Josue 6:21 - Biblia Dc en Mixe de Quetzaltepec

²¹ Yaj'o'ktaaytyë ja ye'etyëjk, to'oxytyëjk, mëjja'ay, mutskja'ay, jëyujk, tsajpkaa, yë tsajppax ets kupixyny. Wa'ats winë tyajkutëkooytyääytyë.

Biblia Mixe de Quetzaltepec

²¹ Yaj'o'ktaaytyë ja ye'etyëjk, to'oxytyëjk, mëjja'ay, mutskja'ay, jëyujk, tsajpkaa, yë tsajppax ets kupixyny. Wa'ats winë tyajkutëkooytyääytyë.

Josue 6:21 ပူးပေါင်းရင်းမြစ်များ

1 Reyes 20:42

Ënet ja käjpxynyajxpë y'ënëmaayë: Jëtu'un yë Wintsën y'ënä'äny: Mëët ko të xyajke'eky ja ja'ay mëti'ipë ënety ja Wintsën të tuknipëjktaakën ets y'ookëty, yë mjuukyajtën yë'ë ënät mëët xykyëpätëty ja pyoky ets mnaax mkajpn yë pyoky.

Jeremias 48:18

Mijts Dibón kajpn, jënak ma myajkutukyën ets mnaaxwäätsëty naaxkëjxy, jä'ä ko mëti'ipë Moab kajpn yajkutëkoyanëpën tää mmëwinkonyë, tëë tyajkutëkooytyä'äy ja mnaax mkajpn mëti'ipë ënety ta'tspëky yajpatëpën.

Deuteronomio 13:16

Tëkokyë ja wyitëty myeenyëty kajpn itkujky nëjkx xynyipëjkpäjtaayëtë. Ets xyjyëën'ixkonëtëty tu'ukyë mëët ja naax kajpn ets tëkokyë jënu'un jam winë yajpaatyën. Ets pën tëë ënety ja mmëtsiptëjkëty winë xypyëjkëtë, yajnitooytya'atë ets jëtu'un jam nyaxëty Wintsën wyintum tä jeexyë winë yë'ë yajtukwino'oky yajtukwinxämyën. Tääpë naax kajpn jëtu'un nëjkx wyi'imy xëmëkyëjxm ajit tukjitë ets ni pën nëjkx tka'ëkkoj'o'oyënë.

Deuteronomio 2:34

Tëkokyë yë nyaax kyajpn ojts nyajkutëkooytya'atës, wa'ats nyaj'o'ktaaytyës, ye'etyëjk to'oxytyëjkëty, mëjja'ay mutskja'ay. Ni pën ojts juuky nkayajwë'ëmtës.

Deuteronomio 7:16

E miitsëty tii tëy mtuntëp, myajkutëkooytya'atëp ja naax kajpn mëti'ipë ënety ja Dios kyë'ëyäjkpyën ma miitsëtyën, ninu'un xykyapa'ëyowtëty ets këtii yë wyintsën xy'ëwtajtëtëty, jä'ä ko yë'ë nëkoo je'eyë nëjkx myajtu'utëkoyëtë.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënety jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënety jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Josue 10:39

Ojts tkupuxtë ja yajkutujkpë mëti'ipë ënety jam ënä'ämpën ets ja ja'ayëty mëti'ipë jam tsënaaytyëpën, yë'ëpaat ja kajpn tyajtëkooytyë mëti'ipë mëwinkon'ajtëpën. Ma Debir kajpnën ka'ap ojts ni pën juuky wyi'imy, wa'ats ja ja'ayëty y'o'ktaaytyë, jëtu'un tä jam jyä'äjty ma Hebrón kajpnën ets Libná mëët ja yajkutujkpëtëjk.

Josue 11:11

ojts tyaj'o'kta'atë ja ja'ayëty jampë tsyëënëtën, wa'ats winë tyajkutëkooytyääytyë ets tyajtooytyë ja kajpn.

Josue 11:14

Ojts tkupujxta'atë ja ja'ayëty jampë tsyëënëtën, nitu'uk tkayajwë'ëmtë. Yë'ë ojts tjä'ä'ajta'atë ja jëyujk tsajpkaa ets winëjaty jampë yajpaatyën kajpnjotm.

Josue 8:2

Yë Aí kajpn mëët ja nyiyajkutujkpë mëti'ipë jam ënä'ämpën, jëtu'un nëjkx xyajjaty xyajkëpety tä xytyuunyën yë Jericó. Je'eyëp ko ja mëti'ipë ënety mtukyajni'o'ktutëpën ja mëtsipëty, jyëkyäpëp miits xyjyä'ä'atëty. Tuknipëjktaakë ets tääpë kajpn ajotkumonë jëxkë'ptsow xynyitëkëty.

Josue 8:22

Mëti'ipë ënety ja kajpn të tjëën'ixkonëtën, ojts jam tsyoontë ets tnimiintë mëti'ipë ja Israel ja'ayëty të pyapo'ojëtën. Jëtu'un'äämpy ojts wyë'ëmtë itkujky ja Aí ja'ayëty ets tëkokyë tyaj'o'ktaaytyë.

Josue 9:3

E ja Heve ja'ayëty mëti'ipë tsënaaytyëpën Gabaón ojts tnijawëtë wi'ix ënety të y'ëti'ityën ja Josué jam Jericó ets Aí.

Apocalipsis 18:21

Ënet tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

1 Samuel 15:8

Ojts tmatsy ja Agag mëti'ipë ënety jam ënä'ämpën ets ojts tyaj'o'kta'ay ja Agag ja tsyiptuunpëtëjk.