Josue 24:17 - Biblia Dc en Mixe de Quetzaltepec

¹⁷ Yë Wintsën yë'ë jëtu'un ojts jap xyjyuutës Egiptë kajpnjoty ets näjyëtu'un ja n'ap n'okëtyës, ma ënety jap je'eyë n'ëyow nmëtuntësën. Ojts mëj këjää ja myëj'ajtën tyaj'ixyë ets ojts xypyutëkëtës koos në'ë'am tu'u'am nyajpatë ets koos kanaak yë naax kajpn ntuknajxtë.

Biblia Mixe de Quetzaltepec

¹⁷ Yë Wintsën yë'ë jëtu'un ojts jap xyjyuutës Egiptë kajpnjoty ets näjyëtu'un ja n'ap n'okëtyës, ma ënäty jap je'eyë n'ëyow nmëtuntësën. Ojts mëj këjää ja myëj'ajtën tyaj'ixyë ets ojts xypyutëkëtës koos në'ë'am tu'u'am nyajpatë ets koos kanaak yë naax kajpn ntuknajxtë.

Josue 24:17 ပူးပေါင်းရင်းမြစ်များ

2 Crónicas 13:10

E ëëtsëty ënät, ja nTiosëtyës yë'ëjës nWintsën'ajtëp ets nijëna'a yë'ë të nka'ëxmatstës. Ja teetytyëjkëty mëti'ipë jam ja Wintsën myëtuuntëpën aakyë'ë Aarón yë y'u'unk y'ok, mëti'ipë jam wiinkëëy kujkëëytyëpën yë'ë yë Leví ja'ayëty.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënety ëëtsëty nmëtun n'ëyowtën.

Éxodo 13:3

Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 19:4

Miitsëty tëë kë'ëm xy'ixtë wi'ixës ëxëëk të ntunyën yë Egiptë ja'ayëty ets wi'ix miitsëty yaa të nyajmintën maas yaa nyajpaatyën, pojën yaj'ixy të mintë jëtu'un tä jeexyë jam mkäknëtyën.

Isaías 46:4

ëjts je'eyëmës ënety n'ixëty ko miitsëty nëjkx mëjja'ayëtë, ko ënety miitsëty tëë mkupo'ojënëtë ëjts je'eyëm nëjkx miitsëty nmajts'itë. Ëjts miitsëty të nyajkojtë ets je'eyëm ntsäänä'an nkona'antë, ëjts miitsëty nmajts'itantëp ets nyajtso'okantëp.

Deuteronomio 29:2

Ko ja Moisés tyajtu'ukmujktaay ja naax kajpn, ënät t'ënëmaay: Miitsëty Israel ja'ayëty, tëë xy'ixtë wi'ix yë Wintsën o'ktëy të tunyën yë yajkutujkpë mëët yë wyintsëntëjk jënu'un mëët tyuunmukyën jap Egiptë.

Deuteronomio 32:9

Jä'ä ko mëti'ipë yë Wintsën kyuma'ayën'ajtypyën yë'ë yë Jacob yë y'u'unk y'ëna'k ets yë'ë jyä'ä'ajtyp.

Deuteronomio 7:19

Yë ëkja'amyätstë wi'ix yë Dios yë mëj ëyo'on kanaakjëjp jap tyajkëtäkyën Egiptë ets miitsëty ojts kë'ëm xy'ixtë, wi'ix ojts yë myëj'ajtën tyaj'ixyë ets ja kyutujkën ets jëtu'un jap myajpëtsëëmëtë. Näyjyëtu'un ja Dios tuna'any ja naax kajpn mëti'ipë miitsëty mtsë'këtyëpën.

Josue 24:16

Ënet ja naax kajpn y'ëtsooy: Ka'ap mëpaat, yë Wintsën t'a'ixë etsës yë wiink tios npanëjkxtëty.

Josue 24:18

Yë'ë ojts tyajkutëkooytyä'äy ja kajpn maajaty ojts najxëmën ets yë'ë näjyëtu'un yajkutëkooytyääy ja Amor ja'ayëty mëti'ipë ijty yaa tsënaaytyëpën. Mëët ma ya'atë tëkokyë të tuny të tkäjpxyën tsojk ënät nmëtu'unëm ja Wintsën, jä'ä ko yë'ë nTios'ajtëm.