Josue 7:24 - Biblia Dc en Mixe de Quetzaltepec

²⁴ Ënet ja Acán jam tmëtso'ontë ets tyajnëjkxnëtë ma tu'uk ja it naaxwiinyëtë txëëwatyën Acor mëët ja pu'ts pujxn ets ja poop pujxn, ja wyit tyujkxy, y'u'unk tyo'oxytyëjk, y'u'unk y'ëna'k, jyëyujk tsyajpkaa, tsyajppax kyupixyny ets tëkokyë jënu'un ënety winë tmëëtëtyën.

Biblia Mixe de Quetzaltepec

²⁴ Ënät ja Acán jam tmëtso'ontë ets tyajnëjkxnëtë ma tu'uk ja it naaxwiinyëtë txëëwatyën Acor mëët ja pu'ts pujxn ets ja poop pujxn, ja wyit tyujkxy, y'u'unk tyo'oxytyëjk, y'u'unk y'ëna'k, jyëyujk tsyajpkaa, tsyajppax kyupixyny ets tëkokyë jënu'un ënäty winë tmëëtëtyën.

Josue 7:24 ပူးပေါင်းရင်းမြစ်များ

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

Job 20:15

Jëtu'un t'ix'ë'tsta'ay ja wit meeny mëti'ipë ja myëku'uk atsip të tpëjkën; Dios jap jyu'typ jyootjoty.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Proverbios 15:27

Mëti'ipë ja'ay ëxëëk y'atsokyën, yë'ëpaat jyëën tyëjk tyajtëkoy; e mëti'ipë ja'ay ka'ap tii t'ixk'atyën, nikë jotkujk jyuuky'äty.

Eclesiastés 5:13

Tëës n'ixy ntuny wi'ix naaxwiiny naaxkëjxy jyäty kyëpetyën yë ja'ay mëti'ipë wit meeny nyipëjkpejtypyën, yë'ë nyipëjkpejtyp mëti'ipë ëxëëk myëjat myëkëpätëpën,

Isaías 65:10

Ma ja Sarón itjotmën, mëti'ipë Joytyuuyën, nëjkxëp wyintujkta'ay mëët yë kupixyny ets tsajppax; näjyëtu'un jam ma Acor itjotmën, Joytyuuypyë, jam nëjkx y'oktë wyëtstë yë nkajpnës yë tsyajpkaa.

Oseas 2:15

Etsës jatëkok nmo'oja'any yë tsatsym kam, etsës yë Acor yë nyitëjkëtyakn nyaj'awinpitanë akujk'ajt jotkujk'ajtën. Jamës xy'ëtsowa'any tääjës xy'ëtsooyën ko y'ëna'k'ajty, tääjës xy'ëtsooyën ko jap pyëtsiimy Egiptë.

Josue 15:7

Jam tsyoony ma txëëwatyën Acor ets pyäjtë'ëky jam Debir ets jyä'ty jam Guilgal mëti'ipë wintuuytsyow yajpatpën ma ja yä'äp txëëwatyën Adumim, ëpa'tkë'ëmtsow yajpaaty ma ja nëëwokën. Ja tsëpa'an ja wiinkpë jam jyënajkë'ëky ma ja In-semes nëëwookën ets jyä'ty ma txëëwatyën En-roguel.

Josue 22:20

Ja'amyätstë ko yë Acán yë Zara myaank ojts yë Dios tmëtëkoy ko ojts tyu'utsy mëti'ipë ënety ja Wintsën yë'ë të yajtuknipëjktaakën ets mëët yë'ëkyëjxm tëkokyë ja Israel kajpn y'ëyo'onpataay. Tääts yajja'akyukë ko yë Acán ka'ap y'atu'ukëty je'eyë ja pyoky tku'o'këy.

Josue 6:18

E miitsëty këtii nitii xytyontëty mëti'ipë yë Wintsën të tyajkutukyën kyutëkoyëty, jä'ä ko tii xytyoontëpëty tsojk naax kajpn ëxëëk jyatëty kyëpätëty ets nëjkx pokymyëët wyi'imy.

Josue 6:21

Yaj'o'ktaaytyë ja ye'etyëjk, to'oxytyëjk, mëjja'ay, mutskja'ay, jëyujk, tsajpkaa, yë tsajppax ets kupixyny. Wa'ats winë tyajkutëkooytyääytyë.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënety yë Dios të tni'ënä'ämën ets kyutëkoyëty, e mëët ko ojts toonpë mëti'ipë ënety ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Josue 7:23

Tä tukninëjkxtë ja Josué ets ja Israel ja'ayëty ets tukë'ëtëjkëtyë ja Wintsën.

Josue 7:26

Ok ojts may tuknipiwtë yë tsaa, tyampaat je'eyëm jam tsaanipiy yaj'ixy. Paaty ojts txëëwmo'otë ja it naaxwiinyëtë Acor. Koonëm jëtu'un jyajtë kyëpäjtë täänëm ja Wintsën ojts tuk'ëwa'anxeemy ja Israel kajpn.