Josue 5:1 - Biblia Dc en Mixe de Quetzaltepec

¹ Tëkokyë yë yajkutujkpëtëjk mëti'ipë ënety jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënety ja Dios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.

Biblia Mixe de Quetzaltepec

¹ Tëkokyë yë yajkutujkpëtëjk mëti'ipë ënäty jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënäty ja Tios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.

Josue 5:1 ပူးပေါင်းရင်းမြစ်များ

Génesis 12:6

Abram ojts tuknajxta'ay tääpë it naaxwiinyëtën ets jyä'äjty ma jam ja itjot txëëwatyën Siquem, ma ënety jam tu'uk ja xoj kepyën kënu'kxypyë mëti'ipë jyä'ä'ajtypyën yë Moré. Yë Canaán ja'ayëty jamnëm ënety tsyëënëtë ma ja jampë ja it naaxwiinyëtën.

Génesis 48:22

Mijts ni'ik winë të nmo'oy këtiinëm jyëtu'unëty yë mmëkä'äxtëjk, mijts yam nmoopy yë nyaax kyajpnëty ma txëëwatyën Siquem, mëti'ipës ojts mpëjkëtën yë Amor ja'ayëty, koos mëët ntsiptuuny.

2 Samuel 21:2

Ënet ja David tyaxtsooy ja Gabaón ja'ayëty ets mëët myëtyäky. Yë Gabaón ja'ayëty ka'ap y'israel ja'ay'atë, yë'ë Amor y'u'unk y'ok mëti'ipë ojts wyë'ëmtën juuky; ojts mëët yë käjpxytyu'unën tuntë yë Israel ja'ayëty. E ko yë Saúl tyëjkëy yajkutujkpë, mëët ko ënety yi'iyë tsyojkpy yë Israel ja'ayëty ets jam y'itëty, paaty tjayaj'o'kta'ajany ja Gabaón ja'ayëty.

1 Reyes 10:5

Ets t'ijxtaay ja kyä'äyën y'ukën, ja jyëën tyëjk maajaty ja tyuunpëtëjk y'ityën, ja wyit tyujkxy, ja tyuunpëtëjk, wä'än yë'ëjëty mëti'ipë tojkx apëjkëtyëpën uuky apëjkëtyëpën ets wi'ix ja wintsë'kën tyäkyën mëjwiin këjää ma Wintsënën mëj'äämpy ojts t'ixy.

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

Salmos 135:11

Ja Sihón, mëti'ipë ënety ënä'ämpën ma Amor ja'ayëtyën; ja Og, mëti'ipë ënety ënä'ämpën jam Basán ets tëkokyë ja yajkutujkpëtëjk mëti'ipë ënety jam ënä'ämtëpën Canaán.

Éxodo 23:28

Ëjts nyajkutukäämpyës ets ëyo'on jotmay jam mëj këjää y'itëty ma Heve ja'ayëtyën, Hit ja'ayëtyën ets Canaán ja'ayëtyën; tääpë ëyo'on yë'ë nëjkx yajkä'äkëtë.

Isaías 41:5

Ja naax kajpn mëti'ipë yajpatëpën mejypyë'aay, ojts t'ixtë ets tsyë'ëkëtë; yu'kxtaay ja naaxwiinyëtë oy tyimmaajëty. Tää ja wyinkontë, tää ja myintë.

Ezequiel 16:3

Jëtu'un xy'ënëëmëty: Jëtu'un yë Wintsën y'ënä'äny: Mijts Jerusalén ja'ayëty, Canaán ja'ay miitsëty; yë mteety Amor ja'ay ijty ets mtaak Hit ja'ay.

Ezequiel 21:7

Ko pën myajtëwëtëty tii ko myä'äxy, jëtu'un xy'ënëëmëty jä'ä ko të xynyijawë ko tää ja ëyo'on jotmay myiny kyëtä'äky, ënät nëjkx ja ja'ay tyëkëtë moonpë tujkpë ets nëjkx jëtu'unyë ja kyë'ë y'aaw tim nyajtstë'ëyëtya'atë; ni pën nëjkx jotmëk kyanäjyawëty, tu'ukyë jyänty tsyë'këtya'atëty. Tyimpatyp ja xëëw jëmëjt ma ja ëyo'on tyuna'any jyata'anyën. Ëjts Wintsën, ëjts ënaanp.

Daniel 5:6

ënät tsyuxkëtyääy ets ja tsë'ëkë tyuktëjkëyë ets tyëjkëy tsëyuupë tu'kkuuytyänë.

Amós 2:9

Ëjts, ojtsës yë Amor ja'ayëty nyajkutëkoy ets miits mnaxtëty; oy ënety jëtu'un jyakëjxm'atë tä yë ajë kepyën ets tä yë piitskepyën kepyën.

Josue 17:12

Ja Manasés ja jyä'äyëty ka'ap ojts myäyëtë tniwa'aktëty ya'atë kajpn kanaakpëkpyë, jä'ä ko ja Canaán ja'ayëty mëk ojts nyäpyëjkta'akëtë, paatykyëjxm ojts jam wyë'ëmtë.

Josue 17:18

Tëkokyë jënu'un xy'ixtën tääpë yuk'it miits nëjkx xyjyä'ä'atë ets ja aay kepy jampë yajpaatën, miits nëjkx xytyuk'oy'atë. E ja Canaán ja'ayëty nëjkxëp xy'ijxwojpta'atë oy ënety xyjya'ixtë ja pyujxnwintëkäämpë mëti'ipë myëtsiptuuntëpën.

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.

Josue 3:17

Tëkokyë ja Israel ja'ayëty ojts tuknajxta'atë ja nëë të'ëts wa'ats, koonëm ja ja'ay nyajxtaaytyë; ja teetytyëjkëty jap nëëjoty tmëëtënaaytyë ja kaaxë mëti'ipë ja käjpxytyu'unën myë'ijtypyën.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Jueces 1:1

Ko ja Josué y'o'ky, ënät ojts yë Wintsën tyajtëwtë, pën jëyëjp nyitëkëp ja Canaán ja'ayëty.

Jueces 11:23

¿E tyam mijts ënät xypyëjkëjantëpës ja naaxwiinyëtë mëti'ipë yë Amor ja'ayëty ojts yë Dios pyëjkxëtën etsës të xymyo'otësë?

Jueces 3:3

Ojts wyë'ëmtë ja nimëkoxkpë ja filistejë ja'ayëty ja kajpnëty, ma ënety tsyëënëtën ja Canaán ja'ayëty, sitonyë ja'ayëty ets Heve ja'ayëty, jampë tsyëënëtën Líbano kopkjotm, tso'ontä'äky jam ma ja kopkjot yajtijyën Baal-hermón ets jyä'ty ma yajtuknaxyën yë Hamat itjotm.

Jueces 4:2

Paaty ojts yë Dios tyukjoot'anpëkëtë ets y'ëxmajtsëtë. Ënet yë Jabín myiiny ets yë'ë yajnëjkxëtë, jam ënety y'ëne'emy Canaán ets jam ja kyutujktakn Hazor. Ja tsyiptuunpë wintsën jä'ä ijty txëëwëty Sísara, jam tsyënaay Haróset-goim

1 Samuel 25:37

Komjëpom ma ënety të wyijnën ja Nabal, tä ojts ja Abigail tukmëmëtyä'äky ja nyiye'etyëjk mëti'ipë ënety të tyuny të jyätyën. Ko jëtu'un ja Nabal tmëtooy, jëtu'unyë ojts kyumuuk'ëwtityë ets kujkwä'kxy tyimxujxtaay ja nyini'kx.