Juan 11:40 - Biblia Dc en Mixe de Quetzaltepec

⁴⁰ Ënet ja Jesús y'ëtsoowë: ¿Këtii të t'ënëëmë ko xymyëpëkëtyës, m'ixëp ja Dios ja myëj'ajt y'oy'ajtënë?

Biblia Mixe de Quetzaltepec

⁴⁰ Ënät ja Jesús y'ëtsoowë: ¿Këtii të t'ënëëmë ko xymyëpëkëtyës, m'ixëp ja Tios ja myëj'ajt y'oy'ajtënë?

Juan 11:40 ပူးပေါင်းရင်းမြစ်များ

Juan 11:4

Ko ja Jesús jëtu'un tmëtooy ets y'ënäny: Ka'ap ya'atë pa'am yaj'ooky, jä'ä yë'ë ets nyikëxë'ëkëty ja myëj'ajtën y'oyajtën ja Dios ets ja Dios U'unk.

Salmos 63:2

Jëtu'un njajanty'ixa'any ma mtsajptëjkën, etsës njatukxoonta'aka'any ja mmëkajtën m'oyajtën,

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënety tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Salmos 90:16

Mijts myajkutukëp ets mtuunpë yë y'u'unk y'ok t'ixtëty wi'ix winë të xytyuny të xykyäjpxyën ets wi'ix yë mmëj'ajt m'oyajtën y'ityën.

Juan 9:3

Ënet ja Jesús y'ëtsoowëtë: Ni kyë'ëmpoky ets ni tyaak tyeety jëtu'un yë pyoky tkakujajtëyë. Yë'ëkyëjxm jëtu'un yajpaaty ets yaj'ix yajnijawëty pën mëpaat Dios myäyë yajtso'okëtëty.

Juan 12:41

Paaty ja Jeséas jëtu'un y'ënäny jä'ä ko tëë ënety t'ixy ja Jesús ja myëj'ajt jyääntyajtën, ets yë'ë nyikajpx nyimëtyak.

Éxodo 16:7

E ko jyopy'atëty, jää xy'ixtëty yë Dios yë myëj'ajt y'oyajtën, yë'ë wa'ats të tmëtoy ko miitsëty wiinkjaty të xynyimëtya'aktë. ¿Jä'ä ko ëëtsëty tii mëj'ajtën n'ëkmëët'ajtëpës etsës xynyi'oj xynyiyaaxëtëty?

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Marcos 9:23

Tääts ja Jesús y'ënäny: ¿Tii ko jëtu'un m'ëna'any pën mëpaat xyajtso'oky? Aak oy yë ja'ay pyëtsë'ëmxëtë winë mëti'ipë Dios mëpëjktëpën.

Romanos 6:4

Ets ko nyajpatëmë jëtu'un ijxtëm jeexyë tu'ukyë të n'o'këmën ets të nnaaxtëjkëmë mëët ja Kristë, jëtu'un të njuukpyëjkëmë näjyëtu'un ijxtëm ja Kristë ojts jyuukpyikyën, mëët ja Dios Teety ja myëj'ajtën ets nmëët'ajtmëty ja jempyë juukyajtën.