Josue 3:17 - Biblia Dc en Mixe de Quetzaltepec

¹⁷ Tëkokyë ja Israel ja'ayëty ojts tuknajxta'atë ja nëë të'ëts wa'ats, koonëm ja ja'ay nyajxtaaytyë; ja teetytyëjkëty jap nëëjoty tmëëtënaaytyë ja kaaxë mëti'ipë ja käjpxytyu'unën myë'ijtypyën.

Biblia Mixe de Quetzaltepec

¹⁷ Tëkokyë ja Israel ja'ayëty ojts tuknajxta'atë ja nëë të'ëts wa'ats, koonëm ja ja'ay nyajxtaaytyë; ja teetytyëjkëty jap nëëjoty tmëëtënaaytyë ja kaaxë mëti'ipë ja käjpxytyu'unën myë'ijtypyën.

Josue 3:17 ပူးပေါင်းရင်းမြစ်များ

Éxodo 14:29

E ja Israel ja'ayëty të'ëts wa'ats ojts tuknaxtë ja nëëjot, ma ënety të nyäwyä'kxyën ja nëë mäjtskpëky.

Éxodo 14:22

ets ojts ja Israel ja'ayëty ja nëë tuknaxtë ma ënety të nyäwyä'kxyën mäjtskpëky, ja nëë jëtu'un ojts kyëxë'ëky apojtsë'ëkypën mäjtskpa'ajëty.

Salmos 66:6

ojts yë mëjnëë tyajnäywyä'kxyë ets ojts tyajwë'ëmy të'ëtsnaax, ye'epy ojts ja n'ap'ajtëm tuknaxtë ja nëë; paaty tyam tsojk Dios ntukxoontakëmë.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

2 Reyes 2:8

Ënet ja Elías nyätyuknijääntutë ja nyijän ets t'axa'tsy, tääts yë'ë mëët ojts ja mëjnëë twojpyu'kxy, ënätyë ja nëëjot nyäwya'kxë mäjtskpëky ets jëtu'un tuknajxtë të'ëts wa'ats, tä jeexyë nëëwintë'ëtstuuy ye'eytyën.

Josue 4:3

Ets xy'ënëëmëty ko wä'än tjuutë majkmäjtsk yë tsaa jap nëëjoty, këëktu'uk tkoonë'ëktëty yë tsaa jap nëëjoty ma teetyëjk jap tyänëtën ets tmënëjkxtëty jam ma ja tsuu tyajnaxa'antën.

Hebreos 11:29

Mëët ko myëpëjktë ja Israel ja'ayëty, tyuknajxtë ja Tsaptsmejy të'ëts naaxkëjxy. Ko ja Egiptë ja'ayëty näjyëtu'un jyanaxantë, ojts nyëëji'kxta'atë.

Éxodo 14:21

Ënet ja Moisés ja tyajk jam tnajtstijëy nëëjotm, tä ja Dios tu'uk ja mëkpoj tkejxy, tu'ktsu'um ojts pyojy ets ja nëë mäjtskpëky nyäwya'kxë. Jëtu'un ojts ja Dios ja naax tyajnitëtstu'uty jam nëëjotm,

Josue 4:1

Tëë ënety ja Jordán mëjnëë tuknajxta'atë, ko ja Wintsën ojts tmëkäjpxy ja Josué:

Josue 4:22

Ets xytyukmëmëtya'aktëty wi'ix yë Israel kajpn tuknajxyën yë Jordán mëjnëë të'ëts wa'ats.

Josue 4:10

Ja teetytyëjkëty mëti'ipë kyiiytyëpën ja kaaxë, mëti'ipë myë'ijtypyën ja käjpxytyu'unën, jap ojts tmëwa'ak'oyëtë nëë'itkujky, tyam ja Israel ja'ayëty jyänty nyajxkojtë ets tuunta'atë tä ënety ja Wintsën të tni'ënä'ämën ma ja Josuéjën. Tu'kë'ëyë tuuntaaytyë tä ënety ja Moisés të tuk'ëne'emyën ja Josué. Ja ja'ayëty poj'am ojts jyänty nyajxkojtë,

Josue 4:11

ko ja ja'ayëty nyajxtaaytyë ets aaktam ënätyëty nëë'awinm, ënät ja teetytyëjkëty ojts jëjp'am tmënaxtë ja Dios ja kyaaxë ma ja mayjyä'äyëtyën.

Josue 5:1

Tëkokyë yë yajkutujkpëtëjk mëti'ipë ënety jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënety ja Dios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.