Josue 4:5 - Biblia Dc en Mixe de Quetzaltepec

⁵ tä t'ënëmaay: Tëkëtë jam nëë'itkujkm ma ja teetytyëjk tkëëy'itën ja kaaxë, mëti'ipë myë'ijtypyën yë käjpxytyu'unën ets xyjyuutëty jap nëëjoty këëktu'uk yë tsaa, jä'ä wyinë'atëty majkmäjtsk.

Biblia Mixe de Quetzaltepec

⁵ tä t'ënëmaay: Tëkëtë jam nëë'itkujkm ma ja teetytyëjk tkëëy'itën ja kaaxë, mëti'ipë myë'ijtypyën yë käjpxytyu'unën ets xyjyuutëty jap nëëjoty këëktu'uk yë tsaa, jä'ä wyinë'atëty majkmäjtsk.

Josue 4:5 ပူးပေါင်းရင်းမြစ်များ

Génesis 31:46

Tääts t'ënëmaay ja jyiiky myëku'uk: Koonmujkta'atë tsaa mëjpë mutskpë. Tääts jam nyaaxwä'tstaaytyë jënu'un jam yajpaatën ets tyëjkëtyë kääpyë ukpë jam winkon ma jam ja may tyaa të tnikoompätën.

Éxodo 24:4

Yë Moisés ojts tjaaypyäjta'ay tëkokyë mëti'ipë ënety ja Dios të tnikäjpxyën, ko kyomjëpom'ajty, tsojk ojts myä'äypyëtë'kojy ets t'oytyuuny tu'uk yë wintsë'këntyakn jam ma kopk'ëjxën, majkmäjtsk ojts ja tsaa tkoontä'äky jëtu'un ijxtëm ënety ja Israel ja'ayëty ja tyeety y'apetyën nimajkmäjtskpë.

Deuteronomio 27:2

Ko ënety jam të mja'ajnëtë ma ja Jordán mëjnëëjën ets ënety të xypyatnëtë ja naax kam mëti'ipë ja mWintsën Tiosëty mo'ojanëtëpën, nëjkxëp yë tsaa jam kanaak xytyajëtë ets xytyukwinkoytyëty yë jaam, jëtu'unts poop kyëxë'ëkëty.

Deuteronomio 9:1

Mëtoow'itë tyam miitsëty Israel ja'ayëty, tëë jëtu'un ja xëëw jëmëjt tpaaty ets xytyuknaxtëty ja mëjnëë mëti'ipë yajtijpën Jordán; niwa'kta'atë ja naax kajpn mëti'ipë mëjjëtyën këjääjëtyën këtiinëm miitsëty, mëti'ipë ja kyajpnëty këjxmëty ets mäjpxyëty nyapotsyëtyën.

Josue 22:10

Ko ja Rubén, ja Gad ets nikujkwä'kxy ja Manasés ja jyä'äy jam jyajtë ma ja Jordán mëjnëëjën, Canaán y'itjotm; ënät ojts jam tyajpëtë'ëktë tu'uk yë wintsë'këntyakn.

Josue 4:4

Ënet ja Josué twin'ijxy ja ja'ay nimajkmäjtsk ets twoowmujky,

Josue 4:6

Yë'ë nëjkx jëna'a xytyukja'amyätstë ko tyam xytyuknaxtë ya'atë mëjnëë ets ko ënety jëna'a ja m'u'unk m'ëna'k myajtëwëtë: ¿Ya'atë tsaa nipiiwpetypë y'ityën tiijën jyanikäjpxyp?