Josue 9:17 - Biblia Dc en Mixe de Quetzaltepec

¹⁷ Ko jëtu'un tnija'awëtyë ënät tnitso'ontë, kom tëkëëk xëëw jam jyajtë ma ja kyajpnëtyën ja Gabaón ja'ayëty, jä'ä ja kajpn txëëwatë Gabaón, Quefirá, Beerot ets Quiriat-jearim.

Biblia Mixe de Quetzaltepec

¹⁷ Ko jëtu'un tnija'awëtyë ënät tnitso'ontë, kom tëkëëk xëëw jam jyajtë ma ja kyajpnëtyën ja Gabaón ja'ayëty, jä'ä ja kajpn txëëwatë Gabaón, Quefirá, Beerot ets Quiriat-jearim.

Josue 9:17 ပူးပေါင်းရင်းမြစ်များ

Esdras 2:25

ja Quiriat-jearim, Quefirá ets Beerot, jä'ä y'u'unk y'okëty, jä'ä nyiwinë'ajtë wëxtujk mëko'px ja wëxtyikxy tëkëëk;

Nehemías 7:29

ja Quiriat-jearim ja y'u'unk y'okëty ets ja Quefirá ets ja Beerot ja y'u'unk y'okëty jä'ä nyiwinë'ajtë wëxtujk mëko'px ja wëxtyikxy tëkëëk;

1 Crónicas 21:29

Oy ënety jyayajnijawë ko jam mëpaat yajyäky ja wintsë'kën ma ja Wintsën ja wyittëjkën mëti'ipë ja Moisés ojts tkojyën jam të'ëts'itjotm ets ja wintsë'këntyakn jampë yajpaatyën ma ja Gabaón y'itjotmën,

1 Samuel 7:1

Ënet ojts jam jyänty jya'të ja Quiriat-jearim ja'ayëty ets tyajtso'ontë ja Wintsën ja kyaaxë. Ko jam tmëja'ajtë kyajpntum jam ojts tpëjkta'aktë ma ja Abinadab ja tyëjkën, jam ijty tunkëjxm tsyëënë; ets tkënu'kxtë ja myaank mëti'ipë xyëëwajtypyën Eleazar ets yë'ë tkëwent'atëty.

Josue 18:14

Jamts jatëkok wyimpity ja tsëpa'an ets nyijkxy ma ja Mejyën Naax'akujkpyë, yë'ë pya'anajxyp ja kopk ëpa'tkë'ëytsyow mëti'ipë mëët nyäwyinku'ixëtyën yë Bet-horón ets jampaat jyä'ty Quiriat-Baal, mëti'ipë yajtijpën näjyëtu'un Quiriat-jearim ma Judá nyaaxjotën. Ya'atë ijty tsëpa'an'ajtp.

Josue 15:60

Ja kajpnëty mëti'ipë yajtijtëpën Quiriat-Baal, mëti'ipë näjyëtu'un yajtijtëpën Quiriat-jearim ets ja Rabá mëët ja myutsk kajpnëty mëti'ipë nyitënaaytyëpën.

Josue 15:9

y'ëwtijtë'ëky jam ma kopkupi'tsykën ets jyä'ty ma ja Neftóah nëëkopkën, jam tsyoony ets nyijkxy ma ja kajpn yajpaatën mëti'ipë jamëtyën ma ja Efrón kopkjotmën, nyäxy jam Baalá mëti'ipë näjyëtu'un yajtijpën Quiriat-jearim.

Josue 9:3

E ja Heve ja'ayëty mëti'ipë tsënaaytyëpën Gabaón ojts tnijawëtë wi'ix ënety të y'ëti'ityën ja Josué jam Jericó ets Aí.

Josue 9:9

Tää y'ëtsoowtë: Ëëtsëty jëkäm'it ntsoontës, nimintë yaa miitsëty mëët ko ja mWintsën Dios mëj'äämpy yajnikäjpxy jamtsow muum, tëëjës nijawë'atë ko ojts ja myëj'ajtën tyaj'ixyë mëjwiin këjää jap Egiptë,

Josue 9:16

Kom tëkëëk xëëw ja Israel ja'ayëty tnija'awëtyë ko ja Gabaón ja'ayëty wiinkontëm ënety tsyëënëtë.

