Josue 6:17 - Biblia Dc en Mixe de Quetzaltepec

¹⁷ Ja kajpn ets tëkokyë jënu'un winë yajpaatyën ma yë'ëjën nëjkxëp kyutëkooytyä'äy, jä'ä ko yë Wintsën tëë tni'ënä'ämë ets tëë kë'ëm ëpëky timpyëjktä'äky. Yi'iyë nëjkx wyi'imy yë Rahab mëti'ipë jyot nyini'kx tyo'kpyën, mëët yë jyiiky myëku'uk tyaak tyeety ets tëkokyë jënu'un jap yajpaatën ma tyëjkën, jä'ä ko ojts tyu'utsy ja mëti'ipë ojts jam ja kajpn t'ixtën tuntën, mëti'ipë yajkäjxtën.

Biblia Mixe de Quetzaltepec

¹⁷ Ja kajpn ets tëkokyë jënu'un winë yajpaatyën ma yë'ëjën nëjkxëp kyutëkooytyä'äy, jä'ä ko yë Wintsën tëë tni'ënä'ämë ets tëë kë'ëm ëpëky timpyëjktä'äky. Yi'iyë nëjkx wyi'imy yë Rahab mëti'ipë jyot nyini'kx tyo'kpyën, mëët yë jyiiky myëku'uk tyaak tyeety ets tëkokyë jënu'un jap yajpaatën ma tyëjkën, jä'ä ko ojts tyu'utsy ja mëti'ipë ojts jam ja kajpn t'ixtën tuntën, mëti'ipë yajkäjxtën.

Josue 6:17 ပူးပေါင်းရင်းမြစ်များ

Génesis 12:3

Nkënu'kxäämpyës mëti'ipë ënety mkënu'kxëpën, npokäämpyës mëti'ipë ënety mpojkëp mijts kyëjxmën; mëët mijtskyëjxm nkënu'kxta'ajäämpyës yë ja'ay naaxwiinyëtë apëtsëmy.

Esdras 10:8

Ets ojts tkäjpxy'atë ko pën ka'ap t'aminë ja ye'eymyujkën, yajpëjkëp ja tsyënaaytyakn ets yaj'ëxwopëp ma ja naax kajpnën mëti'ipë ënety të tjapaatyën jatëkok.

Isaías 34:6

Nëjkxëp ja Wintsën ja tyiypyujxn nye'pynyëtyä'äy ets y'onku'tsta'ay jëtu'un ijxtëm ko ja'ay tyaj'ookyën yë kupixyny ayääkë ets tsajppax ayääkë ma y'o'ktaknën. Mëj këjää ja Wintsën ja o'kën tëko'oyën tyaj'ita'any jam Bosrá ets jam Edom.

Jeremias 46:10

Ya'atë xëëw jëtu'un xyëëwajtyp, Wintsën mëti'ipë maaytyääyëpën winë, ya'atë xëëw tuunwinpita'any ijxtëm yë myëtsip të tyunyën. May yë ja'ay kupuxy y'ooka'any koonëm kyu'uxëtëty, koonëm myu'ukëtëty. Yë Wintsën mëti'ipë maaytyääyëpën winë, yaj'ookäämpy yë ja'ay.

Ezequiel 39:17

Ojtsës yë Wintsën näjyëtu'un xy'ënëëmë: Ënëmaaytya'a yë joonëty ets kaa jëyujkëty wä'än tu'ukmuktë na'ëwtityë ma Israel yë kyopkën ets t'ixtëty wi'ix ja o'kën tëko'oyën nyaj'ita'anyës. Jyëkyäpëp tsu'utstëty tjë'kxtëty ja tsu'utsy ets t'uuktëty ja ne'pny;

Miqueas 4:13

Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

1 Corintios 2:7

Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

Gálatas 3:12

Ja ënä'ämën ka'ap yë'ëjëty ja mëpëjkën mëët tyuny, jä'ä ko y'ënä'äny: Pën ja ënä'ämën pyatuumpy, yë'ë yajjuuky'atëtëp.

Deuteronomio 20:17

Nëjkxëp ëpëky xypyëjkta'aktë ets ja Wintsën jä'ä xytyukwintsë'ëkëtëty, tä yë Hit ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty, jëtu'un ijxtëm ja Wintsën të ni'ënä'ämën, nëjkxëp xyajkutëkooytya'atë.

Hebreos 11:31

Ets ko myëpëjky ja ku'into'oxy Rahab ka'ap ojts y'ooky mëët mëti'ipë ja Dios kyamëmëtoowtëpën, jä'ä ko tëë ënety oy tsuj tyajjajtä'äky mëti'ipë ja Israel ja'ay kyäjxtën ijxpë tuunpë.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

Santiago 2:25

Näyjyëtu'un tyuunë jyajtë mëët ja ku'into'oxy Rahab; ojts ja Dios wa'ats yajnaxyë ko oy winë tuuny; jä'ä ko ojts tyajja'ajtä'äky ja yajkäjpxye'epyë ets wiink tu'u tukni''ijxëy ma ja myëtsip ka'ap pyaatëtëtyën.

Josue 2:1

Jam ënety yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënet ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.

Josue 2:22

Ja nimäjtskpë ja ja'ayëty mëti'ipë ënety të yajkäxtën ijxpë tuunpë jamtsow ojts nyëjkxtë kopkjotm ets jam nyäyu'tsëtë tëkëëk xëëw, tyam ja tsiptuunpëtëjkëty wiinktsow tyäty'ixtaayëtëpë, nikä'äpyëm pyatëtë. Ënet tyimwinpijnëtë jatëkok kajpntum jam Jericó.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënety yë Dios të tni'ënä'ämën ets kyutëkoyëty, e mëët ko ojts toonpë mëti'ipë ënety ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

1 Samuel 15:6

Ets t'ënëmaay ja quenitëja'ayëty: Näjyëpëkëtë miitsëty. Pëtsëmtë jam ma Amalec ja'ayëtyën, këtiipë mëët tu'ukyë m'a'okmuktëty. Jä'ä ko miitsëty oy ojts yë mjot mwinma'any xyajkëxë'ëktë mëët yë Israel ja'ayëty ko jap tsyo'ontë Egiptë. Jëtu'un yë quenitëja'ayëty jyänty tsyo'ontaaytyë jam ma Amalec ja'ayëtyën.