Josue 24:14 - Biblia Dc en Mixe de Quetzaltepec

¹⁴ Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

Biblia Mixe de Quetzaltepec

¹⁴ Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

Josue 24:14 ပူးပေါင်းရင်းမြစ်များ

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

Génesis 35:2

Ënet ja Jacob ja y'u'unk y'ëna'k t'ënëmaay ets tu'kë'ëyë jënu'un ënety mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Dios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

Esdras 9:11

mëti'ipë ojts xyjyatuk'ëne'emyën ja mkäjpxynyajxpëtëjk. Ojts xyjyatuk'ëwaanëtës, ko ja naax kajpn ma ënety ëëts ntëkëja'antën ëxëëk ja yajpaaty ets aak toon aak mä'tstëp yë ja'ay, ko aakjä'ä ja ëxëëkpë tyuunk'ajtëp.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Dios myëtuumpy ets nijëna'a ojts pën tkamëtëkoy.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Salmos 119:1

Janty jotkujk yë ja'ay jyuuky'atë mëti'ipë mëtëy winë tyuuntëpën ets yi'iyë pyanëjkxtëp mëti'ipë yë Wintsën y'ijxpëjkën'ajtypyën.

Salmos 119:80

Yi'iyë tu'ukyë nkuuytyunäämpyës yë m'ënä'ämën mtëyajtën winë aaw winëjot, jëtu'un ka'ap tii tsëtyu'un nmëët'atëtyës.

Salmos 130:4

E mëët yë'ë ko jam ma mijtsën npaatës yë pokymyä'kxën ets myajmëjjawë.

Salmos 81:10

Ëjts jëtu'un Wintsën, mijts yë mTios, mëti'ipë ojts mjuutyën jap Egiptë; ëwë'ëk ets nyaj'itëty ku'uxyë.

Ezequiel 20:18

Ënätës n'ënëmaaytyë ja y'u'unk y'ëna'këty ets ka'ap jëtu'un winë tuntëty tä ja tyeety tyaak y'ënë'ëmxëtën, ko ka'ap nyätyukyaj'ëxëëkëtëty ja ka'apë tyiosëtyën.

Ezequiel 23:3

Tääpë nimäjtskpë to'oxytyëjkëty ëna'k'ajtëp ënety ko ojts tpatso'onta'aktë kujenytyuunk, xim yam ja ye'etyëjk tmëët'atë; ko jap Egiptë y'ijtë ka'ap wi'ix y'ënantë ko yajtsi'tskpäntë, jëtu'un'äämpy ojts tyajtëkoytyë ja y'akiixy'ajtënëty.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Lucas 8:15

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Dios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Dios tyukmëtsokëtën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Efesios 6:24

Wä'än ja Dios mkënu'kxëtë ni'ëmukë miitsëty mëti'ipë mtsojktëpën ja Wintsën Jesukristë mëët ja tsojkën ja'awën xëmëpë y'ityën.

Deuteronomio 10:12

E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

Deuteronomio 18:13

Miitsëty mëtëy mëpaat mjuuky'atë Dios wintum.

Deuteronomio 6:13

Yë Wintsën yë'ë m'ëwtatëp ets mëtuntëp xëmë ets ko tii xynyikajpxa'antëty mëët yë kuttujkën, yë Dios yë xyëëw myajtuunëtëp.

Filipenses 1:10

ets xynyijawëtëty wi'ix xywyin'ixtëty mëti'ipë oyën, jëtu'unts ja juukyajtën wa'atspë xymyëët'attëty ets ka'ap tii poky xytyuntëty ko ja Kristë wyimpitëty.

Josue 24:2

ets t'ënëmaay ja naax kajpn: Jëtu'un yë Wintsën y'ënä'äny mëti'ipë Tyios'ajtypyën yë Israel ja'ayëty: Tëëyëp ma jyuuky'äjtyën yë Térah, yë Abraham ets Nahor yë y'u'unk y'ëna'k, miits yë m'ap m'okëty jampë tsyënaaytyën nëë''ëkë'ëm ma ja Éufrates mëjnëëjën.

Josue 24:23

Tä ja Josué y'ëtsooy: Pën janty jëtu'un, jëpëjkta'atë yë wiink tios mëti'ipë mëët'ajtëpën ma mjëën mtëjkëtyën ets jootwinpitë winë aaw winëjot ma Israel ja'ayëty yë Wyintsën Tiosën.

1 Samuel 12:14

Tyam miits ënät mpatëtëp pën mëjjawëjantëp yë Wintsën ets pën m'ëwtatantëp yë'ë, miits mnija'awëtyëp pën nkäjpxymyëtowantëp ets pën mpatunantëp yë y'ënä'ämën tyiyajtën ets mjuuky'atëty jëtu'un tä yë'ë tsokyën, jëtu'un'äämpyts jotkujk myajpaatëty.

1 Samuel 12:24

Yi'iyë tëy tsojkëp ets miitsëty xywyinkutsë'ëkëtëty yë Wintsën Tiosë ets xëmë yë'ë xy'ëwtatëty mëët yë tëyajtën ets winë aaw winëjot. Nijëna'a xykyaja'atyëkoytyëty mëti'ipë yë'ë oy winë tyuunpyën mëët miitskyëjxmëty ets xytyuk'oy'atëty.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.