Josue 6:5 - Biblia Dc en Mixe de Quetzaltepec

⁵ Wi'ix xymyëtowtën ja xuxn xyu'uxy, jëtu'un mëk jyänty yujkya'axtëty ets nëjkx ja potsy kyëtäy ets nitu'ukjaty ënätyë xynyitëkëtëty ja kajpn.

Biblia Mixe de Quetzaltepec

⁵ Wi'ix xymyëtowtën ja xuxn xyu'uxy, jëtu'un mëk jyänty yujkya'axtëty ets nëjkx ja potsy kyëtäy ets nitu'ukjaty ënätyë xynyitëkëtëty ja kajpn.

Josue 6:5 ပူးပေါင်းရင်းမြစ်များ

Éxodo 19:19

E ja jëtu'unpë yajmëtoyën, tä ja pujxnxuxn y'ënä'änyën ni'ikyë ënety jyänty myëktä'äky; ënät ja Moisés ojts tyëkë mëtyakpë mëët ja Dios, ja Dios ja y'aaw y'ayuk jëtu'un yajmëtoy tä ënääw y'ënä'änyën ko y'ëtsoy.

Isaías 25:12

Yë Wintsën nëjkxëp tkujijnajxta'ay yë pyoty ta'tspëkpyë ets nëjkxëp tjijtë'ëky ets tyajnaaxkukëtawë.

Isaías 30:25

Ko ënety jyää'aty ja o'kën tëko'oyën ets kyutëkooytya'atë ja naax kajpn mëti'ipë mëkëtyën ets ta'tspëkyëtyën, Jää'ataanp ja nëë mëti'ipë nëjkx yaj'uukyën, jampaat tunkëjxm kopkëjxm ka'ap ja nëë y'ëmaaytya'aka'any.

Jeremias 50:15

Xii yaa tukyaax tukjokëtë ko mtsiptuna'antë. Ka'ap ja Babilonyë y'ëkmëtaknë. Tëë jyijta'ay ja pyotsy ma ënety kyëwent'atën, tëë jyijtë'kta'ay ja potsy mëti'ipë ja kajpn nyapots'ajtypyën. Jëtu'unës ntuunwinpita'any mëët koos të xymyëtëkoytyë: Tuunwinpitë ijxtëm të mtunëtën.

Hebreos 11:30

Mëët ko myëpëjktë, ojts ja Jericó kajpn napotsypë kyëtäy ko ja Israel ja'ayëty wëxtujk xëëw ja kajpn tna'ëwtijtë.

Josue 6:16

Ko ja teetytyëjkëty ojts ja xyuxnëty tukxu'uxtë ma ja wëxtujk'okpë kya'pxnën, ënät ja Josué ojts mëk kyäjpxy ets t'ënëmaay ja mayjyä'äy: tyam ya'axtë joktë ënät mëktä'äky, jä'ä ko yë Wintsën tëë tääpë naax kajpn tkë'ëyäky.

Josue 6:20

Ënet ja ja'ayëty tyëjkëtyë yaxpë jojkpë ets ja xuxn näjyëtu'un tjantyyaj'ënantë. Ko yë Israel ja'ayëty tmëtoowtë ja xuxn tyëjkëtyë xuxpë, ënät ojts ni'ikyë mëk jyänty'ënaanta'aktë koonëm je kajpn nyakëtaawtutaay, jä'ä ko napotsy ënety yajpaaty. Ënet tyëjkëtyë kajpnjoty ets ojts tniwa'kta'atë.

Josue 6:4

Ëpëky ja teetytyëjkëty niwëxtujk twinye'eytyëty ja kaaxë mëti'ipë yë käjpxytyu'unën myë'ijtypyën. Nitu'ukjaty ja teety aak myëët'atëp ja xyuxn, yë'ë tsajppaxwaj. Ko wyëxtukxëëwpätëty, wëxtujk'ok nëjkx xynya'ëwtitë ja kajpn, e ja teetytyëjkëty jä'ä ja xuxn tyukxu'uxtëp.

Josue 6:6

Ënet ja Josué ojts tmëkajpxmujkta'ay ja teetytyëjkëty ets t'ënëmaay: Mënëjkxtë yë kaaxë mëti'ipë yë käjpxytyu'unën myë'ijtypyën, mëti'ipë yë Dios jyä'ä'ajtypyën; niwëxtujk jam mnäwyimpiwëtëty mëti'ipë jëjp'am nëjkxtëpën ma ja kaaxë yajmëye'eyën ets yë'ë tyukxu'uxtëp ja tsajppaxwaj.

Jueces 20:37

Ya'atë ja'ayëty ajotkumonë ojts tnitëkëtë yë Guibeá kajpn, ojts tëkokyë tyaj'o'kta'atë ja ja'ayëty japë ënety kyukajpn'atën.

1 Samuel 17:20

Komjëpom ja David ojts tsojk pyëtë'kojy ets ja tsyajppax kyupixynyëty wiink ja'ay tuknipëjky, tääts jotkujk tsyo'ony ets ojts tmënëjkxy winë mëti'ipë ja tyeety të tyukë'ëtëkëtyën. Ko jam jyä'äjty ma ja tsiptuunpë y'ijta'aktën, tam ënety tyimtsoontë ja tsiptuunpëtëjk, janty jëtu'un yaxnëtë jyojknëtë.

1 Samuel 17:52

Ënet ja tsiptuunpëtëjkëty mëti'ipë Israel ja'ayëtyën ets mëti'ipë Judá tso'ontëpën tyëjkëtyë yaxpë jojkpë ets tni'ënä'ämëtë ja tsip, tpatso'ontaaytyë ja myëtsip, tpaja'ajtë jampaat ma ja Gad ja y'itjot yajtuktëkën ets ma yajnitëkën ja kajpn mëti'ipë yajtijpën Ecrón. Tu'ktu'u aakyë'ë filistejë ja'ayëty yaj'ijxnëtë kujy jëpipy jëtu'un Saaraim ets yjä'ty Gad ets Ecrón.

1 Samuel 4:5

Ënet ko jam jyä'äjty ja Wintsën ja kyaaxë mëti'ipë ja käjpxtyu'unën myë'ijtypyën, ja Israel ja'ayëty ënät tyëjkëtyë yaxpë jojkpë ets janty mëk ja naax tsyëyuuypyijky.