Josue 6:18 - Biblia Dc en Mixe de Quetzaltepec

¹⁸ E miitsëty këtii nitii xytyontëty mëti'ipë yë Wintsën të tyajkutukyën kyutëkoyëty, jä'ä ko tii xytyoontëpëty tsojk naax kajpn ëxëëk jyatëty kyëpätëty ets nëjkx pokymyëët wyi'imy.

Biblia Mixe de Quetzaltepec

¹⁸ E miitsëty këtii nitii xytyontëty mëti'ipë yë Wintsën të tyajkutukyën kyutëkoyëty, jä'ä ko tii xytyoontëpëty tsojk naax kajpn ëxëëk jyatëty kyëpätëty ets nëjkx pokymyëët wyi'imy.

Josue 6:18 ပူးပေါင်းရင်းမြစ်များ

1 Juan 5:21

U'unk ëna'këty, näy'ijx'it näkyëwent'atëtë, këtiipë yë'ë xy'ëwtatëty mëti'ipë ka'ap Tyiosëtyën.

Efesios 5:11

Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënety yë Dios të tni'ënä'ämën ets kyutëkoyëty, e mëët ko ojts toonpë mëti'ipë ënety ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Josue 7:25

Ënet ja Josué t'ënëmaay: ¿Tii ko jëtu'unpë ëyo'on jotmay të xyajminy ma ja naax kajpnën? Tyam wä'än yë Wintsën yë'ë ëxëëk mtunyë, jëtu'un tä ëëts miits të xyajjat të xyajkëpätën. Ko jëtu'un kyajpxtaay ja Josué, ënät nitu'kë'ëyë ja ja'ayëty ojts pyëtë'kta'atë ets tyaj'o'ktë ja Acán kuka'atsy, ko y'o'këtäky ja nyini'kx ojts tnino'këtë.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.

Romanos 12:9

Nätsyokëtë nixim niyam winë aaw winëjot. Ixmatstë mëti'ipë ka'ap y'oyëtyën ets tuntë mëti'ipë oyën.

Jonás 1:12

Kujëpijpëtëkës nëëjoty ets juukymyejy y'ëtëtsmonëty, jëtu'un yë Jonás y'ëtsooy. Ëjts wa'atsës nijawë koos pokymyëët, paaty ya'atë mëktuupoj të myiny ma ëëtsajtëmën.

Eclesiastés 9:18

Ni'ik tsyowpaaty yë ixpëkyajtën këtiinëm yë pujxn mëti'ipë ja'ay myëtsiptuunpyën. Ko tii oy tkatuny mëj këjää ëyo'on jotmay y'ity.

2 Samuel 21:1

Ma ja David ënety y'ëne'emyën, ojts jam yë yuu xëëw y'ity tëkëëk jëmëjt. Ënet yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

Deuteronomio 7:26

E paaty yam myajtuk'ëwaanëtë ko këtii jëtu'unpë xymyënëjkxtëty ma mjëën mtëjkëtyën mëti'ipë Wintsën y'ëxëëk'ijxypyën, këtiipë näjyëtu'un m'o'ktëpëty. Jä'ä ko mëti'ipë ënety yë Wintsën të tuknipëjktaakën ets kyutëkoyëty kopkpëky ko kyutëkoyëty, jä'ä ko yë'ë mëti'ipë ënety yë Wintsën y'ëxëëk'ijxypyën.

Josue 7:15

E mëti'ipë ënety yajpatpën pokymyëët, ko të tyu'utsy mëti'ipë Dios të tuknipëjktaakën ets kyutëkoyëty, nino'oky nëjkx y'ooky jëtu'unpë ja ja'ay mëët tëkokyë jënu'un ënety winë tmëët'atyën ets ja y'u'unk y'ëna'k, mëët ko ënety të tuny mëti'ipë ka'ap tyuunëtyën ets ko ja poky të tmëtëkë ma Israel kajpnën ko të tkumëtoownaxy ja Wintsën ja kyäjpxytyu'unën.

Deuteronomio 13:17

Nitii xykyamëwë'ëmtëty, mëti'ipë ënety yë Wintsën të tuknipëjktaakën kyutëkoyëty ets jëtu'un nëjkx ka'ap mtukjoot'anpëkëtë. Ni'ikyë nëjkx mpa'ëyow mnajts'ëyowëtë ets nëjkxëp myajmëj myajmayëtë jëtu'un tä ojts tukwinwanën ja m'ap m'okëty.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

Deuteronomio 23:10

Pën yë ye'etyëjk të tyukjënäkyë yë myëjaaw ets tëë nyäyaj'ëxëëkëty koots. Ënätyë tsyoonëty ma ja ja'ajtakn jam xymyëët'atën ets tu'kxëëw muum jëkäm y'itëty. Tsuunëm jam jatëkok wyimpitëty.

1 Samuel 15:9

E ja Saúl mëët ja tsyiptuunpëtëjk kajts tyaj'o'ktë ja Agag ets näy ka'ap tyaj'o'ktë ja oyjyätypë ja kupixyny ets ja tsajpkaajëty. Yi'iyë yajkutëkooytyë ka'apë ënety nëkooyë tsyoowpaatyën ets ka'apë mëk tyunyën.