Josue 8:8 - Biblia Dc en Mixe de Quetzaltepec

⁸ Ko ënety të xynyitëkëtë, tääts xyjyëënmo'otëty, jä'ä ko jëtu'un ja ënä'ämën myiny.

Biblia Mixe de Quetzaltepec

⁸ Ko ënäty të xynyitëkëtë, tääts xyjyëënmo'otëty, jä'ä ko jëtu'un ja ënä'ämën myiny.

Josue 8:8 ပူးပေါင်းရင်းမြစ်များ

2 Samuel 13:28

tëë ënety t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

Deuteronomio 20:16

E ma ja naax kajpnën mëti'ipë jam yajpatpën ma ja it naaxwiinyëtën, mëti'ipë ja Wintsën ënety mooyëtëpën, tëkokyë winëjaty mëti'ipë jam yajpatëpën, nëjkxëp xyajkutëkooytya'atë.

Josue 1:16

Ënet y'ëtsoowtë: Oy'atëp, ëëts ntunantëpës yam mëti'ipës xytyuk'ënä'ämtëpën, oyës maa xytyim käxtëty nëjkxtëpës jam.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 6:24

Ënet ja Israel ja'ayëty tjëën'ixko'onëtyë ja naax kajpn ets tyajtooytyëkooytyë, yi'iyë ojts ka'ap tnino'oktë ja pu'ts pujxn, poop pujxn, tsuxkpujxn ets ja juunpujxn mëti'ipë jap myënëjkxtën ma ja Dios ja wyit myeeny nyipetyën.

Josue 8:13

Mäjtskpëky ojts nyäyyajwa'kxëtë, tu'kpëky jam anajnytsyow, kajpnpë'am ets tu'kpëky wintuuytsyow ma ja Israel ja'ayëty ënety të nyäpyëjkta'akëtën, jam anëkëjxmtsow. Yë Josué mëët yë tsyiptuunpëtëjk, koots ojts tmëwinkontë ja kajpn ets jam jyajtë ma ja joyjyot kyujkwä'kxyën.

Josue 8:2

Yë Aí kajpn mëët ja nyiyajkutujkpë mëti'ipë jam ënä'ämpën, jëtu'un nëjkx xyajjaty xyajkëpety tä xytyuunyën yë Jericó. Je'eyëp ko ja mëti'ipë ënety mtukyajni'o'ktutëpën ja mëtsipëty, jyëkyäpëp miits xyjyä'ä'atëty. Tuknipëjktaakë ets tääpë kajpn ajotkumonë jëxkë'ptsow xynyitëkëty.

Josue 8:22

Mëti'ipë ënety ja kajpn të tjëën'ixkonëtën, ojts jam tsyoontë ets tnimiintë mëti'ipë ja Israel ja'ayëty të pyapo'ojëtën. Jëtu'un'äämpy ojts wyë'ëmtë itkujky ja Aí ja'ayëty ets tëkokyë tyaj'o'ktaaytyë.

Josue 8:28

Josué wa'ats tyajtooytyääy ja Aí kajpn ets xit ko'ow tuuntaay, jëtu'un tä tyampaat kyëxë'ëkyën.

Josue 8:7

Ënet mpëtsëmtëty ënätyë ets ja kajpn xynyitëkëtëty, jä'ä ko yë Wintsën tëë tkë'ëyäky.

Josue 8:9

Ënet ja Josué ojts tkexy ja ja'ayëty ets jam nyäyu'utsëtëty ma Betel mëët nyämyëwinkon'atyën yë Aí, anajnytsyow ma Aí yajpaatyën. E ja Josué jam ojts wyi'imy ma ja tsyënaaytyaknëtyën.

Jueces 4:6

Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.