Josue 4:13 - Biblia Dc en Mixe de Quetzaltepec

¹³ Ja ja'ayëty mëti'ipë tsip'ixyëtyën jä'ä nyimay'ajtë wëxtyikxy mil ets jëjp'ixy tyimyajpaatë mëët ja mëti'ipë myëtsiptuuntëpën oy jëna'a tsyokëtëty. Waatswitsy ye'eytyë Dios wintum ets jamtsow nyëjkxtë ma ja joyjyotën mëti'ipë yë Jericó nyitënääpyën.

Biblia Mixe de Quetzaltepec

¹³ Ja ja'ayëty mëti'ipë tsip'ixyëtyën jä'ä nyimay'ajtë wëxtyikxy mil ets jëjp'ixy tyimyajpaatë mëët ja mëti'ipë myëtsiptuuntëpën oy jëna'a tsyokëtëty. Waatswitsy ye'eytyë Tios wintum ets jamtsow nyëjkxtë ma ja joyjyotën mëti'ipë yë Jericó nyitënääpyën.

Josue 4:13 ပူးပေါင်းရင်းမြစ်များ

Efesios 6:11

Nekyuwa'anëtë jëtu'un ijxtëm ja tsiptuunpë nyäxyoxëtën ko tsyiptuna'antë. Jëtu'un näkyëwent'atëtë mëët ja mëk'ajtën mëti'ipë Dios të mmo'ojëtën këtiipë ja mëjku'u wyinma'anypyaatëty wi'ix myajpokytyunëtëty.

Jeremias 52:8

E yë tsiptuunpëtëjkëty, yë Caldeo ja'ayëty, ojts tpatsoontë ja Sedequías yajkutujkpë ets tnajtspatëtyë jam joyjotm winkon ma Jericó kajpnën. Ja Sedequías ja tsyiptuunpëtëjk ojts y'ëxmajtstaayënë ets jëtu'unyë kyääkwa'kxtaaytyë.

Jeremias 39:5

E ja caldeo tsiptuunpëtëjkëty ojts y'ixëtë ets pyatso'onëtë. Jam yë Sedequías yajnajtspatëy ma ja joyjyotën mëti'ipë Jericó nyitënääpyën. Ënet yajmajtsy ets ojts yajmënëjkxy ma ja Nabucodonosor yajkutujkpë yajpaatyën jam Riblá, ma Hamat y'itjotmën. Jam yë Nabucodonosor ojts tni'ënä'ämë ets Sedequías yë y'u'unk y'ëna'k yajyo'kpujxta'atëty ets tëkokyë yë jyä'äy mëti'ipë ënety jyiiky'äjtyp myëku'uk'ajtypyën e yë'ë wintuuy ojts y'o'kta'atë.

2 Reyes 25:5

E ja tsiptuunpëtëjkëty, ja Caldeo ja'ayëty ojts tpapo'otë ja yajkutujkpë Sedequías ets jam naspatëtyë ma ja jyoyjotmën ja Jericó. Ja tsyiptuunpë jëtu'unyë nyikäktaayë ja jyä'äy.

Josue 5:10

Yë Israel ja'ayëty jam ojts tsyënaaytyaknpëktë Guilgal, e ko myajkmajkts'aany ja po'o jää ojts tnixëëwtuntë ja ëmaayxyëëw, ma ja mëj joyën mëti'ipë Jericó kajpn jyä'ä'ajtypyën.

Éxodo 13:18

Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Deuteronomio 3:18

Ënet ojts ya'atë ënä'ämën miits nmo'otë jä'ä xëëw jä'ä jëmëjt: Yë Wintsën mëti'ipë mTiosajtëpën, yë'ë ya'atë naax kam mooyëtëp ets xyjyä'ä'atëty. Ko tëkokyë mëti'ipë tsiptuuntëpën, wä'än tpëjkë'ëktë mëti'ipë myëtsiptuuntëpën ets twinye'eytyëty yë myëku'uktëjkëty Israel ja'ayëty.

Josue 4:12

Ojts näjyëtu'un tuknaxtë ja mëjnëë ja ja'ayëty mëti'ipë tsip'ixëtyën, yë Rubén yë jyä'äy, Gad yë jyä'äy ets kujkwä'kxy yë Manasés yë jyä'äy. Tyaapë ja'ayëty jëjp'ixy ënety tyim'itë mëët ja mëti'ipë myëtsiptuuntëpën, xëmë jëjp'am ye'eytyë ma ja myëku'uktëjkëtyën, jëtu'un tä ënety ja Moisés të tni'ënä'ämën ma ënety jyaak juukyëtynyëm.

Josue 4:14

Jä'ä xëëw ojts yë Dios tyajkutuky ets tëkokyë yë Israel ja'ayëty mëj'äämpy tyajnaxtëty yë Josué ets twinkutsë'ëkëtëty, tä ja Moisés ënety të twinkutsë'ëkëtën ko jyuuky'äjty.

Jueces 20:1

Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.