Juan 11:55 - Biblia Dc en Mixe de Quetzaltepec

⁵⁵ Ja ëmaayxyëëw ënety wiinkoonëp mëti'ipë ja jutiis ja'ayëty myëjja'awëtëpën ets may ja kajpn ja'ay ojts nyëjkxtë jam Jerusalén, ijxtëm tuntën ets tpatë ja wa'atsajtën naamka'anëm tpaaty ja ëmaayxyëëw.

Biblia Mixe de Quetzaltepec

⁵⁵ Ja ëmaayxyëëw ënäty wiinkoonëp mëti'ipë ja jutiis ja'ayëty myëjja'awëtëpën ets may ja kajpn ja'ay ojts nyëjkxtë jam Jerusalén, ijxtëm tuntën ets tpatë ja wa'atsajtën naamka'anëm tpaaty ja ëmaayxyëëw.

Juan 11:55 ပူးပေါင်းရင်းမြစ်များ

Génesis 35:2

Ënet ja Jacob ja y'u'unk y'ëna'k t'ënëmaay ets tu'kë'ëyë jënu'un ënety mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Dios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Dios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Dios ëkë muum tëkatsy myäytyë tyajtë.

Salmos 26:6

Wa'atsës yë nkë'ë nmëëtëty ets ka'apës tii poky të ntuuntëkoy. Yë'ëjës nmëwinkonäämpy yë mwintsë'këntyakn,

Éxodo 19:10

ets ojts ja Dios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Mateo 26:1

Ko ja Jesús yaj'ijxpëjktaay, tääts t'ënëmaay ja y'ijxpëjkpëtëjk:

Mateo 26:2

Ejxtëm xynyijawë'atën, ja mäjtsk xëëw ja ëmaayxyëëw tpaaty ets naaxwiinyëtë ja'ay yë y'U'unk jää yajkë'ëyaka'any ets ja'ay yajkruutspäta'anyë.

Marcos 14:1

Mäjtsk xëëw ënety tyëkoy'äty ets ja ëmaayxyëëw tpaatëty, ko ja ja'ay tkaytyë ja tsajpkääky ka'apë levadura tmëëtëtyën, ënät ja teety wintsëntëjk ets ja tsajptëkotyëtë yaj'ijxpëjkpëtëjk t'ixtaaytyë ja ënëëmëtyä'äky wi'ix yajmatsëtyën ja Jesús ets tyaj'ooka'antë.

Lucas 22:1

Ëmaayxyëëw ënety tyimpatyp ma ja tsajpkääky yajkayën mëti'ipë ka'ap tii levadura tmëëtëtyën.

Juan 12:1

Ja tëtujk xëëw ënety ja ëmaayxyëëw tkapaaty ko ja Jesús ojts nyijkx Betania, ma ja Lázaro ijty tsyëënën mëti'ipë ënety të tyajjuukpyikyën.

Juan 13:1

Tyimpatnëp ënety ja ëmaayxyëëw ets nyija'ap ja Jesús ko tëë ja xëëw jëmëjt tpatnë ets ja naaxwiinyëtë t'ëxmatsa'any ets wyimpita'any ma ja Dios Teetyën. Xëmë ijty tsoky ja y'ijxpëjkpëtëjk mëti'ipë yaajëtyën naaxwiiny ets jëtu'un tsojky mapaat y'o'kyën.

Juan 18:28

Ënet ja Jesús tmëtso'ontë ma ja Caifás ja tyëjkën ets ojts tmënëjkxtë ma ja këmoontëjkën, ma y'ëne'emyën ja romanë yajkutujkpë, xëënyënëp ënätynyë. Ka'ap ja jutiis ja'ayëty ojts tyëkëtë këmoontëkoty, jä'ä ko ka'ap wya'atsëty ja këmoontëjk. Yë'ëjëty jëtu'un ja mëpëjkën tmëët'atë ko tyëkëtëty muum ma ka'ap wya'atsëtyën tsojk y'ëxëëkëtëty ets ka'ap tjëkyäpëty wi'ix y'a'ux'atëtyën ma ja ëmaayxyëëwën.

