Josue 7:11 - Biblia Dc en Mixe de Quetzaltepec

¹¹ Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënety të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Biblia Mixe de Quetzaltepec

¹¹ Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënäty të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Josue 7:11 ပူးပေါင်းရင်းမြစ်များ

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

Mateo 22:21

Tääts y'ëtsoowtë: Ja yajkutujkpë. Ënet ja Jesús y'ëtsoowëtë: Mo'otë yë yajkutujkpë mëti'ipë jyä'ä'ajtypyën ets mo'otë Dios mëti'ipë paat'ajtëpën.

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënety tëë kyëjxta'ay mya'ta'ay ja tëjkwitsë ets ja tsaa.

Habacuc 2:6

E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënety të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënety ëjts Wintsën xyatijtë. Ëjts Wintsën, ëjts ënaanp.

Isaías 24:5

Jä'ä ko ja ja'ayëty tëë tyaj'ëxëëkëtë ja naaxwiinyëtë, ka'ap të tpatuntë ja ënä'ämën tëyajtën ijxtëm jyapaatyën, tëë tkumëtoownaxtë ja ënä'ämën tëyajtën ets ka'ap të tuntë ijxtëm ojts tnikajpxtën.

2 Reyes 18:12

E paatykyëjxm ojts jëtu'un jyatë kyëpätë jä'ä ko ka'ap tmëmëtoowtë ja Wintsën; ko ojts ka'ap t'ëkja'amyäjtsnëtë ja käjpxytyu'unën ets ka'ap ninu'un tja'akyujkëtyë ja ënä'ämën tëyajtën mëti'ipë ja Moisés, ja Wintsën ja tyuunpë ojts jyatuknipëkëtën tpatuntëty.

Jueces 2:20

Paaty ojts ja Wintsën tukjoot'anpëky ja Israel kajpn ets y'ënäny: Ya'atë ja'ayëty je'eyë nëkoo tyajma'aty yë nkäjpxytyu'unënës mëti'ipës ntuunën mëët yë y'ap y'okëty ets ka'apës xymyëmëtowa'antë.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënety yë Dios të tni'ënä'ämën ets kyutëkoyëty, e mëët ko ojts toonpë mëti'ipë ënety ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Deuteronomio 17:2

Pën yajnija'ap muum kajpntum tu'uk yë ye'etyëjk ëkë to'oxytyëjk yë'ë tyuunpy mëti'ipë yë Wintsën ka'ap t'oyjyawën ets jëtu'un ka'ap t'ëkwinkutsë'kënë ja käjpxytyu'unën,

Josue 7:10

Ënet ja Dios y'ëtsoowë: Pëtë'ëk, ¿tii ko mkoxtänë?

1 Samuel 14:38

Paaty yë Saúl y'ënäny: Mëjwa'aktë yaa miitsëty ninu'un xynyiwintsën'atën yë tsiptuunpëtëjkëty ets xypyaye'eytyëty pën të pyokytyuny.

2 Reyes 5:24

Ko jam jyajtë jam kopkëjxm ma ënety jam yajpaatyën ja Guehazí, tääts t'ëxajëy ja mëti'ipë ënety myëmiintëpën ja Naamán ja tyuunpë ets tpëjkë'ky jap tyëkoty ets nyäjyëkäjpxyë mëët ja ja'ayëty.