Josue 9:18

E ja Israel ja'ayëty ko jam jyajtë ka'ap ojts tyaj'ooktë ja Gabaón ja'ayëty, jä'ä ko ja kopktëjkëty tëë ënety jëtu'un tukwinwanëtë ja Wintsën mëti'ipë Tyios'ajtëpën ja Israel ja'ayëty ko tnimä'kxa'antë ja jyuuky'ajtënëty. Paatykyëjxm ja mëjja'aytyëjkëty ojts tyukjoot'anpëkëtë ja Israel kajpn.

Josue 18:15

Ja tsëpa'an jampë ëpa'tkë'ëmtsow nyäxyën jam tsyo'ontä'äky Quiriat-jearim ets nyijkxy, anajnytsyow jyä'ty jam ma Neftóah nëëwookyën,

Jueces 18:12

Ënet jyajtë jam ma ja Judá ja jyä'äy ja nyaaxjotmën ets nyäpyëjktakëtë jam, a'oytsyow ma Quiriat-jearim yajpaatyën mëti'ipë tyam yajtijpën Dan y'ijtakn.

1 Samuel 6:21

Ënet ja käjpxy tkäjxtë jam Quiriat-jearim ets t'ënëmaaytyë ja ja'ayëty jampë kyukajpn'atën: Yë filistejë ja'ayëty tëë jatëkok tyajwinpitë ja Wintsën ja kyaaxë, paaty miits yam npëjktsowtë ets xynyimintëty tääts xymyënëjkxtëty.

2 Samuel 4:2

Yë Is-boset tam ijty yë ja'ay mäjtsk tyajmëtuny mëti'ipë nyikopk'ajtëpën yë majtspëty. Tu'uk jä'ä xyëëwajtyp Baaná ets tu'uk Recab. Yë'ë myaank yë Rimón jam kyukajpn'atë Beerot; yë'ë Benjamín yë jyä'äy. Yë Beerot ja'ayëty jä'ä ijty yajnikajpxtë ko yë'ë Benjamín ja jyä'äy,

1 Crónicas 2:50

Ya'atë jëtu'un ojts yë Caleb t'u'unk'aty t'ok'aty. Yë y'u'unk y'ëna'k yë Hur, yë Efrata kyä'äxkopk jä'ä xyëëwajtë: Sobal, mëti'ipë Quiriat-jearim tyeety'ajtën;

1 Crónicas 2:52

Sobal y'u'unk y'ëna'k, mëti'ipë tyeety'ajtën yë Quiriat-jearim, jä'ä xyëëwajtë: Refaías ets nikujkwä'kxy ja ja'ayëty mëti'ipë yajtijtëpën Menahem ja'ayëty

1 Crónicas 2:53

kujkwä'kxy yë Quiriat-jearim jyä'äy, mëti'ipë ojts yajtijtën: Itri ja'ayëty, Fut ja'ayëty, sumatitë ja'ayëty ets Misraim ja'ayëty, ma tsyoontën ja mëti'ipë yajtijtëpën Sorá ja'ayëty ets Estaol ja'ayëty.

Jeremias 26:20

Näyjyëtu'un ja Urías käjpxynyajxpë, yë Semaías yë myaank mëti'ipë jam Quiriat-jearim kukajpn'ajtpën, ojts ja Wintsën ja y'aaw y'ayuk tnikäjpxy ets mëk ojts tnikäjpxy nimëtyä'äky ya'atë naax kajpn, jëtu'un tä yë Jeremías të kyäjpxy të myëtyä'äkyën.

1 Crónicas 12:4

näjyëtu'un ja Ismaías, mëti'ipë Gabaón ja'ayën, jotmëkja'ay näjyëtu'un y'ijty, ojts yajpëjktä'äky ets ja myëku'uk näjyëtu'un tnikopk'atëty; mëti'ipë xyëëwajtëpën Jahaziel, Johanán, Jozabad jampë tsyoonyën Guederá,