Josue 5:9 - Biblia Dc en Mixe de Quetzaltepec

⁹ Ënet yë Josué y'ënëmaayë Dios: Mëët ya'atë nätsyukë yë'ëjës mëët të njëpëky ja tsëtyu'un ma Egiptë ja'ayëtyën. E paatykyëjxm tampë it naaxwiinyëtë yajtijy Guilgal.

Biblia Mixe de Quetzaltepec

⁹ Ënät yë Josué y'ënëmaayë Tios: Mëët ya'atë nätsyukë yë'ëjës mëët të njëpëky ja tsëtyu'un ma Egiptë ja'ayëtyën. E paatykyëjxm tampë it naaxwiinyëtë yajtijy Guilgal.

Josue 5:9 ပူးပေါင်းရင်းမြစ်များ

Génesis 34:14

tä t'ënëmaaytyë: Ka'ap tjëkyäp ëëtsëty nmo'otëty yë n'utyëtyës tu'uk ja ye'etyëjk mëti'ipë ka'ap ja ye'etyëjkajtën nyatsujk'ëwtityëtyën, jä'ä ko tsëtyu'unmëët ëjts nëjkx nwë'ëmtë.

2 Samuel 19:15

Tä ja yajkutujkpë jam tsyo'ony, mëët tëkokyë ja jyä'äy ets jam jyajtë ma ja Jordán mëjnëëjën. E ja Judá ja'ayëty jam ojts nyëjkxtë Guilgal ets ja David tputëkëja'antë ma jam tuknaxa'anyën ja mëjnëë.

Nehemías 12:29

miintaaytyë ja ja'ayëty mëti'ipë jam tso'ontëpën Guilgal, näjyëtu'un ma ja y'itjotmën ja Gueba ets Azmávet; jä'ä ko may ënety ja ëëpëtëjkëty jam të tsyënaaytyaknpëktë ma Jerusalén ja pya'ajën.

Salmos 119:39

Jëpëk ja näy'ojë mëti'ipës ntsë'këpën, jä'ä ko mijts yë m'ënä'ämën oyëty kyäjpxy.

Jeremias 9:25

Jëtu'un yë Wintsën y'ënä'äny: Pyätyp ja xëëw jëmëjt maas ja naax kajpn ntëytyuna'anyën mëti'ipë ja ye'etyëjkajtën të tnatsujk'ëwtitën ets ja nyi'ak të tyajjënaktë,

Ezequiel 23:3

Tääpë nimäjtskpë to'oxytyëjkëty ëna'k'ajtëp ënety ko ojts tpatso'onta'aktë kujenytyuunk, xim yam ja ye'etyëjk tmëët'atë; ko jap Egiptë y'ijtë ka'ap wi'ix y'ënantë ko yajtsi'tskpäntë, jëtu'un'äämpy ojts tyajtëkoytyë ja y'akiixy'ajtënëty.

Ezequiel 23:8

Jëtu'un jap tyimtso'ontäky Egiptë ja jyot nyini'kx tmo'oy oypyënëty ets ka'ap jëtu'unpë tuunk t'ëxmajtsy. Ma y'ëna'k'ajtyën may ja ye'etyëjk ojts myëëtko'knëty ets tyajtëkooy ja y'akiixyajtën ets y'awinpijty to'oxykyujeny.

Oseas 4:15

Pën mijts Israel mto'kpy myäjkpy yë mjot mnini'kx, yë Judá ka'ap mëpaat pyokytyuny. Këtii jam mnëjkxtëty Guilgal, këtii jam mpa'tëkëtëty Bet-avén ets këtii nëkoo je'eyë kajpxpäjn xywya'antëty yë Wintsën.

Amós 5:5

Këtii jam Betel ets Guilgal mnëjkxtë ets këtii jam Beerseba mtimnyaxtëty, jä'ä ko yë Guilgal ja'ayëty tsumy matsy yajmënëjkxa'antë wiink naax wiink kajpn ets Betel axit ako'owë jyajta'aja'any.

Miqueas 6:5

Nnaax nkajpnës, ja'amyäts wi'ix ojts yë Balac tjatuknipëjktaakën, jampë yajkutukyën Moab ets wi'ix y'ëtsoowinpijtyën ja Balaam, Beor yë myaank. Ja'amyäts ko mnajxy jam Sitim ets mja'ajty Guilgal, mëjpëjkta'ak wi'ix ojts yë Wintsën myëtä'äkyën tsipjotm.

Sofonías 2:8

Jëtu'un yë Wintsën të y'ënä'äny mëti'ipë maaytyääyëpën winë, mëti'ipë Tyios'ajtypyën yë Israel ja'ay: Tëës nmëtoy wi'ix yë Moab ja'ayëty nyëxi'ik tyukxi'iktën ets wi'ix yë Amón ja'ayëty ëxëëkjaty kyajpxtën. Yë'ëjëty tëëjës yë nnaax nkajpn t'ojtë tya'axtë ets të tpëjkëtë nyaax kyam. Ëjts jëtu'unës yam n'ëna'any ets njuukyajtënës ntukajpxpejtyp ko yë Moab ja'ayëty jëtu'un jyata'antë tä yë Sodomë kajpnën ets Amón ja'ayëty tä yë Gomorra kajpnën; äpny nëjkx jam yoontä'äky ets kaanjoty y'awinpitëty, ni pën jam kyatsëënëty, tukwa'ats nëjkx y'awinpity. Yë nnaax nkajpnës yë'ë nëjkx myä'tsta'ajëtë ets jatëkok tpaatëty yë nyaax kyajpn.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

Josue 4:19

Yë Israel ja'ayëty jä'ä jam tsyo'ontë Jordán, ma myajk'anyën ja mëtu'kpo'opë, mëti'ipë tso'ontakpën jëmëjt'ëjxy ets jam jyajtë Guilgal ma tsyënaaytyaknpëjktën, winkon mëët yë Jericó wyi'imy.

Josue 5:8

Ko ojts yajtsujkta'atë ojts t'ëmaay'atë kanaak xëëw koonëm yajxon tsyoktaaytyë.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 7:16

Winjëmëjt ijty nyijkxy jam Betel, Guilgal ets Mizpá, tääts ja amay jotmay tnipaye'ey mëti'ipë ja Israel ja'ayëty myëët'ajtëpën.