Josue 8:14 - Biblia Dc en Mixe de Quetzaltepec

¹⁴ Ko ja yajkutujkpë t'ijxy mëti'ipë jam ënä'ämpën Aí, ënät ojts ënätyë twoowmujkta'ay ja tsyiptuunpëtëjk ets tnitso'ontë ja Israel ja'ayëty. Tninëjkxtë jam joyjyotm ma ja Jordán mëët nyämyëwyinkon'atyën, ni tkanijawë pën jam ja wiinkpë yu'utsy yajpaatë kajpn jëxkë'ëm.

Biblia Mixe de Quetzaltepec

¹⁴ Ko ja yajkutujkpë t'ijxy mëti'ipë jam ënä'ämpën Aí, ënät ojts ënätyë twoowmujkta'ay ja tsyiptuunpëtëjk ets tnitso'ontë ja Israel ja'ayëty. Tninëjkxtë jam joyjyotm ma ja Jordán mëët nyämyëwyinkon'atyën, ni tkanijawë pën jam ja wiinkpë yu'utsy yajpaatë kajpn jëxkë'ëm.

Josue 8:14 ပူးပေါင်းရင်းမြစ်များ

Mateo 24:39

Ma ënety ka'ap pën tmëmay tmëtajyën tii, jää ojts myiny ja komtuu ets tyajnëjkxtaay oy tyimtiijëty. Näyjyëtu'un nëjkx tyunyë jyätyë ko ënety ja naaxwiinyëtë ja'ay ja y'U'unk wyimpity.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Mateo 24:50

ma ënety ka'ap t'a'ixy tjëjp'ixyën wyimpita'any ja wyintsën, jää nëjkx ja wyintsën y'ëkëty myiny,

Daniel 4:31

Tam ënety kyajpx ëtë'ëtsynyëm ko jam tsajpjotm yajmëtooy käjpxy y'ënä'äny: Mëtow yajxon mijts Nabucodonosor yajkutujkpë. Yë mkutujktakn ka'ap mijts xy'ëkjä'ä'ajnë;

Isaías 19:13

Yë kopktëjkëty mëti'ipë jam Soan yajpatëpën, winma'anytyuk yë'ëjëty, yë kopktëjkëty mëti'ipë jamëtyën Menfis tëë yajwin'ëëntë, yë kopktëjkëty mëti'ipë mutsk kajpntum tso'ontëpën, wiink në'ë wiink tu'u yë Egiptë kajpn të tukpanëjkxtë.

Isaías 19:11

M'ëxëëk winma'anytyuk miitsëty kopktëjkëty mëti'ipë jam Soan yajpatëpën, mëti'ipë najts'ëëp najtskajpxëtëpën jap Egiptë, aakjä'ä mnikajpxtëp ka'apë tyuunëtyën.

Eclesiastés 9:12

Ets ka'ap tii jëna'ajëty nyayajtuk'oyë, ka'ap yajnijawë jëna'a yajtuk'oyëja'any: Jëtu'un tä yë nëë jëyujkën ëkë tä yë joonën muum ajotkumonë kyukäkë ma y'o'ktaknën, näjyëtu'un yë naaxwiinyëtë ja'ay nän ajotkumonë muum y'ëkëty y'ëyo'onpaaty.

Josue 8:16

Tëkokyë ja tsiptuunpëtëjkëty mëti'ipë Aí kukajpnajtëpën ojts yajkäjxta'atë ets tpapo'otëty ja Israel ja'ayëty, e komë jä'ä y'ëkpapooytyëp ja Josué, jëtu'unyë ojts ja kajpn atu'uk t'ëxmatstë.

Josue 8:5

E ja mayjyä'äy ëjts mëët nëjkxa'any winkon ma ja kajpnën, e ko ja kukajpnëty ëëts xy'ixtëty nmintë, ënetyës nkukä'äka'antë ets y'ëna'antëty ko näjyëtu'un jatëkok nkä'äka'anëmë tä ojts n'ëkkukäkëmën.

Deuteronomio 1:1

Ya'atë ojts yë Moisés tkäjpxy tmëtyä'äky ma ja Israel kajpnën ma ënety jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab.

Josue 8:13

Mäjtskpëky ojts nyäyyajwa'kxëtë, tu'kpëky jam anajnytsyow, kajpnpë'am ets tu'kpëky wintuuytsyow ma ja Israel ja'ayëty ënety të nyäpyëjkta'akëtën, jam anëkëjxmtsow. Yë Josué mëët yë tsyiptuunpëtëjk, koots ojts tmëwinkontë ja kajpn ets jam jyajtë ma ja joyjyot kyujkwä'kxyën.

Josue 8:15

Ja Josué ojts nyätyijyë tkukä'äktë ja ja'ayëty mëti'ipë tso'ontëpën Aí, jamtsow ojts nyëjkxtë ma ja tu'ujën mëti'ipë nëjkxpën të'ëts'itjotm.

Jueces 20:37

Ya'atë ja'ayëty ajotkumonë ojts tnitëkëtë yë Guibeá kajpn, ojts tëkokyë tyaj'o'kta'atë ja ja'ayëty japë ënety kyukajpn'atën.