Josue 4:19 - Biblia Dc en Mixe de Quetzaltepec

¹⁹ Yë Israel ja'ayëty jä'ä jam tsyo'ontë Jordán, ma myajk'anyën ja mëtu'kpo'opë, mëti'ipë tso'ontakpën jëmëjt'ëjxy ets jam jyajtë Guilgal ma tsyënaaytyaknpëjktën, winkon mëët yë Jericó wyi'imy.

Biblia Mixe de Quetzaltepec

¹⁹ Yë Israel ja'ayëty jä'ä jam tsyo'ontë Jordán, ma myajk'anyën ja mëtu'kpo'opë, mëti'ipë tso'ontakpën jëmëjt'ëjxy ets jam jyajtë Guilgal ma tsyënaaytyaknpëjktën, winkon mëët yë Jericó wyi'imy.

Josue 4:19 ပူးပေါင်းရင်းမြစ်များ

Josue 5:9

Ënet yë Josué y'ënëmaayë Dios: Mëët ya'atë nätsyukë yë'ëjës mëët të njëpëky ja tsëtyu'un ma Egiptë ja'ayëtyën. E paatykyëjxm tampë it naaxwiinyëtë yajtijy Guilgal.

Miqueas 6:5

Nnaax nkajpnës, ja'amyäts wi'ix ojts yë Balac tjatuknipëjktaakën, jampë yajkutukyën Moab ets wi'ix y'ëtsoowinpijtyën ja Balaam, Beor yë myaank. Ja'amyäts ko mnajxy jam Sitim ets mja'ajty Guilgal, mëjpëjkta'ak wi'ix ojts yë Wintsën myëtä'äkyën tsipjotm.

Amós 5:5

Këtii jam Betel ets Guilgal mnëjkxtë ets këtii jam Beerseba mtimnyaxtëty, jä'ä ko yë Guilgal ja'ayëty tsumy matsy yajmënëjkxa'antë wiink naax wiink kajpn ets Betel axit ako'owë jyajta'aja'any.

Amós 4:4

Nëjkxtë jam Betel ets jam Guilgal; tuuntëkoy kajpxtëkoytyë; yajnipätë mpokyëty ets käjpxy kumëtoownaxtë. Jopyëp mënëjkxtë mwintsë'kënëty ets wintëkëëk xëëw xyaktëty ja tu'ukpë xypyupëktën ma ja majk pëkpyën.

1 Samuel 15:33

E ja Samuel tyaa y'ënäny: Mëët yë mtëypyujxn may yë u'unktaak yë y'u'unk myääy xytyukyajni'o'ktuty. E timjëtu'un tä tääpë u'unktaak jyajtën, nän timjëtu'un tyam yë mtaak jyata'any. Tä ja Samuel t'apujx tukpujxëy ja Agag jam Guilgal, ma ja Wintsënën.

Josue 15:7

Jam tsyoony ma txëëwatyën Acor ets pyäjtë'ëky jam Debir ets jyä'ty jam Guilgal mëti'ipë wintuuytsyow yajpatpën ma ja yä'äp txëëwatyën Adumim, ëpa'tkë'ëmtsow yajpaaty ma ja nëëwokën. Ja tsëpa'an ja wiinkpë jam jyënajkë'ëky ma ja In-semes nëëwookën ets jyä'ty ma txëëwatyën En-roguel.

Josue 10:43

Ko jëtu'un kyijxy nyäjxy, ënät ja Josué ojts wyimpijnë jatëkok jam Guilgal mëët tëkokyë ja Israel ja'ayëty.

Josue 10:6

E ko ja Gabaón ja'ayëty jëtu'un t'ijxtë ënätyë ojts tkäjpxynyikäxtë ja Josué jam Guilgal ma ënety jam yajpaatyën ets t'ënëmaaytyë: Wintsën këtii ëëts jëtu'unyë xynya'ixtë. Min poj'am putëjkëtëkës, tun yë mëyajtën ets niwaantutëkës, tëë yë yajkutujkpëtëjk mëti'ipë Amor ja'ayëtyën tu'ukyë nyäpyëkëtë jampë kopkjotm yajpaatën etsës xynyitëkëja'antë.

Deuteronomio 1:3

Ma tyu'uk'anyën ja majktu'uk po'opë, kom wëxtyikxy jyëmëjt ma ënety ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënety tsyëënën Hesbón ets ma ënety näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënet ja Moisés tuk'ëwa'anëy ja naax kajpn, jëtu'un tä ënety ja Dios të y'ënë'ëmxëtën ets tmooy ja aaw ayuk mëti'ipë mëpaat tpatuntën.

Deuteronomio 11:30

Ya'atë mäjtskpë kopk jam yajpaaty nëë'awinaxy ma Jordán nëëjën, jamtsow yajpaaty anajnytsyow ma Canaán ja'ayëty tsyëënëtën jam joyjyotm. Yë'ë mëët nyäwyinku'ixëty yë Guilgal yë y'itjot, winkon ma ja xojjotmën jampë yajpaatyën Moré.

Josue 4:18

Tim je'eyë ojts pyëtsëmtë ja teetyëty jap nëëjoty ma ja Jordán nëëjën ets wya'ak'o'oyëtyë jam nëëpë'am, ënätyë ojty ja nëë jatëkok nyämyukyë ets pyëyë'ktso'ontë janty kom, jëtu'un tä ënety të y'ëk'ijtpën.

Josue 5:10

Yë Israel ja'ayëty jam ojts tsyënaaytyaknpëktë Guilgal, e ko myajkmajkts'aany ja po'o jää ojts tnixëëwtuntë ja ëmaayxyëëw, ma ja mëj joyën mëti'ipë Jericó kajpn jyä'ä'ajtypyën.

2 Reyes 2:1

Ko ja xëëw tpaty ma ënety ja Wintsën tyajnëjkxanën ja Elías jam tsajpjotm, mëët yë pojxujtyk; ënät ja Elías mëët ja Elisejë jam tsyo'ontë Guilgal.

Josue 9:6

Paaty ko jam jyajtë Guilgal ma ja Josué ets tëkokyë ja Israel ja'ayëty ënety jam të tsyënaaytyaknpëktën, tyaa t'ënëmaaytyë: Jëkäm'it ëëts ntsoontë ets miits yaa nimintë ntsoktës tu'uk ja mëyajtën xytyuntëty ja käjpxytyu'unën mëët ëëtsëty.

Josue 24:11

Tää xytyuknajxtë ja Jordán mëjnëë ets mja'ajtë jam Jericó. Ja ja'ayëty mëti'ipë ënety jam tsënaaytyëpën Jericó, yë Amor ja'ayëty, Ferez ja'ayëty, Canaán ja'ayëty, Hit ja'ayëty, gergeseos ja'ayët, Heve ja'ayëty ets Jebús ja'ayëty ojts näjyëtu'un mnipëtë'ëkëtë e kajts xyajmëtaktë jä'ä koos ojts jëtu'un nyajkutuky.

1 Samuel 10:8

Ets ënät jam mnëjkxëty ok Guilgal, jamts näpyatëmëty ets ja Wintsën ja wyintsë'kën yajmo'ojëty tu'ukmukyë mëti'ipë yajyajkpën, ko ja nay'ëëw'oy näykyajpx'oyë mëët y'ity. Jam m'ëwxitëty oy wëxtujk xëëwën, koonëmës nja'tëty eets ntuk'ëwaanëty tii mtunëpën.