Josue 7:7 - Biblia Dc en Mixe de Quetzaltepec

⁷ Tääts ja Josué ojts y'ënä'äny: Wintsën Dios, nikë oy jeexyë të xykyayajnaxtës ma mëjnëëjën. ¿Ix je'eyë ëëts yam o'ktëy njajnëtës nkëpäjnëtës ma Amor ja'ayëtyën, ëkë paatyën të xyajnaxtës ets ënät yë'ëjëty xyaj'ook xyajtëkoytyëtyësë? Ni'ik oy jeexyë ëëts jam të ntimwyë'ëmtë Jordán nëë'awinaxy.

Biblia Mixe de Quetzaltepec

⁷ Tääts ja Josué ojts y'ënä'äny: Wintsën Tios, nikë oy jeexyë të xykyayajnaxtës ma mëjnëëjën. ¿Ix je'eyë ëëts yam o'ktëy njajnëtës nkëpäjnëtës ma Amor ja'ayëtyën, ëkë paatyën të xyajnaxtës ets ënät yë'ëjëty xyaj'ook xyajtëkoytyëtyësë? Ni'ik oy jeexyë ëëts jam të ntimwyë'ëmtë Jordán nëë'awinaxy.

Josue 7:7 ပူးပေါင်းရင်းမြစ်များ

2 Reyes 3:10

Ënet ja Israel yajkutujkpë y'ënäny: Aa tëëtëm ënät ja Wintsën xytyuknimi'inëm kanaak yajkutujkpë ets tëkëëk të tim yajminy, tä ënät ja Moab ja'ayëty yë'ë ëxëëk xytyu'unmëty ets xymyëmëtakmëty.

Salmos 116:11

Janty nitiijës ënety nka'ëkjëjp'ijxnë koos njaak'ënany, ko tëkokyë yë naaxwiinyëtë ja'ay aak antaktëp.

Éxodo 16:3

Y'ënantë: Nikë oy jeexyë yë Dios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 17:3

Ja naax kajpn yajxon ënety jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Hebreos 12:5

Miitsëty tëë xyjyä'ätyëkoytyë ja ayuk mëti'ipë Dios mtukmëkajpxëtëpën, ko mkajpxwijëtë ma m'u'unk'atëtën. Jëtu'un ja Dios ja y'aaw y'ayuk y'ënä'äny: Mijts, u'unk, mëjpëjkta'ak ko ja Wintsën tii mtukmëkajpxëtëty ets ko mjëjpwijtswinpitëtëty, ka'ap xy'ëxëëkjawëty ko m'ojëtëty.

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënety o'ktëy të jyat të kyëpätë. Ënet ojts jam nyëjkxtë ma ja Dios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.

Josue 7:8

Wintsën. E tyam ¿tii ayukës ënät npaatëp ma tyam ja Israel ja'ayëty ka'ap ja myëtsip yajmëta'akëtën?

1 Samuel 4:3

Ko yë Israel ja'ayëty jam wyimpijtë ma jyajta'aktën, ënät ja mëjja'aytyëjk y'ënantë: ¿Tii ko yë Wintsën të t'ëwa'atsy ets tyam o'ktëy njajtmëty ma filistejë ja'ayëtyën? Ja'amtë nyajtso'onëmë yë kaaxë jam Siló mëti'ipë ja käjpxytyu'unën myë'ijtypyën mëti'ipë ja Wintsën jyä'ä'ajtypyën. Yë'ë itkujky nyajnëjkxmëp ets xykyuwa'anmëty ma ja nmëtsip'ajtëmën.