Josue 24:33 - Biblia Dc en Mixe de Quetzaltepec

³³ Ko y'o'ky yë Eleazar, Aarón yë y'u'unk, jam tyajnaaxtëjkëtë tunkëjxm ma ja nyaaxjotmën yë myaank Finees, mëti'ipë yajmooyën, jampë tunjotm kopkjotm yajpaatyën mëti'ipë yë Efraín nyitënääpyën.

Biblia Mixe de Quetzaltepec

³³ Ko y'o'ky yë Eleazar, Aarón yë y'u'unk, jam tyajnaaxtëjkëtë tunkëjxm ma ja nyaaxjotmën yë myaank Finees, mëti'ipë yajmooyën, jampë tunjotm kopkjotm yajpaatyën mëti'ipë yë Efraín nyitënääpyën.

Josue 24:33 ပူးပေါင်းရင်းမြစ်များ

2 Samuel 20:21

Ka'ap jyëtu'unëty, ëëtsëty yi'iyës n'ixtaaytyëp tu'uk yë ja'ay jam tsyoony ma Efraín yë nyaaxjotmën, jä'ä xyëëwajtyp Sebá, yë'ë nyipëtë'kpy yë yajkutujkpë David. Yi'iyës xymyo'ojëp etsës yam nëjkxtëty. Ka'ap tääpë wyi'ixëty, tyam ënät yääyë ma potsykyopkën yajkukä'tsnaxëty yë kyëpajk, jää xy'ëxajëty, jëtu'un y'ëtsooy ja to'oxytyëjk.

1 Reyes 4:8

Ya'atë nimajkmäjtskpë ojts tyuntën jä'ä xyëëwajtë: Ben-Hur, jam t'atänë ma ja kopkjotmën mëti'ipë ja Efraín ja jyä'äy nyitënaaytyëpën;

2 Reyes 5:22

Ka'ap, ka'ap jyotmayëty, jëtu'un y'ëtsooy ja Guehazí. Ëjts paatyës nminy, yë nwintsënës të xykyexy, jam nimäjtsk të jya'të yë Wintsën yë tyuunpëtëjk jam tsyoontë ma kopkjotmën mëti'ipë yë Efraín nyitënääpyën, e yë'ëts yam mijts mpëjktsowäämpy ets xyakëty tëkëëk mil yë poop pujxn meeny ets majts ni'kx yë wit.

Esdras 7:5

Abisúa, Finees, Eleazar ets Aarón, mëti'ipë më''ëka'any teety'ajtën.

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

Salmos 49:10

Jä'ä ko tëkokyë yë ja'ayëty kwanë ko y'ooka'antë tu'knax, jëtu'un mëti'ipë wijyën ets mëti'ipë ka'ap wyijyëtyën, e ja wyit myeenyëty wiinkpë tyuk'oy'atäämpy.

Éxodo 6:23

Yë Aarón yë'ë ojts mëët pyiky tu'uk yë to'oxytyëjk mëti'ipë xyëëwajtypyën Eliseba, yë'ë nyëëx yë Aminadab ets yë'ë yë myëkä'äx yë Nahasón, yë'ë myaank'ajt mëti'ipë ojts txëëwatën; Nadab, Abihú, Eleazar ets Itamar.

Éxodo 6:25

Tu'uk yë y'u'unk yë Aarón mëti'ipë xyëëwajtypyën Eleazar, yë'ë ojts mëët pyiky yë nyëëx yë Futiel ets yë'ë ojts tyajminy tyajja'ty naaxwiiny ja mëti'ipë yajtijyën Finees. Ya'atë jëtu'un ojts tnikopk'atë yë Leví ja'ayëty, jëtu'un ja xyëëwëty këxja'ay myintë tä tyu'kja'ay'ajtën.

Zacarías 1:5

E tyam, ¿maa ënät ja m'ap m'okëty? ¿wä'än jëtää yë käjpxynyajxpëtëjk xëmë jyuuky'atë?

Hechos 13:36

Jä'ä ko ja David ojts oytyuny ma ja jyä'äyën ijxtëm ja Dios ënety tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Hebreos 7:24

e ja Jesús, jä'ä ko xëmëkyëjxm jyuuky'äty, paaty ja tyeety'äty xëmëkyëjxm.

Josue 14:1

Ya'atë ja it naaxwiinyëtë mëti'ipë yajmooytyën ja Israel ja'ayëty tä tu'uk ja kuma'ayënën mëti'ipë ojts tyajwa'kxtën ja teety Eleazar, Josué, yë myaank yë Nun ets ja mëjja'aytyëjkëty mëti'ipë nyikopk'ajtëpën ja Israel ja'ayëty.

Josue 22:13

Yë'ë ojts jëyëjp tkäxtë yë Finees, yë teety Eleazar yë myaank, jam Galaad ma ënety jam yajpaatën yë Rubén, Gad ets je nikujkwä'kxypyë ja Manasés ja jyä'äy.

Jueces 17:8

Ya'atë yujkyeeky'ëna'k ojts jam tsyoony Belén ets ojts nyijkxy wiinktsow, t'ixta'ay ma y'ëktsënaaytyaknpëkëty. Ko jam jyä'äjty ma kopkjotmën mëti'ipë yë Efraín nyitënääpyën, jam ojts jyajtä'äky ma ja Micaías ja tyëjkën.

Jueces 18:13

Jamts tsyo'ontë ets ojts nyëjkxtë ma ja kopkjotmën mëti'ipë Efraín ja jyä'äy nyitënääpyën ets jam jyajtë ma ja Micaías ja tyëjkën.

1 Samuel 1:1

Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.

1 Samuel 9:4

Ënet ja Saúl tsyo'ony ets tuknajxtaay ja tunjot kopkjoty mëti'ipë ja Efraín nyitënääpyën, nyajxë'ky jam ma ja it naaxwiinyëtë txëëwatyën Salisá, e ja kyërukts ka'ap tpaty. Ojts näjyëtu'un jam jyajëtity ma ja it naaxwiinyëtën mëti'ipë yë Benjamín nyitënääpyën, ja kyërukts kä'äpyëm tpaty.