Josue 4:14 - Biblia Dc en Mixe de Quetzaltepec

¹⁴ Jä'ä xëëw ojts yë Dios tyajkutuky ets tëkokyë yë Israel ja'ayëty mëj'äämpy tyajnaxtëty yë Josué ets twinkutsë'ëkëtëty, tä ja Moisés ënety të twinkutsë'ëkëtën ko jyuuky'äjty.

Biblia Mixe de Quetzaltepec

¹⁴ Jä'ä xëëw ojts yë Tios tyajkutuky ets tëkokyë yë Israel ja'ayëty mëj'äämpy tyajnaxtëty yë Josué ets twinkutsë'ëkëtëty, tä ja Moisés ënäty të twinkutsë'ëkëtën ko jyuuky'äjty.

Josue 4:14 ပူးပေါင်းရင်းမြစ်များ

Josue 3:7

Tä ja Josué ojts y'ënë'ëmxëty ja Dios: Mijts ni'ikyë yam mëj'äämpy nyajnaxa'any ma Israel ja'ayëtyën. Jëtu'un tja'akyukëtëty ko yajpatpës näjyëtu'un mëët mijts tääjës mëët të nyajpaatyën yë Moisés.

2 Crónicas 30:12

Wintsën kë'ëm yajkutujk ets ja ja'ay may tja'akyukëtëty ja aaw ayuk mëti'ipë ja yajkutujkpë ets ja kutuunktëjk nyi'ënä'ämëtën, mëti'ipë ja Wintsën ënety të tyuknipëkëtën.

Romanos 13:4

Dios yë'ë të tyuknipëjktaakëtë ets miits jotkujk myajpaattëty. E pën mijts ëxëëk m'ëtë'ëtsy m'ëna'any kopkpëky ko mtsë'ëkëty; jä'ä ko ka'ap ja kutuunktëjk nëkoo ja mëk'ajtën të yajmo'otë, yë'ë ets ja Dios tmëtuntëty ets tëytyuntëty ja ja'ay mëti'ipë ëxëëk ëtëtstëp ënantëpën.

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

Proverbios 24:21

U'unk maay, wiinkutsë'ëkë yë Dios ets yajkutujkpë. Këtii mye'eymyuk mnajxmukëty mëët yë ja'ay mëti'ipë mëtsip'ajtpën;

1 Samuel 12:18

Ënet ojts ja Samuel ja Dios tjanty myëpëjktsoy, e ja Wintsën ënätyë tyaj'ëtëtstäky tyaj'ënaantäky ja poj ënääw ets tyuuy janty kom. Ko jëtu'un ja naax kajpn t'ijxtë ënät ojts ja tsë'ëkë tyuktëjkëtya'ajëtë ma Tiosën ets ma ja Samuelën.

Éxodo 14:31

Ko ja Israel ja'ayëty t'ijxtë ja Dios ja myëj'ajtën mëti'ipë tyuunën ma ja Egiptë ja'ayëtyën, ënät ja Dios tmëjja'awëtyë ets tmooytyë ja näywyinkutsë'kën, tä ojts jam tu'ukyë timpyëjkta'aktë ja wyinma'anyëty ma yë'ëjën ets näjyëtu'un ma ja tyuunpën Moisés.

1 Corintios 10:2

Ko ojts ni'ëmukë ja mayjyä'äy mëët ja Moisés yajpaatë yootsjoty ets tuknajxtë ja Tsaptsmejy; jëtu'un ojts nyäxy ijxtëm jeexyë nyëëpäjtën. Tu'ukyë ja wyinma'any tpëjktaktë ets tuuntë wi'ix ja Moisés y'ënä'änyën.

Josue 4:13

Ja ja'ayëty mëti'ipë tsip'ixyëtyën jä'ä nyimay'ajtë wëxtyikxy mil ets jëjp'ixy tyimyajpaatë mëët ja mëti'ipë myëtsiptuuntëpën oy jëna'a tsyokëtëty. Waatswitsy ye'eytyë Dios wintum ets jamtsow nyëjkxtë ma ja joyjyotën mëti'ipë yë Jericó nyitënääpyën.

Josue 4:15

Ënet ja Wintsën t'ënëmaay yë Josué:

Éxodo 11:3

Yë Dios yë'ë ojts kë'ëm tyajkutuky ets Egiptë ja'ayëty janty'oy tjawëtëty yë Israel ja'ayëty. Näyjyëtu'un ënät ja wintsëntëjkëty, mëti'ipë mëët tyuunmuktën ja mëj'ënä'ämpë, jëtu'un tyajnajxtë ja Moisés tä tu'uk yë ja'ayën, mëti'ipë mëj këjää winë tyuunpy kyäjpxypën.

2 Reyes 2:15

Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënet ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

1 Crónicas 29:25

Yë Wintsën yë'ë ojts kë'ëm tyajkutuky ets ja Salomón mëj'äämpy nyaxëty ma tu'kë'ëyë ja Israel ja'ayëty ja nyaax kyajpnën, akäjpxy ojts y'ity mëjwiin këjää këtiinëm jyëtu'unëty ja wiinkëtypë ja yajkutujkpë mëti'ipë të tyuntën ma ja Israel kajpnën.