë: Nija'apës ko jyuukpyëka'antë ja o'kpë jä'ä xëëw ma ja ja'ay ënety yajpaye'eytyën.

Juan 5:45

Këtii miits mmaytyë mtajtëty ko nni'ëënëja'antë ma Tiosën, yë Moisés yë'ë mni'ëënëjanëtëp, mëti'ipë mtukjotkujk'ajtëpën.

Juan 6:39

Ets ja tsyojkën mëti'ipës të xykexyën, yë'ë etsës nitu'uk nkayajtëkoyëty mëti'ipës të xymye'eyën, etsës nyajjuukpyëkëty jä'ä xëëw ko ënety ja ja'ay yajpaye'eytyë.

Juan 8:47

Pën ja Dios ja'ay'ajtëp, y'amëtoow'ijtyp mëti'ipë ja Dios kyäjpxypën; miitsëty ka'ap yë Dios mja'ay'atëtë paaty ka'ap xymyëtoow'itë mëti'ipës nkäjpxypën.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Hechos 3:23

Pën ka'ap tmëmëtoy tääpë Dios yë kyäjpxynyajxpë, ka'ap yajpaata'any ma ja Dios ja nyaax kyajpnën.

Romanos 2:16

ko ënety ja xëëw tpaaty ma ja Dios tnipaye'eyä'änyën tëkokyë mëti'ipë yu'utsy'ijtpën mëët ja Jesukristë ja xyëëw, jëtu'un ijxtëmës ja oy aaw oy ayuk të nimëtyä'äkyën.

2 Corintios 4:3

Pën kyaja'akyujkëtëp ja oy aaw oy ayuk mëti'ipës nkajpxwa'kxtëpën, yë'ë ka'ap tja'akyukëtë mëti'ipë tëkooytyëpën.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Hebreos 10:25

Ka'ap nye'eytyujkmëty ma nye'eymyujkëmën, ijxtëm jënaakën y'ëtë'ëtstën, näjyotmëkwinkajpxëmë nixim niyam; tyam wäänëni'ik tsyokyë ko ja xëëw wyinkoonën ma ja Jesukristë myina'anyën.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

2 Pedro 3:3

Kopkpëky ko xynyijawëtëty, ma ënety ja naaxwiinyëtë kyëxanën, jää'atantëp ja ja'ayëty mëti'ipë ja Dios nyëxi'ikan tyukxi'ikantëpën, mëti'ipë ja y'ëxëëk winma'any yajtunantëpën,

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënety ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

1 Samuel 8:7

e ja Wintsën tyaa y'ëtsoowë: Mijts kupëkymës mëti'ipë naax kajpn m'amëtoowëpën. Jä'äxë ko ka'ap myijtsëty m'ixtijyë, ëjts yë xy'ixtijtëp, ëjts jëtu'un xykyatsojktëp ets n'ënä'ämëtyës ma yë'ëjëtyën.