Juan 11:1 - Biblia Dc en Mixe de Quetzaltepec

¹ Tää ijty tëëyëp tu'uk ja pa'amja'ay mëti'ipë xyëëwajtypyën Lázaro, Betania kyukajpnëty, ma ja Maria kyukajpnëtyën ets ja myëkä'äx Marta.

Biblia Mixe de Quetzaltepec

¹ Tää ijty tëëyëp tu'uk ja pa'amja'ay mëti'ipë xyëëwajtypyën Lázaro, Betania kyukajpnëty, ma ja Maria kyukajpnëtyën ets ja myëkä'äx Marta.

Juan 11:1 ပူးပေါင်းရင်းမြစ်များ

Juan 12:17

Ja mayjyä'äy mëti'ipë ja Jesús ënety jam mëëtëtyën ko tyaxpëtseemy ja Lázaro o'kpëjutjoty ets tyajjuukpyijky, yë'ë jam nyimëtyaktëp mëti'ipë ënety të t'ixtën.

Juan 12:9

Nimay ja jutiis ja'ayëty tnija'awëtyë ko ja Jesús ënety jam Betania ets ojts tninëjkxtë, ka'ap yi'iyë Jesús t'ixa'antë, y'ixantëp näjyëtu'un ja Lázaro mëti'ipë ja Jesús ënety të yajjuukpyikyën.

Juan 11:11

Ënet ja Jesús jyaak'ënany: Tëë myaanaxy ja nmëku'ukës Lázaro, tyamës nyuxa'any.

Mateo 21:17

Ënet y'ëxmajtsëtë ets ojts ja Jesús nyijkxy jam Betania. Jamts ja tsuu tyajnajxy.

Hechos 9:37

Ënet ja pa'am pyätë ets y'o'ky; ko y'o'ky ojts ja nyi'kx kyopk yajpujy, tää ojts tpëjkta'aktë jap tëjkëjxy.

Juan 11:3

Ënet ja Lázaro ja myëkä'äx nimäjtsk ojts tnikäxëtë ja Jesús: Wintsën, pëjkëp ja mmëku'uk mëti'ipë ni'ik mtsojkpyën.

Marcos 11:1

Ko tmëwinkoontë ja Jerusalén kajpn ets jyajtë ma ja Petfagé kajpnën ets jam ma Betania kajpnën, Olivo kopkwinm, jam ja y'ijxpëjkpë nimäjtsk tkäjxë'ky,

Génesis 48:1

Ko jëtu'un ja xëëw jëmëjt nyäjxy, ënät yë José ojts yajtuk'ëwaanë ko ënety jam ja tyeety pyëjkënë. Ënet ojts ja José ja tyeety ninëjkxy mëët nimäjtsk ja myaank, mëti'ipë xyëëwajtëpën Manasés ets Efraín.

Juan 11:18

Winkon ja Betania kajpn wyi'im mëët ja Jerusalén kajpn, jawäänë kyatu'k horë ye'eyëty,

Juan 11:19

ets may ja jutiis ja'ayëty ënety të tninëjkxtë ja Marta ets Maria ets tjotmëkwinkajpxëtë ko ja myëkä'äx Lázaro të y'ooky.