Josue 24:31 - Biblia Dc en Mixe de Quetzaltepec

³¹ Yë Israel ja'ayëty myëtuuntë yë Wintsën ko jyuuky'äjty yë Josué ets ko ojts y'o'knë ojts tjaakmëtuntë, ma ënety jyaak juuky'atënëm ja mëjja'aytyëjkëty mëti'ipë y'ijxtë nyija'awëtyën tiijaty ja Wintsën tyuunën.

Biblia Mixe de Quetzaltepec

³¹ Yë Israel ja'ayëty myëtuuntë yë Wintsën ko jyuuky'äjty yë Josué ets ko ojts y'o'knë ojts tjaakmëtuntë, ma ënäty jyaak juuky'atënëm ja mëjja'aytyëjkëty mëti'ipë y'ijxtë nyija'awëtyën tiijaty ja Wintsën tyuunën.

Josue 24:31 ပူးပေါင်းရင်းမြစ်များ

Génesis 14:10

Tu'kë'ëyë ma ja Sitim joyjyotmën tam ijty myäyjyätyë yë may jut ets tsajpkëk ma ijty tyajpëtsëmtën yë yëk mo'onts mëti'ipë o'tspën. Ko ojts ja yajkutujkpëty mëti'ipë tso'ontëpën Sodomë ets Gomorra jyakä'äkanëtë ma ja tsipën, jam ojts kyënajxta'atë jutjoty, e wiinkpë yajkutujkpëty tunkëjxm kopkkëjxm ojts jyaak kä'äktë.

2 Crónicas 24:2

Joás aak'oy ojts winë tuny jëtu'un tä ënety ja Wintsën oy tukjotkëtä'äkyën, jäpaat ma jyuuky'äjtyën ja teety Joiadá.

2 Crónicas 34:33

Josías ojts tyajkupoky ja ëxëëkpë ja tu'unën kajpxën mëti'ipë ja naax kajpn ijty tyuuntëpën ets mëktä'äky ni'ënä'ämëy ets ja Israel ja'ayëty yë'ë t'ëwtatëty ja Wintsën. Mapaat yë'ë jyuuky'äjtyën ja ja'ayëty ka'ap ojts t'ëxmatstë ja Wyintsënëty, ja Wintsën mëti'ipë y'ëwtajtën ja y'ap y'okëty.

Hechos 20:29

Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

Deuteronomio 11:2

Ja'aykyukëtë tii ja Wintsën mtukni''ixëjanëtëp, oy ja m'u'unk m'ëna'këty tyam ka'ap tja'akyukëtë ets ka'ap tnijawëtë. Mëmay mëtajtë wi'ix yë'ë myëjëtyën ets wi'ix winë tunyën.

Deuteronomio 11:7

Miitsëty tëë kë'ëm xy'ixtë xynyijawëtë, jä'ä ko wa'ats xy'ijxtë tiijaty yë Wintsën të tunyën.

Deuteronomio 31:13

Jëtu'un nëjkx ja m'u'unk m'ëna'këty tmëtoow'itë ja aaw ayuk, oy ënety ka'ap tja'akyukëtë tiikyëjxm ko ja jëtu'unpë yajkäjpxy yajmëtyä'äky, yë'ëjëty nëjkxëp ja Wintsën twinkutsë'ëkëtë mapaat jyuuky'atën naaxwiiny mëti'ipë jyä'ä'atantëpën, ko ënety të tuknajxtaaynyëtë ja Jordán mëjnëë.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Jueces 2:10

Ja Israel ja'ayëty mëti'ipë ënety mëët ja Josué tu'ukyë të jyuuky'atën ojts y'o'knëtë. Jëtu'un'äämyp ja ja'ayëty mëti'ipë ojts ok myintën naaxwiinyëtë ka'ap ojts näjyëtu'un tnijawëtë Wintsën ets ja myëj'ajtën mëti'ipë ënety të tuny të tkäjpxyën ma ja Israel ja'ayëtyën.

Jueces 2:6

Ko ja Josué ojts nyäjyëkajpxënë ma ja Israel ja'ayëtyën, ënät nyëjkxtaaynyëtë maajaty ja nyaax kyajpn ënety të tyuka'ajëtën.

Jueces 2:7

Ma Josué jyuuky'äjtyën ojts yë Israel ja'ayëty oy Wintsën tmëtuntë ets näjyëtu'un mapaat jyuukyajtën yë mëjja'aytyëjkëty mëti'ipë ënety mëët ja Josué të yajpaatën ets mëti'ipë të t'ixtën ja Wintsën ja myëj'ajtën.