Juan 11:44 - Biblia Dc en Mixe de Quetzaltepec

⁴⁴ Tä ja o'kpë pyëtsiimy winmotsy winpity, wit winjuuxy. Ënet ja Jesús t'ënëmaay ja ja'ayëty: Kë'ëkäjtë tekyäjtë ets ëxmatstë, wä'än nëjkxy.

Biblia Mixe de Quetzaltepec

⁴⁴ Tä ja o'kpë pyëtsiimy winmotsy winpity, wit winjuuxy. Ënät ja Jesús t'ënëmaay ja ja'ayëty: Kë'ëkäjtë tekyäjtë ets ëxmatstë, wä'än nëjkxy.

Juan 11:44 ပူးပေါင်းရင်းမြစ်များ

Juan 5:25

Tëy miits nëëmëtë ko tää wyinkony ja xëëw jëmëjt ets tyamën jä'ä, ko ja o'kpë tmëtowtëty ja Dios U'unk ja y'aaw y'ayuk, ets mëti'ipë y'amëtoow'ijtëp, pyaatëp y'ixtëp ja juukyajtën.

Juan 20:7

Ets tjaaktim'ijxpaty ja wit mëti'ipë ja Jesús ënety të twinjuux'atyën, ëpëky jam ane'eky.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

Juan 10:30

Dios Teety ets ëjts, tu'ukyë ëëtsëty.

Juan 5:21

Jä'ä ko ijxtëm ja Dios Teety tyajjuukpyikyën ja o'kpë ets tmo'oy ja juukyajtën, näjyëtu'un ja y'U'unk ja juukyajtën tmo'oy pën myo'ojäämpyën.

Lucas 7:15

Tääts wyä'tskujkëy ja mexy mëti'ipë ënety të y'ookyën ets kyajpxpëjky. Ënet ja u'unktaak yajtukë'ëtëjkëy ja y'u'unk.

1 Samuel 2:6

Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.

Génesis 1:3

Ënet yë Dios y'ënäny: wä'än tjää'aty yë kutë'kxën. Tää ja kutë'kxën ojts kyëxë'ëky.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Juan 19:40

Ënet ja José ets ja Nicodemo ojts tyajpëtë'ëktë ja Jesús ja nyi'kx kyopk ets tukwinpijtë ja linë wit mëët ja pa'akxu'kpë nëë, jëtu'un ijxtëm ja jutiis ja'ayëty ënety tuunk'atën ko ja o'kpë tyajnaaxtëkëja'antë.

Marcos 5:43

Ja Jesús mëk'äämpy ojts tuk'ëne'emy ja ja'ayëty ets ka'ap pën tuk'ëwaanëtëty ko ënety jëtu'un të tyuny të jyätyë ets ja u'unkteety u'unktaak yaj'ënëmaaytyë wä'än tyajkaytyë ja kiixy u'unk.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Salmos 33:9

Ko ojts kyäjpxy, ënät ojts winë kyojy; ko ojts winë tni'ënä'ämë, ënät ojts winë wyi'imy ta'tspëky.

Juan 20:5

Ets kyu'ijxëy jap jutjoty, yi'iyë jap ja wit mëti'ipë ja Jesús ja nyi'kx kyopk yajtukwinpijtën, jääyë jut'ëkë'ey y'ijxwo'ony.

Juan 11:39

Ets ja Jesús y'ënäny: Jëkë'ëtë yë tsaa. Ënet ja Marta, mëti'ipë ja o'kpë myëkä'äx'ajtypyën, ojts y'ënë'ëmxëty: Wintsën, tokxu'knëp yë'ënë, jä'ä ko tëë myajktaxk xëëwpäjnë ma nyaaxtëjkënën.

Lucas 19:20

Tääts ja tu'uk myëjwä'ky ets y'ënäny: Wintsën, tyaa ja meeny, pëjke'ekyës të nmëët'aty paayëwintsumy,

Juan 11:43

Ko jëtu'un kyajpxtaay ënät mëk y'ënäny: Lázaro, pëtsëm jap.