Juan 2:13

Ëmaayxyëëw ënety wiinkoonëp mëti'ipë jutiis ja'ayëty myëjja'awëtëpën, ko ja Jesús ojts pya'tëkë jam Jerusalén.

Juan 2:6

Tam ënety tëtujk ja mëjtsaa tu'ts, nëë atä'ämën mëti'ipë ijty yajtuuntëpë ja jutiis ja'ayëty ko näypyuj nyäjyä'ätsëtë, majkta'px ëkë mëko'px litrën ja jyot ja tu'ukpë.

Juan 5:1

Tëë ënety ja tiempo wäänë nyäxy ets tam ënety ja jutiis ja'ayëty xyëëwtuntë ko ja Jesús ojts jatëkok nyijkx jam Jerusalén.

Juan 6:4

Tim wiinkoonp ënety ja ëmaayxyëëw, mëti'ipë jutiis ja'ayëty xyëëtuuntëpën.

Hechos 21:24

Woownëjkx ets mëët xypaatëty ja näypyuj näjyä'ätsë ets mijts xykyujuuyëty tiijaty yajmëyajtëpën, jëtu'un tkupëktëty ets yajnëkääptëty ja kyëwaayëty. Ets ni'ëmukë nijawëtëty ko ka'ap myëtëyëty ijxtëm yë ja'ay wiinkjaty mnimëtyä'äkyën, ni'ikyë mijts wa'ats xypyatuny ja Moisés ja y'ënä'ämën.

Hechos 21:26

Tääts ja Pablo ojts komjëpom mëët nyijkx ja nimajktaxkpë ja ja'ay ma ja mëjtsajptëjkën ets ja wa'atsajtën tpaata'antë, ets jatëkok ojts nyijkxy komjëpom ets tnikajpxa'any jëna'a kya'pxa'anyën ja wa'atsajtën ets jëna'a ja wintsë'kën këëktu'uk tkë'ëyaktëtyën.

Hechos 24:18

Yë'ës ënety jam ntuunpy ma ja mëjtsajptëjkën, koos ja wa'atsajtën npaata'any, oy ka'ap jyam'ajtë nëkooyë ja mayjyä'äy ets ka'ap pën nëkooyë yäxy jyojky; ko ja Jutiis ja'ayëty mëti'ipë tso'ontëpën Asia jyajtë ets ja ja'ay tyajjoot'anpëjktë mëët ëjts. Yë'ë tyam japatëtëp jeexyë të myintë etsës jeexyë yë'ë xynyi'ëënëtë, ets jeexyë tnikajpxtë tiis xytyukmëtsip'ajtëp.

1 Corintios 11:28

Paaty, jëyëjp xy'ixtëty xytyuntëty ja mjuukyajtënëty wi'ix myajpaatën naamka'anëm ënety xykyäytyë xy'uuktë ya'atë a'ux.

Santiago 4:8

Mëwinkontë ja Dios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Dios mtsojktëpën, nänyajwa'atsëtë.

1 Samuel 16:5

Jëtu'un, oypyës yë jot winma'any nmëmiinpy nyajmiinpy, jëtu'un y'ëtsooy yë Samuel. Yë Wintsën Dios yë'ë wyintsë'kën nmo'ojäämpyës. Paaty tyam näkyajpxkëxë'ëkëtë wa'ats ma Tiosën etsës xyjyämyëët'atëty maas ja wintsë'kën nyajka'anyën. Ënet ja Samuel ojts tkajpxkëxë'ëky ma Tiosën wa'ats ja Jesé, mëët ja y'u'unk y'ëna'k ets twoowtaay, tääts mëët ja wintsë'kën tyaka'any.