Juan 10:10 - Biblia Dc en Mixe de Quetzaltepec

¹⁰ Yë mä'tspë, yi'iyë nyimiimpy ets myäätsa'any, yaj'ooka'any ets yajkutëkoyä'äny. Ëjts yë'ëjës të niminy ets ja ja'ay jyuuky'atëty akujk jotkujk.

Biblia Mixe de Quetzaltepec

¹⁰ Yë mä'tspë, yi'iyë nyimiimpy ets myäätsa'any, yaj'ooka'any ets yajkutëkoyä'äny. Ëjts yë'ëjës të niminy ets ja ja'ay jyuuky'atëty akujk jotkujk.

Juan 10:10 ပူးပေါင်းရင်းမြစ်များ

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Oseas 7:1

koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Dios wintum.

Mateo 18:11

Jä'ä ko yë naaxwiinyëtë ja'ay yë y'U'unk yë'ë të tniminy ets tyajtso'oka'any mëti'ipë të tyëkoyën.

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Mateo 21:13

ets t'ënëmaay: Jëtu'un kuja'ay myiny: Yë ntëjkës jä'ä yajtijëty Dios mëkajpxtakn e miitsëty jä'ä të xyaj'awinpijnëtë mä'tstakn.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Marcos 11:17

Ets ja Jesús tyëjkëy yaj'ijxpëjkpë, jëtu'un y'ënäny: Jëtu'un ja Dios ja y'aaw y'ayuk kuja'ay myiny: Yë ntëjkës jä'ä wya'anëty Dios ëwtajtakn. E miitsëty, jëtu'un xywyanëtë ijxtëm yë mä'tspë tsyënaaytyaknën.

Lucas 19:10

Yë naaxwiinyëtë ja'ay yë y'U'unk, yë'ë të niminy ets t'ixta'aja'any, tyajtso'oka'any mëti'ipë tëkoy'ijtpën.

Juan 10:1

Ënet ja Jesús y'ënäny: Tëy miits nëëmëtë, pën ka'ap tyëkën ma ja kemy aawën, mä'tspë ënety ets tu'u'ëtujkpë.

Juan 10:11

Ëjts jëtu'un ijxtëm ja oypyë kupixyny këwent'ajtpën. Ja oypyë kupixyny këwent'ajtpë kyu'o'këp ja kyupixyny;

Juan 12:47

Pën ja n'aaw n'ayukës myëtoopy ets ka'ap tpatuny, ka'ap y'ëjtsëty ëxëëktum npëjkta'aka'any; jä'ä koos ka'apës yë'ëjëty të niminy etsës ja naaxwiinyëtë ja'ay nyajnitukëty, yë'ëjës të niminy etsës nyajnitso'oka'any.

Juan 12:6

Judas ka'ap yë'ëkyëjxmëty jëtu'un y'ënä'äny ko ja ëyoopëja'ay tpa'ëyoy, yë'ëkyëjxm ko myeetsy. Yë'ë ënety ja meeny apëjkën kyë'ë'am'ajtyp ets xëmë tpukony mëti'ipë jap pyëjkë'kpyën.

Juan 3:17

Jä'ä ko yë Dios ka'ap yë'ëkyëjxmëty tkejxy ja y'U'unk naaxwiiny ets tyajnitukëja'any ja naaxwiinyëtë ja'ay, yë'ëkyëjxm të tkexy ets tyaj'ëwaatsëpëtsëmëty ja ja'ay.

Juan 5:40

Miitsëty ka'ap mina'antë ma ëjtsën ets jeexyë xymyëët'atë ja juukyajtën xëmëkyëjxmëpë.

Juan 6:33

Ja tsajpkääky mëti'ipë Dios yäjkpyën, jä'ä tsajpjotm tso'omp ets ja naaxwiinyëtë ja'ay ja juukyajtën tpaaty.

Juan 6:51

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

Romanos 2:21

E oy, pën mnija'ap wi'ix xyaj'ijxpëkëtyën ja wiinkpë, ¿wi'ix ko kë'ëm mkanäyaj'ijxpëkyë? Pën mnimëtyäkpy ko ka'ap y'oyëty ko nmä'tsmëty ¿tii ko mmeetsy?

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.

Hebreos 6:17

Dios ojts jëtu'un tuknipëjktaakë ets tyajnikëxë'ëka'any pën y'ëxajëjantëpën ja kuma'ayën mëti'ipë të ënety të twinwanën, ka'ap nijëna'a tyëkatsyën. Paatykyëjxm ojts kë'ëm nyäxyëëwkukäjpxyë ko ja waantakën tpëjktäky.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

2 Pedro 1:11

Jëtu'un akujk jotkujk mtëkëtëty ma ja Wintsën Jesukristë Yajnitsokpë kyutujktaknën ets jam m'itëty xëmëkyëjxm.