Josue 24:20 - Biblia Dc en Mixe de Quetzaltepec

²⁰ Paaty miitsëty yam n'ënëëmëtë pën mpuwa'ktutëp yë'ë ets wiink tios xypyanëjkxtëjkënëtëty, yë Wintsën Dios nëjkxëp mpuwa'ktu'utëtë ets myajkutëkoyëtë, oy ënety oy winë të tuny të tkäjpxy mëët miitskyëjxmëty.

Biblia Mixe de Quetzaltepec

²⁰ Paaty miitsëty yam n'ënëëmëtë pën mpuwa'ktutëp yë'ë ets wiink tios xypyanëjkxtëjkënëtëty, yë Wintsën Tios nëjkxëp mpuwa'ktu'utëtë ets myajkutëkoyëtë, oy ënäty oy winë të tuny të tkäjpxy mëët miitskyëjxmëty.

Josue 24:20 ပူးပေါင်းရင်းမြစ်များ

1 Crónicas 28:8

E tyam ma yaa ni'ëmukë nyajpatëmën ëëtsajtëm Israel ja'ayëty, ma yam yajnitu'ukmukën ja Wintsën ja xyëëw mëti'ipë nTios'ajtëmën, ma winë tmëtoow'ityën. Pëjkë'ëk tunë'ëktë ja y'ënä'ämën tyiyajtën ja Wintsën, jëtu'un'äämpy ya'atë oypyë naaxwiinyëtë xyjyä'ä'atëty ets nëjkx jëna'a ja m'u'unk m'ëna'k xytyukkumaytyë.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

Esdras 8:22

Ëjts natsëtyu'un ja'awëyës ko jeexyë ja yajkutujkpë yaj'amëtooy ja tujnmëëtpë, kwaawmyëëtpë, mëti'ipë jeexyë xykyëwent'ajtëmën ma ntu'uye'eya'anëmën, jä'ä ko tëë ënety kë'ëm ja yajkutujkpë n'ëk'ënëma'ayëmë ko yë Wintsën y'ijx'ijtyp Kyëwent'ajtyp ja'ay mëti'ipë ixtaayëpën ets tyukjoot'anpëjkyp mëti'ipë ka'ap myëjpëjktä'äkyën.

Salmos 89:31

ets pën ka'ap tpatuntë ja n'aaw n'ayukës ets ka'ap tmëmëtowtë yë n'ënä'ämën ntëyajtënës.

Isaías 1:28

Apux tukpuxës ntuna'any mëti'ipë käjpxy kyumëtoownajxtëpën, ets mëti'ipës ënety xy'ëxmajtstëpën nëjkxëp y'ooktë.

Isaías 63:10

E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënety mijts të myaj'ëxmatsy ma jëtu'un m'ityën tä nëëkopkën.

Ezequiel 18:24

E ko yë wa'ats ja'ay t'ëxmatsëty ja oynyë'ë oytyu'u ets jä'ä tunëty ja ëxëëkpë mëti'ipës n'ëxëëk'ijxypyën mëti'ipë ëxëëk ja'ay tyuunpyën, ¿ko m'ëk may m'ëk tajtë, wä'än jëtää tääpë ja'ay jyuuky'atëtyë? Oy ënety tii winë të tjatuny oy, ëjts ka'apës nja'amyätsa'any; yë'ë kopkpëky ko y'ookëty mëët ko ënety të xykyawintsë'ëkës ets yë'ë nëjkx tku'ookë nyëë pyoky.

Hechos 7:42

Paaty ja Dios y'ëxmajtsëtë ets twintsë'ëkëtëty ja matsa'a ets tiijaty jam tsajpwinmën. Jëtu'un ijxtëm ja Dios ja kyäjpxynyajxpë ënety ja nyoky y'ënä'änyën: Miits, Israel ja'ayëty, ko m'ijtë jam të'ëts'itjotm wëxtyikxy jëmëjt, ¿xymyooytyës ja wintsë'kënë?

Deuteronomio 4:25

Ko ënety xymyëët'ajnëtë ja m'u'unk m'ëna'këty, ja m'ok'u'unk m'ok'ëna'këty ets të mmëjja'ayënëtë ets jää xyajkoj'awinajxtëpëty oynatii, mpokytyuntë jëtu'un ma ja Wintsënën mëti'ipë mTiosajtëpën ets yë'ë xyajjoot'anpëktëty.

Deuteronomio 4:26

Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

Hebreos 10:38

Yë n'u'unkës mëtëy jyuuky'ata'any mëët ja mëpëjkën; jää tëy ko tyu'utëkatsëty ka'apës nëjkx oy näjyawëty.

Josue 24:21

Tä ja mayjyä'äy y'ëtsoowtë: Ka'ap jëtu'un jyata'any. Ëëtsëty Wintsënës nmëtunantëp.

1 Samuel 12:15

Jä'ä ko pën miitsëty ka'ap xymyëmëtowtë ets m'ixtijtëp ja y'ënä'ämën tyiyajtën, yë'ë nëjkxëp yë mtëytyunëtë ets näjyëtu'un ja myajkutujkpëty.

1 Samuel 12:25

E jää tëynyë ko ënety miitsëty je'eyë ja ëxëëkpë xypyanëjkxtëjkënëtë, nëjkxëp ja mkutëkooynyëtë, näjyëtu'un ja myajkutujkpëty.