Josue 7:4 - Biblia Dc en Mixe de Quetzaltepec

⁴ Ënet ojts nitëkëëk mil yë ja'ayëty tsyoontë ets tninëjkxtë yë Aí. Ko jam jyajtë ka'ap yajmëtakëtë ja Aí ja'ayëty ni'ikyë ojts yajkäkta'ajëtë,

Biblia Mixe de Quetzaltepec

⁴ Ënät ojts nitëkëëk mil yë ja'ayëty tsyoontë ets tninëjkxtë yë Aí. Ko jam jyajtë ka'ap yajmëtakëtë ja Aí ja'ayëty ni'ikyë ojts yajkäkta'ajëtë,

Josue 7:4 ပူးပေါင်းရင်းမြစ်များ

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Isaías 59:2

Jä'äjën tëy, yë'ëkyëjxm ko miitsëty të mpokytyuntë paaty ja Dios të mmëjëkämkä'äkëtë; yë'ëkyëjxm ko të mpokytyuntë paaty je'eyë ja tyatsk të t'apääntuky këtiipë tmëtowëty mëti'ipë mkajpxtëpën.

Isaías 30:17

Tu'uk ja ja'ay nëjkx je'eyë y'ity mëti'ipë nitu'kmil yajkä'äkëpën, nimëkoxk ja ja'ay nëjkx y'itë mëti'ipë myajkäkta'ajëtëpën; koonëm niwäänë mwë'ëmtëty, jëtu'un tä tu'kpajk muum yë kepy të yajkuwopën tunkëjxm mëti'ipë ja'ay ijxpäjn wyäämpyën.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Josue 7:3

E ko wyimpijnëtë tä t'ënëmaaytyë ja Josué: ka'ap kyopkpëkyëty nyëjkxta'atëty yë ja'ay tsiptuunpë ets Aí kajpn yajnitëkëty. Jyëkyejpy je'eyë nyëjkxtëty mäjtsk mil ëkë tëkëëk mil, këtii ja'ay xykyäjxta'ajëty, jä'ä ko mëti'ipë kyuwantëpën yë kajpn niwäänë jam yajpaatë.

Salmos 89:43

Ojts xyajjëjpkëtaktaayë tyiypyujxnëty, ets ka'ap të xyajpo'oxy tsipjoty.